Wysoko dobyli

póndźela, 12. junija 2017
artikl hódnoćić
(0 )
Pawl Hrjehor njeje jeno stajny hrajer Njebjelčanskeje SJ, ale mjez druhim tež chětro strašny nadběhowar.  Foto: Jörg Stephan Pawl Hrjehor njeje jeno stajny hrajer Njebjelčanskeje SJ, ale mjez druhim tež chětro strašny nadběhowar. Foto: Jörg Stephan

SJ Njebjelčicy

– ST Wóslink/Skaskow 7:0 (3:0)

Zestawa domjacych: Wićaz – Hrjehor, Kral, Zeller (54. Pawlik), Hommel, Šołta (54. Dubaw), Janca, Hoelzel, Hanuza, Čornak (59. Korjeńk), Lejnart

Při horcym wjedrje padachu wrota w poslednjej domjacej hrě koparjow Njebjelčanskeje SJ w sezonje kaž zrałe płody. Na jednej stronje njebě přećiwnik z Wóslinka/Skaskowa runjewon přesylny kontrahent, na tamnej stronje Njebjelčenjo tónraz zaměrnje wo wrota wojowachu. Tak bě partija do přestawki z 3:0 hižo rozsudźena. Wo to postarali běchu so Robert Lejnart (11.), Jakub Šołta (17.) a Gabriel Čornak (41.). Dalše wulkej móžnosći měještaj Šołta hižo w prěnjej mjeńšinje, jako třěli z połneho běha do łaty hóstnych wrotow, a Tomy Hommel po rjanym soloběhu, jako misny wón klětku přećiwnika jenož wo centimetry.

wozjewjene w: Sport
Prošu přizjewće so, chceće-li komentar podać

Serbska debata

nowostki LND