Z wudaća: štwórtk, 20 oktobera 2016

štwórtk, 20 oktobera 2016 14:00

Zasłužby wo naš lud hódnje počesćili

Lawreaća Myta Domowiny a Myta Domowiny za dorost su multiplikatorojo w narodnym dźěle

Wědu wo Serbach šěrić a k lěpšemu dorozumjenju mjez serbskimi, němskimi a wukrajnymi zajimcami přinošować. – Z přiběracej zwólniwosću sej přistajeni serbsku rěč přiswojeja a tak so tež němska zjawnosć za naležnosće našeho ludu sensibilizuje. – Z wulkim angažementom so lětsa za wobdźělenje Serbow na zjězdźe katolikow w Lipsku zasadźować. – Być jako městožupan wot 1991 konstanta w tehdy nowozałoženej zhromadnej župje Delnja Łužica. – Towarstwo twori ze zarjadowanjom „Jolka“ mjeztym instancu, kotraž na šěrokim kulturnym polu serbski dorost a na wosebite wašnje wuměnu mjez generacijemi spěchuje.

wozjewjene w: Towarstwa
štwórtk, 20 oktobera 2016 14:00

Prěnja domjaca hra w nowej sezonje

Po zhromadnym treningowym lěhwje w Grünheide je tež za volleyballistki prěnjeho mustwa Marijinych hwězdźičkow sezona we wobwodnej lize zaběžała.

Tak su Pančanki hižo prěnju hru w Zhorjelcu absolwowali. Nažel pak nic z wočakowanym wuslědkom. Spočatk septembra podležachu chowanče trenarja Ralfa Wachsmanna z 2:3. Hwězdźički njejsu prawy zazběh namakali, štož zaleži zawěsće na trochu změnjenym mustwje. Tak stej dwě hrajerce nowej a dwě stej so do přestawki rozžohnowałoj. Jedna strowotnych přičin a druha maćerneho dowola dla. Tež Leńka Bartec njesłuša hižo k mustwu. Wona přewjedźe tučasnje swobodne lěto w Saksko-Anhaltskej. Nowa to situacija za hwězdźički. Móžeće sej sami wobraz činić, kak woni to zmištruja. Na prěnim domjacym hrajnym dnju 22. oktobra wočakuja Marijine hwězdźički wot 14 hodź. nowopřichad Koblicy a wot 16 hodź. hraja přećiwo tučasnemu načolnikej tabulki z Chróstawy. Wšitcy su sobotu wutrobnje do Pančanskeje sportownje witani. Halena Jancyna

wozjewjene w: Sport
štwórtk, 20 oktobera 2016 14:00

Wuslědki (20.10.16)

Wokrjesna koparska wyša liga

ST Ćisk – FV Ottendorf-Okrilla  5:0 (3:0)

TSV Połčnica – Motor Kumwałd 1:2 (1:2)

Großröhrsdorf – Ralbicy/Hórki 1:1 (0:0)

Kulow – Hnašecy-Dobruša 1:2 (0:0)

ST Wjelećin – Póst Budyšin 2:6 (2:2)

1. ST Ćisk  9 29  :  3 24

2. Rakečanske ST 9 24  :  12 20

3. Motor Kumwałd 9 17  :  15 16

4. ST Kinspork/Łužnica 9 21  :  14 15

5. ST Hnašecy-Dobruša 9 17  :  17 15

6. Sokoł Ralbicy/Hórki 9 21  :  12 14

7. SC Großröhrsdorf 9 9  :  6 14

8. Póst Germania Budyšin 9 16  :  17 14

9. Módro-běli Kulow 9 19  :  15 12

10. LSV Hory  9 26  :  17 11

11. Wojerowski FC 9 17  :  20 11

12. Drohotka Ramnow 9 14  :  17 9

13. Zeleno-běli Bukecy 9 17  :  34 8

14. TSV Połčnica  8 12  :  19 6

15. FV Ottendorf-Okrilla  9 12  :  29 6

16. ST Wjelećin 8 12  :  36 2

wokrjesna liga, stafla I

1. ST Horni kraj-Sprje. II 9 37  :  10 22

2. Traktor Malešecy 9 27  :  10 20

3. TSV Wjernarjecy 9 25  :  15 19

4. FV Concordia Załom 9 35  :  15 18

5. ST Porchow 8 13  :  8 15

6. HZ Wulka Du./Minakał 9 20  :  21 15

7. ST Budyšin 9 17  :  11 12

8. Germania Budyšin II 9 21  :  25 11

wozjewjene w: Wuslědki
štwórtk, 20 oktobera 2016 14:00

Dypk w pinčnym duelu

LSV Nowe Město nad Sprjewju

– Sokoł Ralbicy/Hórki II 1:1 (0:0)

Zestawa hosći: Cyž – Serbin (60. J. Matka), Bogusz, T. Matka, Kobalc, Šnajder, Čórlich (69. M. Matka), Materna, G. Kurjat, Jakubaš, M. Kurjat (84. Šmit)

Na žadyn pad přěhrać, rěkaše dewiza Sokoła Ralbicy/Hórki w Nowym Měsće nad Sprjewju. Po prěnim dobyću tydźenja doma přećiwo cyłkej z Blunja chcychu na hrajny wukon nawjazać, byrnjež prawy centralny motor w srjedźnym polu­ pobrachowaše. Najlěpšu móžnosć k nawjedowanju měješe kaž před tydźenjom młody Gabriel Čórlich. Domjacy bul w hrajnym natwarje zhubichu, ale nažel sadźi wón hrajny nastroj na žerdź. Pola Noweho Města skedźbni Martin Fallant z rjanej třělwu na so. Wjace naspomnjenja hódneho so njesta. Wobě mustwje so neutralizowaštej a škitaj steještej dosć wěsće.

wozjewjene w: Sport
Runja druhim městnam tež pola Ladušec w Chrjebi-Nowej Wsy wot 1998 kóžde lěto sami kisykał dźěłaja. Wčera je tam 16 žonow dohromady 210 kilogramow hłójčkow běłeho kała, kotrež pochadźeja z Poršic, rozkrawało a do sobu přinjesenych sudobjow składło. Swój kisykał poskićuja Ladušecy 18. februara 2017 na swinjorězanju. Foto: Joachim Rjela

wozjewjene w: Łužica
štwórtk, 20 oktobera 2016 14:00

Wotstronjeja škody wulkeje wody

Sćěhi wulkeje wody lěta 2013 su Kubšisku gmejnu minjene lěta nastajnosći zaběrali. Wulki dźěl škodow je mjeztym wotstronjeny. Za dalšej naprawje su gmejnscy radźićeljo wčera nadawk přepodali.

Kubšicy (CK/SN). Twar noweho mosta w Kumšicach je Kubšiska gmejnska rada na swojim wčerawšim posedźenju wobzamknyła. Tak narunaja dotalny móst, kiž je wulka woda lěta 2013 wobškodźiła. Gmejna bě Swobodnemu statej Sakska tule škodu přidatnje přizjewiła. Ćim bóle so wjesela, zo su ju připóznali a zo nowy móst stoprocentnje spěchuja, rozłoži wjesnjanosta Olaf Reichert (njestronjan). Zarjadnistwo bě šěsć firmow wo poskitk prosyło a wšitke šěsć so na wobmjezowanym wupisanju tež wobdźěli. Jako najlěpši poskićowar dósta Lubijski twarski zawod STL nadawk, móst za nimale 47 000 eurow natwarić. Budźe-li wotpowědne wjedro, chcedźa hišće lětsa twarić započeć, wjesnjanosta připowědźi.

wozjewjene w: Łužica
štwórtk, 20 oktobera 2016 14:00

Policija (20.10.16)

Do bagra a kontejnera

Hodźij. Wjele prócy nałožowali su nje­znaći, jako so w nocy na wutoru při statnej ­dróze S 111 mjez Hodźijom a Třomi Hwězdami do kontejnera zadobychu, kotryž twarska firma jako skład wužiwa. Paduši­ wotamknychu najprjedy durje bagra, kiž běchu twarscy dźěłaćerjo jako zadźěwk před kontejner wotstajili. Po tym zo běchu z ćežkej mašinu nabok jěli, łamachu so do kontejnera. Z njeho wzachu dlěši milinowód a wšelki grat. Hódnotu rubizny njemóžeše Zhorjelska policajska direkcija hišće podać. Wěcna škoda na bagru a na kontejneru pak wučinja ně­hdźe 2 500 eurow. Kriminalna policija nětko tónle pad přepytuje a spyta paduchow wuslědźić.

wozjewjene w: Policija
štwórtk, 20 oktobera 2016 14:00

Na zymu derje přihotowani

Z wčerawšeho posedźenja Rakečanskeje gmejnskeje rady

Rakecy (JK/SN). Dobre nazhonjenja a mnohe připóznaća kaž tež chwalba wobydlerjow su Rakečanskich gmejnskich radźićelow na wčerawšim posedźenju přeswědčili, zymsku słužbu na dróhach gmejny znowa dać do rukow zastaranskeje towaršnosće Rakecy, komunalneho předewzaća gmejny. Dobre dźěło w minjenych lětach pohnu radźićelow, wjesnjanosće Swenej Nowotnemu (CDU) dać nadawk, z towaršnosću trěbne jednanja wjesć. Wo kóštach njemóža so hišće wuprajić, dokelž budu te wot wjedra wotwisne. Techniski wuběrk gmejny bě trěbne modality, zymsku słužbu zasadźíć a wobličić, hižo spočatk oktobra wobjednał. Split a sól zastaranska towaršnosć hižo ma a techniske wuhotowanje a personal zaručatej tež za přichodnu zymu spušćomnu słužbu. Dotalne zrěčenje za zymsku słužbu dyrbješe gmejna po předpisach kónc septembra wupowědźić. Nowe­ wupisanje je wospjet zastaranska towaršnosć za sebje rozsudźiła.

wozjewjene w: Łužica
štwórtk, 20 oktobera 2016 14:00

Do kina (20.10.16)

20.10.–26.10.2016 Budyski filmowy palast: Inferno: wšědnje 17:30 a 20:00 pj a so 22:30 | Bridget Jones’ Baby: wšědnje 15:00, 17:30 (nimo pó) a 19:45 (nimo srj) pó 17:15 | srj 20:00 | pj a so 22:30 Trolls - Finde dein Glück: wšědnje 15:30 Trolls – Finde dein Glück w 3 D: wšědnje 17:45 Doctor Strange w 3 D: srj 20:15 Girl on the Train: srj 19:45 Das kalte Herz: so a nj 12:45 Die Insel der besonderen Kinder: pj, nj a wu 20:00 Die Insel der besonderen Kinder w 3 D: so a nj 13:00 Störche – Abenteuer im Anflug w 3 D: nj 15:00 Bad Moms: štw a so 20:00 | pj a so 22:30 Findet Dorie: wšědnje 15:00 Findet Dorie w 3 D: wšědnje 15:15 (nimo nj), 17:30 (nimo pó) a 20:00 (nimo srj) Sausage Party: so 22:15 Don’t Breathe: pj 22:15 Pets: so a nj 13:00 Elliot, der Drache: nj 13:00 Conni & Co.: so 13:00

Kino-ekstra: Willkommen im Hotel Mama:­ pó 17:15 a 20:15

wozjewjene w: Do kina
štwórtk, 20 oktobera 2016 14:00

Wo stawiznach a stawizničkach města zhonili

Wojerecy (KD/SN). Slěd zarjadowanjow „Wutoru w měšćanskim muzeju“ zaběraše so zawčerawšim z Wojerowskim starym městom, kotrež je so w minjenych sto lětach chětro změniło. Organizowałoj a přewjedłoj stej derje wopytane popoł­dnjo na hrodowej žurli čłonce Wojerowskeje domiznowědneje towaršnosće Renate Kerber a Elke Roschmann, kotraž je tohorunja sobudźěłaćerka měšćanskeho muzeja.

wozjewjene w: Łužica

Serbska debata

nowostki LND