Politiske poselstwo z Lipska poručenje

štwórtk, 23. měrca 2017
artikl hódnoćić
(0 )
Mějićel Hornjołužiskeho nakładnistwa dr. Andreas Gerth je so dopołdnja na Lipšćanskich knižnych wikach z jednaćelku Marku Maćijowej runje tak kaž ze šefom nakładnistwa Lusatia dr. Frankom Stübnerom rozmołwjał a so wo nowowudaćach wobhonił. Dźensa so na stejnišću LND tež nawjedowaca lektorka Janka Pěčkec de Lévano (wotlěwa) wo zajimcow stara.  Foto: Tomaš Šołta Mějićel Hornjołužiskeho nakładnistwa dr. Andreas Gerth je so dopołdnja na Lipšćanskich knižnych wikach z jednaćelku Marku Maćijowej runje tak kaž ze šefom nakładnistwa Lusatia dr. Frankom Stübnerom rozmołwjał a so wo nowowudaćach wobhonił. Dźensa so na stejnišću LND tež nawjedowaca lektorka Janka Pěčkec de Lévano (wotlěwa) wo zajimcow stara. Foto: Tomaš Šołta

Knižne wiki z přepodaćom myta zahajili

Lipsk (SN/CoR). Z wuznaćom k  zjednoćenej Europje su Lipšćanske knižne wiki zahajili. Francoski spisowaćel Mathias Énard dósta na wčerawšim swjedźenskim akće w tamnišej sukelnicy Lipšćanske knižne myto k europskemu dorozumjenju. Jeho nowy roman „Kompass“ pokazuje, kak tradicije islama, křesćanstwa a židowstwa do so přimaja. Sakski ministerski prezident Stanisław Tilich (CDU) namołwješe europsku ideju přećiwo zjednorjenju, pačenju a hidźe zakitować: „Njedajće nas špatnje wo našej Europje rěčeć. Škitajmy a wobchowajmy sej čłowjeske prawa, demokratiju, prawostatnosć, swobodu nabožiny a měnjenja, swobodne medije. Tele wudobyća su ćežko nadźěłane a njejsu samozrozumliwe.“ Tež předsyda bursoweho towarstwa Němskeho knižneho wikowanja Heinrich Riethmüller skedźbni na strašne wuwiće w Turkowskej, wuchodnej Europje a Americe: „Apelujemy na politiskich rozsudźerjow, sej w tajkich krajach swobodu měnjenja žadać a njestajić ju při jednanjach k dispoziciji.“

wozjewjene w: Kultura
Prošu přizjewće so, chceće-li komentar podać

Serbska debata

nowostki LND