Budyski křižerski procesion so lětsa 25. króć po znowazałoženju na puć nastaji

Mnohe lěta zhladowachu něhdyši Budyscy křižerjo žarliwje na druhe křižerske procesiony, po tym zo dyrbjachu so pobrachowacych koni dla po lěće 1969 swójskeho procesiona wzdać.

Mysl, křižersku tradiciju tež w sprjewinym měsće jónu zaso wožiwić, pak njejsu ženje dospołnje spušćili. 1992, jako bě tež w Budyskim wokrjesu zaso dźeń a wjace koni, nastorčištaj Meškankec bratraj Timo a Wito z listami na něhdyšich křižerjow, Budyski křižerski procesion bórze zaso wozrodźić.

Znajmjeńša třicećo dyrbjeli być