Jutře na rozmołwny wječor
Budyšin. Serbski muzej a Spěchowanski kruh za serbsku ludowu kulturu přeprošatej ludowych wuměłcow wšelakich spartow kaž tež wšitkich zajimcow, wosebje młodźinu, na rozmołwny wječor „Serbske ludowe wuměłstwo w 21. lětstotku?!“ do muzeja na Budyskim hrodźe jutře, srjedu, w 19 hodź. Mjez druhim póńdźe wo prašenje, hač ma naša tradicionalna serbska kultura woprawdźe šansu napřećo Pokémon Go a podobnym powabkam a kak móžeš młodu generaciju za nju zahorić. Tež nowe ideje a serbske inowatiwne wudźěłki su witane. Diskusija budźe přez słuchatka do němčiny přełožena. Moderaciju přewozmjetej Andrea Pawlikowa ze Serbskeho muzeja a młodźinska referentka Domowiny Rejzka Wałdźic. We 18 hodź. je wodźenje po wustajeńcy „Pruhi, kruhi, třiróžki“.
Zwučuja na nowym městnje