Hraje nětko za delnjoserbsku koparsku wubranku

póndźela, 22. meje 2017
artikl hódnoćić
(0 )
Willi Paška, hrajer nowozałoženeje koparskeje wubranki w Delnjej Łužicy  Foto: Georg Zielonkowski  Willi Paška, hrajer nowozałoženeje koparskeje wubranki w Delnjej Łužicy Foto: Georg Zielonkowski

Před pjeć lětami přisłušeše Willi Paška hišće Serbskej koparskej wubrance, a to na europeadźe 2012 w Hornjej Łužicy. „Dopominam so rady na tehdyše dožiwjenja. Wosebje, dokelž běch jenički Serb z Delnjeje Łužicy, kotrehož do kadra powołachu. To bě wulka česć za mnje. Moji hornjołužiscy sobuhrajerjo nimo toho nimale wšitcy we wyšich koparskich klasach kopački šnórowachu. A ja sym hač do dźensnišeho přeco hišće zastupjer wokrjesneje klasy w Delnjej Łužicy. Sportowsce pak sym po zdaću derje sobu dźeržeć móhł. Wosebje zajimawe bě, zo su koparjo a zamołwići w našim kwartěrje w Smochćicach kaž tež druhdźe nimale bjezwuwzaćnje serbsce rěčeli. To je mi chětro pomhało so zaso raz hłubšo z rěču zaběrać“, skicěruje dźensa 30lětny swoju situaciju we wubrance.

wozjewjene w: Sport
Prošu přizjewće so, chceće-li komentar podać

Serbska debata

nowostki LND