Stari knježa wuspěšnje hrali

srjeda, 22. februara 2017 spisane wot:

Zymski čas je halowy čas, a tak wobdźěleja so stari knježa Sokoła Ralbicy/Hórki na wjacorych halowych koparskich turněrach.

Do turněra spočatk februara we Wojerecach Sokoljo derje startowachu a prěnju hru w stafli B z 1:0 přećiwo Jednoće Wojerecy dobychu. W druhej přećiwo Lok Wojerecam hižo tak njeběžeše. Kopicu šansow njewužiwajo woni 0:2 přěhrachu. Dokelž hraje Lok swojorazny system, kóždy předkoło „přežiwi“ a docpěje tak k.o.-modus, potajkim štwórćfinale. Třeću hru hrajachu Ralbičenjo na Puma Zły Komorow 0:0 a dyrbjachu so z třećim městnom w stafli B spokojić. Mějachu drje runja prěnimaj mustwomaj štyri dypki, za to pak hubjeńši wrotowy poměr.

Po tym zo bě Toni Barnickel (prědku naprawo) za Budissu Budyšin w testowej hrě přećiwo Biskopičanskemu KT 08 na kopanišćo přišoł, bu hra Budissy trochu žiwiša. Tež Barnickelej pak so rozsudna změna njeporadźi. Regionalny ligist podleža wyšemu ligistej 1:5. Za Budyšanom widźimy Franka Zillu a nalěwo Erica Bachmanna (wobaj Biskopičanske KT). Foto: Torsten Zettl

Póst Budyšin ma noweho trenarja

wutora, 21. februara 2017 spisane wot:

Wokrjesny wyši koparski ligist Póst Germania Budyšin ma noweho šeftrenarja. Hłowny zamołwity nazwučowar je tam nětko Jiří Krohmer, kiž je dotal koparjow U 23 Budissy Budyšin trenował. 38lětny Krohmer je jako bywši kopar dwanaće hrow w europskim pokalnym kole wotměł, a to za Sigma Olomouc w Čěskej a za FK Ventspils w Letiskej. Wón wobsedźi trenarsku licencu B. Za Serbske Nowiny je z nim Hanspeter Benad porěčał.

Wot hdy sće za prěnje mustwo Pósta Germanije Budyšin zamołwity?

J. Krohmer: Thomas Laue je mje njedawno zazwonił a so prašał, hač móžu sej předstajić zamołwitosć za mustwo přewzać. Dokelž sym před lětami hižo młodźinu A Pósta trenował, njejsym dołho přemyslował a sym připrajił.

Kak dołho maće zrěčenje?

J. Krohmer: Wone traje najprjedy jónu hač do kónca sezony 2016/2017.

Kotre cile maće za druhu połseriju?

J. Krohmer: Chcu z porjadnym treningom wukony wšitkich hrajerjow polěpšić a tak zdobom wukon mustwa. To pak trjeba swój čas. Snano poradźi so nam potom wjace přihladowarjow do koparskeho stadiona dóstać.

Maće kotrenarja abo staraće so sam?

Chce rewoluciju w kopańcy

wutora, 21. februara 2017 spisane wot:

Słowa trenarja regionalneho koparskeho ligista FC Energije (FCE) Choćebuz Clausa-Dietera Wollitza wuskutkuja wulke diskusije – nic pak na čole Němskeho koparskeho zwjazka (DFB), skerje na bazy.

Wučer za kopańcu je zamołwitych DFB zjawnje atakował a swojich kolegow-trenarjow namołwjał, přećiwo njedostatkam w štwórtej koparskej lize Němskeje z warnowanskim stawkom postupować. „Jenož, hdyž po tymle puću swój hłós pozběhnjemy, budu knježa tam horjeka snano wo tym rozmyslować, što so tu deleka poprawom stawa“, so 51lětny Wollitz rozhorja.

Wo čo dźe? Wollitz nochce so z tym wotnamakać, zo dyrbi staflowy dobyćer po dołhej sezonje w štwórtej lize, hišće dwaj direktnej duelej wo postup do třećeje ligi wuhrać. Wšěm prěnim a tež druhemu w stafli-juhozapad ma so direktny postup zmóžnić, tak rěka warianta šeftrenarja FCE. „Tale liga so z relegaciskimaj hromaj prosće podrywa. Tučasnje so naša liga z praktikowanymi regularijemi niči. To pak zamołwitych w DFB njezajimuje!“

Pjeć wot wosom hrow přewjedli

wutora, 21. februara 2017 spisane wot:
We wokrjesnej wyšej koparskej lize je so sobotu a njedźelu pjeć wot wosom partijow přewjesć hodźało, wšitke na kumštnym trawniku. We Wojerecach hrajachu w Jahnowym stadionje Wojerowski FC – SC 1911 Großröhrsdorf (2:1), ST Ćisk – SZ Wjelećin (10:1) a LSV Hory 1990 – SZ Hnašecy/Dobruša (1:2). Derby Rakečanske ST – Módro-běli Kulow (1:0) bě do Kamjenca přepołoženy a partija ST Kinspork/Łuž­nica – Sokoł Ralbicy/Hórki (0:3) bu wot wšeho­ započatka na nowym kopanišću w Kinsporku planowana. Jurij Bjeńš

Wuslědki (21.02.17)

wutora, 21. februara 2017 spisane wot:

Krajna koparska liga

Eilenburg – Kamjenc1:0 (0:0)

Pirna-Copitz – Wocl Riesa 2:3 (2:1)

1. Eilenburg 15 40  :  10 39

2. Grimma 15 35  :  15 36

3. Kamjenc 15 34  :  14 32

4. Wocl Riesa 15 33  :  27 28

5. Hohenstein-Ernstthal 14 33  :  21 23

6. Pirna-Copitz 14 27  :  21 23

7. Markkleeberg 13 25  :  28 17

8. Niska 15 20  :  24 16

9. Glauchau 14 25  :  30 14

10. Reichenbach 14 13  :  21 13

11. Lößnitz 14 12  :  25 13

12. Rapid Kamjenica 14 26  :  26 12

Ćežko do hry so namakali

póndźela, 20. februara 2017 spisane wot:

SJ Njebjelčicy

– LSV Hory II 2:3 (0:1)

Zestawa domjacych: Ričel – Hahn, Zeller, Lejnart, Kral, Hübental, Hanuza, Šram, Korjeńk, Janca, Dubaw, Hommel, Mjechela, Čornak, Hoelzel

Swoju druhu přihotowansku hru mějachu koparjo Njebjelčanskeje SJ znowa na kumštnym trawniku Kamjenskeho sportoweho kompleksa. Tónkróć rěkaše hósć LSV Hory II. Njebjelčanska trenarska dwójka bě znowa nuzowana někotrych aktiwnych z druheho zastupnistwa sobu zapřijeć. Zwjeselace pak bě, zo je so dołholětny kapitan Chrystof Dubaw po dlěšej přestawce zaso cyłkej přidružił. Spěšne a direktne hraće hosći Njebjelčanam tak prawje njetyješe. Šansow bě mało, a tak hósć do přestawki po jědnatce nawjedowaše (42.).

Z wutrajnosću k wuspěchej

póndźela, 20. februara 2017 spisane wot:

ST Kinspork/Łužnica

– Sokoł Ralbicy/Hórki 0:3 (0:0)

Zestawa hosći: Ch. Gloxyn – Lulak, Zynda, B. Bjeńš, Šewc, S. Bjeńš (80. Korch), D. Gloxyn, Wałda (87. J. Bjeńš), Matka (67. Materna), Kurjat, Domaška

Prěnju hru bjez trenarja dyrbjachu koparjo Sokoła Ralbicy/Hórki pola njepřijomneho a robustneho přećiwnika z Kinsporka/Łužnicy přetrać. Tak přewza narěč w kabinje Chrystof Gloxyn, kiž docpě ze swojej měrnej žiłku kóždeho hrajerja. Z połnej motiwaciju tuž započachu.

Widźał,słyšał, napisał (20.02.17)

póndźela, 20. februara 2017 spisane wot:

Awtor dźensa

Jurij Bjeńš

Thomas Schultz ze Spal njeje hižo trenar prěnjeho koparskeho mustwa Sokoła Ralbicy/Hórki. Tale sportowa top-powěsć z minjeneho tydźenja je wjele ludźi zadźiwała. Nětko mnozy lubowarjo serbskeje kopańcy zawěsće wo tym diskutuja, kak a čehodla je k tomu dóšło. Nochcu drje tule wšitke interne informacije wozjawnić, skerje pak skrótka wopisować, kak je so puć dźělił. Zadźěwać chcu tak bladam, kotrež wšak rady w serbskim kraju nastawaja.

Z Mužakowskim běhom započnu

póndźela, 20. februara 2017 spisane wot:

Po přestawce wodychnjenja a regeneracije hotuja so nětko běharjo hač do srjedź nalětnika na nowu sezonu. Nimo intensiwneho treninga wosebje po móžnosći w přirodźe při najwšelakorišim wjedrje činja to tež po datych móžnosćach a wuměnjenjach na sněhakach abo smykačach. Bohudźak běštej to sněh a lód někotre­ tydźenje w našich kónčinach zmóžniłoj. Štóž dyrbješe mjenujcy w tychle zymskich měsacach w dosć ćežkej fazy za duch a ćěło dźěle ze swojeho intensiwneho treninga šmórnyć, dyrbi potom w poprawnej wubědźowanskej sezonje ze słabšimi wukonami ličić.

nawěšk