Z wudaća: pjatk, 17 měrca 2017

pjatk, 17 měrca 2017 13:00

Pokiwy (17.03.17)

Wječorne modlenje młodźiny

Njebjelčicy. Byrnjež kubłanske dny w Schmiedebergu byli, přeproša dekanatne dušepastyrstwo wšitkich serbskich młodostnych doma we Łužicy na vesper. Wječorne modlenje je sobotu w 20 hodź. w Njebjelčicach.

Přehladka orchidejow

Slepo. Kaž kóžde lěto budźe tež lětsa na žurli Slepjanskeho Serbskeho kulturneho centruma jutře a njedźelu wot 10 do 17 hodź. přehladka orchidejow a kaktejow. Tójšto nowoplahowanjow z Němskeje a dalšich krajow móža sej zajimcy wězo tež kupić. Wustajerjo poskićeja, zo móža sej ludźo sobu přinjesene orchidejowe rostliny přesadźić dać.

Bazar dźěćaceje drasty

Wojerecy. We Wojerowskej karate-hali na Stauffenbergskej přewjedu jutře wot 9 do 12 hodź. bazar dźěćaceje drasty. Nimo­ drasty poskića tam tež dźěćace wozyčki, rolery, hrajki a podobne wěcy. Katolski dźěćacy dom swj. Hilžbjety so na bohaty wopyt a wulki zajim wjeseli.

Muzej wočakuje hosći

wozjewjene w: Pokiwy
Z tradicionalnymi hornčerskimi wikami zahaja na Rěčičanskim Ehrlichtec dworje njedźelu, 26. měrca, nowu sezonu. Nimale 50 rjemjeslnikow ze Sakskeje, Braniborskeje a Durinskeje je přizjewjenych, mjez nimi hornčerski mišter Günter Meißner z Trebusa pola Hähnichena, kaž z Rěčic zhonichmy. Foto: Foto: Marion Girth

wozjewjene w: Serwis
pjatk, 17 měrca 2017 13:00

Protyka (17.03.17)

Pjatk 17.3. do 19.3.  Kubłanske dny serbskeje dekanatneje młodźiny w Schmiedebergu

  19:30 Benedikt Dyrlich předstaji swoju najnowšu zběrku „Zlět zelenych wuchačkow“ w Njebjelčanskej towarstwowej rumnosći na gmejnje

  19:30 Koncert k poswjećenju noweho křidła w Budyskim SLA

  20:00 Wječorne modlenje w Njebjelčicach

Sobotu 18.3. a 19.3.  Přehladka orchidejow w Slepjanskim SKC

   Jutrowne wiki w Lubnjowskim Błótowskim muzeju

  13:00 Debjenje jutrownych jejkow w Budyskim Serbskim muzeju

  14:00 Kickerowy turněr we Wotrowje

  14:30 Zhromadne zwučowanje w Chróšćanskej „Jednoće“ za oratorij „Serbske jutry“

  19:00 Ćišćanske wotewrjene wokno z přednoškom Franca Čornaka wo wandrowstwje na žurli Ćišćanskeje dobrowólneje wohnjoweje wobory

  20:00 Koncert jazzowych dobyćerjow sakskeho krajneho wubědźowanja „Młodźina hudźi“ w Budyskim Kamjentnym domje

Njedźelu 19.3. 13:00 Wotewrjenje wustajeńcy jutrownych jejkow w Drjowkowskej Serbskej tkalčerni

  13:00 Wotewrjenje wosebiteje wustajeńcy w Njeswačanskim domizniskim muzeju

  13:00 Debjenje jutrownych jejkow w Budyskim Serbskim muzeju

wozjewjene w: Protyka
pjatk, 17 měrca 2017 13:00

Rozhłós (17.03.17)

njedźelu hornjoserbsce

11:00 Łužica tutón tydźeń, mjez druhim wo kubłanskich dnjach młodźiny w Schmiedebergu

11:20 Serbja a reformacija

12:00 Nabožne wusyłanje

 (farar Clemens Hrjehor)

po tym zbožopřeća

delnjoserbsce

12:30 Aktualny magacin, mjez druhim wo nowym županu a SerBla-blidźe „15 lět młodźinski magacin Bubak“

13:00 Wo zhromadnym koncerće chóra SLA a Delnjoserbskeho gymnazija

13:30 Nabožne wusyłanje

 (Manfred Hermaš)

po tym zbožopřeća 

wozjewjene w: Rozhłós
pjatk, 17 měrca 2017 13:00

Sport (17.03.17)

Chcedźa nalěćo witać

Mustwo 1296, sportowcy-volleyballisća abiturneho lětnika 1996 Serbskeho gymnazija Budyšin, zarjaduja štwórtk, 23. měrca, wot 18 hodź. w Ralbičanskej sportowni volleyballowy turněr pod hesłom „Witamy nalěćo“. Něhdyši maturanća su sej pjeć wólnočasnych volleyballowych cyłkow přeprosyli. Su to Serbski gymnazij-wučerjo, Žołto-módri Kulow, Viktoria Worklecy, SJ Chrósćicy a ST Radwor.

Za camp so přizjewić

Tež lětsa budźe w Němskich Pazlicach zaso koparski camp za holcy a hólcow w starobje dźesać do 14 lět. Wot 2015 nawjeduje camp něhdyši hrajer Dynama Drježdźany Frank Richter, rodźeny Kamjenčan. Za spěšnych knihowarjow do 31. měrca wučinja płaćizna 180, po tym 199 eurow na dźěćo. Koparski camp wotměje so wot 24. do 28. julija. Přizjewjenja su móžne pod info@sport-deutschba­selitz.de abo pod tel. čisłom 0163/ 3578785.

Volleyballowy derby

Volleyballistki Viktorije Worklecy hraja jutře, sobotu, wot 14 hodź. w sportowej hali 4. Budyskej zakładneje šule na Hannsa Eislerowej přećiwo rezerwje MSV Budyšina 04. Za wobě mustwje budźe to posledni hrajny dźeń w sezonje 2016/2017.

Kónctydźenska kopańca

wozjewjene w: Sport
pjatk, 17 měrca 2017 13:00

Lubuje serbsku kulturu a Łužicu

Zetkanje z pianistku a wučerku na hudźbnej šuli Ginu Hentsch

Při dešćikojtym zymnym wjedrje wopušći 53lětna Gina Hentsch swoje Budyske by­dlenje njedaloko tachantskeje cyrkwje a dźe do domu Serbskeho ludoweho ansambla. A dypkownje dóńdźe na dorěčane zetkanje k rozmołwje.

Chcu wjace wo žonje wědźeć, kotraž hižo mnohe lěta tež w Serbach kulturne skupiny na klawěrje přewodźa, z wulkim angažementom a ze zahoritosću serbsku kulturu spěchuje. Hakle njedawno, kónc zašłeho lěta, je wona na nazymskimaj koncertomaj w Chrósćicach Serbski muski­ chór Delany a w Njeswačidle chór Budyšin­ přewodźała. A připosłucharjo adwentneho­ koncerta 1. serbskeje kulturneje brigady pod nawodom Friedemanna Böhmy dožiwichu ju w Budyskej Michałskej cyrkwi hromadźe z chórom gymnaziastow na pišćelach hrać. „Dźěłam rady ze serbskimi ćělesami“, praji rodźena­ Rumunka.­

wozjewjene w: Kultura & wuměłstwo

Stota wosebita wustajeńca w Choćebuskim Serbskim domje

Hdyž Serbska kulturna informacija Lodka w Choćebuzu z wosebitymi kartkami a plakatami na wotewrjenje swojich wustajeńcow w Serbskim domje přeproša, pokazuja wone stajnje typiski wobraz wuměłca abo wuměłče. Při nětčišej wustajeńcy pak je na přeprošenjach a plakatach 50 motiwow wotćišćanych! A to ma swoju přičinu. Tale wuměłstwowa přehladka je jubilejna, hižo stota po lěće 1992, po tym zo běchu Lodku w Choćebuskim Serbskim domje w měrcu před 25 lětami wotewrěli. Tehdy běchu sobudźěłaćerki Lodki ideju zrodźili, tam kóžde lěto štyri wustajeńcy pokazać.

wozjewjene w: Kultura & wuměłstwo

Rozmołwa ze serbskim komponistom Ulrichom Pogodu

Serbski komponist Ulrich Pogoda, by­dlacy w Choćebuzu, je aktiwny hudźbutwórc. Wo nowych projektach a dalšich předewzaćach je so z nim Alfons Wićaz rozmołwjał.

Před třomi lětami sće za inscenaciju Budyskeho NSLDź wo Alojsu Andrickim „Chodźić po rukomaj“ zajimawu hudźbu stworił, kotraž je připosłucharjow putała.

U. Pogoda: Kruch a hudźba běštej wěnowanej 100. narodninam martrarja Alojsa Andrickeho, kiž je při wšěch represalijach swojej nutřkownej poziciji a přeswědčenosći swěrny wostał a zmužity był. Wón je nam Serbam jara sylny symbol. Tole chcych tež w swojej hudźbje zwuraznić. Sym tuž jara wjesoły, zo bu twórba tak derje přiwzata.

Na čim jako aktiwny hudźbutwórc tuchwilu dźěłaće?

wozjewjene w: Kultura & wuměłstwo
pjatk, 17 měrca 2017 13:00

Swojorazne pućowanske dožiwjenja

Zajimawa kniha rodźeneho łužiskeho wuměłca Reinharda Royja

Dóńt to wuměłca: Doma je lědma znaty, ale zwonka wuskeje domizny připóznaty a chwaleny. Z Reinhardom Royjom ma so nimale tež tak, njeby-li so wón sam prezentował na wustajeńcach a galerijach w Zgorzelecu a Zhorjelcu a šěršeje domizny na jednej, w New Yorku, Łódźi, Berlinje, Frankfurće nad Mo­hanom na tamnej stronje. Jeničce w pjeć lětach na nimale štyrceći wustajeńcach a galerijach – to je wjace hač kedźbyhódna přitomnosć na wuměłstwowej scenje našich dnjow a je indic připóznaća.

Reinhard Roy, rodźeny 1948 w Klětnom, syn serbskeho komponista Hinca Roja, nječini rowjenkam přistup k swojim twórbam runjewon lochki. Mjenuje dźě wón sam dypkowy raster jako swój charakteristiski srědk zwuraznjenja. Jednorje prajene: Je sej za swoje tworjenje raster wunamakał. Raster dawa jemu, kaž přiznawa, wěste móžnosće. „Wužiwam“, tak wón piše, „tónle zhotowjerski element za to, zwobraznjeć rumowe skutkowanje na płoninje.“

wozjewjene w: Kultura & wuměłstwo
pjatk, 17 měrca 2017 13:00

Chóraj zasłuženy přiklesk žnjałoj

Serbske spěwy w błótowskim Lubinje zaklinčeli

Pod hesłom „Serbske spiwy“ móžachmy 3. měrca dožiwić zhromadny koncert chórow Serbskeho ludoweho ansambla a Delnjoserbskeho gymnazija Choćebuz na Paula Gerhardtowym gymnaziju w błótowskim Lubinje. Bohužel je so ličba přisłucharjow nimale runała ličbje akterow na jewišću, štož njeje optimalne za koncertnu atmosferu. Moderaciju mějachu Annika Spießec, Annemarie Voigtec a Jack Schwietzer. Škoda, zo stej holcy připowědźe přespěšnje přednjesłoj, pod čimž zrozumliwosć ćerpješe.

wozjewjene w: Kultura & wuměłstwo

Serbska debata

nowostki LND