28. Kulow-cup přewjedli

póndźela, 17. julija 2017
artikl hódnoćić
(0 )
Wólnočasny koparski cyłk Die Söffner wjeseli so nad snadnym dobyćom 3:2 w finalu 28. Kulow cupa.  Foto: Werner Müller Wólnočasny koparski cyłk Die Söffner wjeseli so nad snadnym dobyćom 3:2 w finalu 28. Kulow cupa. Foto: Werner Müller

Pjatk wječor je so wólnočasny koparski turněr z mjenom Kulow-cup, kotryž bu wot młodźinskeju skupin Company of Kulow a Die Söffner organizowany, z tak mjenowanej samba-nocu zahajeny. Party na swjedźenskej łuce při Kulowskim měšćanskim haće bě połny wuspěch. Sobotu přewjedźechu tradicionalny koparski turněr z dźewjeć mustwami Kulowskich młodźinskich klubow. Byrnjež hry dešća dla přetorhnyć dyrbjeli, knježeše mjez přihladowarjemi a akterami na hrajnišću wulkotna nalada. Po předkołach a połfinalach sćěhowachu zaměstnjenske hry, kaž tež małe a wulke finale. Kónčnu hru doby cyłk Die Söffner 3:2 přećiwo Company of Kulow. Tak budźetej tejle cyłkaj 29. Kulow-cup zhromadnje zarjadować.

wozjewjene w: Sport
Prošu přizjewće so, chceće-li komentar podać

Serbska debata

nowostki LND