Jutře přewjedźe Hornjołužiska towaršnosć wědomosćow swoje nalětnje zetkanje. Po zwučenym wašnju prezentuja w dopołdnišim zjawnym dźělu čłonojo towaršnosće swoje slědźenske projekty a najnowše publikacije, doniž njepřizamknje so popołdnju lětna zhromadźizna. Hdys a hdys tež publikaciju ze serbskej temu předstaja – tak lětsa knihu LND, kotruž z pomocu Zhorjelskeje towaršnosće realizowachmy. Znaty mjenowědnik Walter Wenzel je móhł na zakładźe slědźenjow prezidenta OLGdW Steffena Menzela w archiwach historiskeje wuchodneje Hornjeje Łužicy dotal njewobkedźbowany fundus serbskich wosobowych mjenow regiona přeslědźić a tak wobraz wo łužiskich sydlenskich stawiznach wudospołnić. Za čas reformacije bě w tójšto wsach wokoło Zhorjelca a Rothenburga hišće štwórćina do połojcy wobydlerjow serbska – wo tym znajmjeńša jich mjena swědča. Mjenje znate pak je, kak dołho su tam serbsku rěč hišće wužiwali – w 19. lětstotku hižo ani Smoler ani Muka kónčiny k serbskemu sydlenskemu rumej njeličeštaj.
njedźelu hornjoserbsce
11:00 Łužica tutón tydźeń
11:20 Portret: Lubina Hajduk-Veljkovićowa
11:45 Pobrachowacy wučerjo – što činja zamołwići?
12:00 Nabožne wusyłanje
(Hans Friedrich Fischer)
po tym zbožopřeća
delnjoserbsce
12:30 Aktualny magacin, mjez druhim wo premjerje dźiwadłoweje hry „Sergej“
13:00 25 lět telewizijny magacin „Łužyca“
13:30 Nabožne wusyłanje
(Hartmut Leipner)
po tym zbožopřeća
Dźeń měšćanskeho lěsa
Budyšin. 22. dźeń Budyskeho měšćanskeho lěsa wotměje so jutře, sobotu, 22. apryla, w času wot 9 do 12 hodź. Tema lětušeje ekskursije rěka „Kamjentne pomniki w lěsu“. Zetkanje je na parkowanišću pod Čornobohom při Lubijskim puću.
Beneficny nyšpor w cyrkwi
Chrósćicy. Na dobro dawno trěbneje techniskeje reparatury Chróšćanskich pišćelow wuhotuja njedźelu, 23. apryla, w 14 hodź. w Chróšćanskej farskej cyrkwi beneficny nyšpor. Pišćelowa firma w Budyšinje je nětk rozrisanje wuwiła, z kotrymž móža defekt wuspěšnje wotstronić. Kóšty pak móžnosće wosady přesahuja. Tuž proša zjawnosć wo pomoc. Jako wosada wuhotuja młodojutrowny nyšpor z dujerjemi, spěwarjemi a dalšimi instrumentalistami.
Politiske rańše piwko
Kamjenc. Organizatorojo Kamjenskeho politiskeho rańšeho piwka Lěwicy su sej njedźelu, 23. apryla, w 10 hodź. Stefana Wittmanna přeprosyli. Nawoda fachoweho wobłuka za financne posłužby dźěłarnistwa ver.di chce wosebje na prašenja nastupajo dźěłarnistwa wotmołwjeć. Zarjadowanje wotměje so w Kamjenskim měšćanskim dźiwadle.
Pjatk 21.4. 19:00 Beneficny koncert z Łutowskim žónskim chórom we Wojerowskej Janskej cyrkwi
19:30 Premjera humoreski Jurja Kocha „Sergej“ w Hochožanskim gmejnskim centrumje
19:30 Čitanje „Lubosćinske kuski“ w Budyskej měšćanskej bibliotece
Sobotu 22.4. Zahajenje sezony na wjacorych městnach łužiskeje jězoriny
10:00 Casting za Krabatowe swjedźenske hry w Čornochołmčanskim Krabatowym młynje
14.30 Wodźenje po Čornochołmčanskim Krabatowym młynje
20:00 Tokanske reje w Konjecach
Njedźelu 23.4. 10:00 Nalětnje pućowanje z Wojerec do Lěskeje (zetkanje na Pforzheimskim naměsće)
14:00 Beneficny nyšpor w Chróšćanskej cyrkwi
15:00 Swójbny swjedźeń we Wojerowskej měšćanskej bibliotece Brigitty Reimann
16:00 Balet SLA „Wobliča lubosće – Le sacre du printemps“ na žurli SLA w Budyšinje
18:00 Předstajenje humoreski Jurja Kocha „Sergej“ w Dešnjanskim hosćencu „Serbski dwór“
18:00 Zahajenje 52. Wojerowskich hudźbnych dnjow ze sinfoniskim koncertom Noweje Łužiskeje filharmonije
Póndźelu 24.4. 18:00 Hłowna zhromadźizna Towarstwa Cyrila a Metoda w Kulowje
Wučerjo při wysokim saku
Serbska šula „Michał Hórnik“ Worklecy zarjaduje a wuhotuje srjedu, 26. apryla, w ponowjenej Worklečanskej sportowni volleyballowy turněr za wučerkow a wučerjow serbskich šulow z Pančic-Kukowa, Chrósćic, Ralbic, Radworja, Budyšina, Kulowa a Worklec. Turněr započnje so w 17 hodź.
Europska elita w Jaworje
Po poradźenym zazběhu před 11 500 přihladowarjemi pola MSC Fürstlich Drehna zastanje ADAC MX Master, najwjetša motocrossowa serija Europy, 29. a 30. apryla w Jaworje pola Pančic-Kukowa. Přizjewiło je so 240 pilotow z 25 narodow, mjez nimi tež top-jězdźerjej Jens Getteman z Belgiskeje (23, Monster Energy Kawasaki Elf Team Pfeil) a Dennis Ullrich z Kämpfelbacha (23, KTM Sarholz Racing Team). Sobotu budu treningi wot 9 do 12 hodź. a wubědźowanja wot 13 do 17.25 hodź. Njedźelniše warm-upy započnu so w 10 hodź. a prěni běh 11.30 hodź.
Kónctydźenska kopańca
22.04. 13:00 Módro-běli Kulow II
– SJ Njebjelčicy II
22.04. 15:00 Módro-běli Kulow
– Sokoł Ralbicy/Hórki
22.04. 15:00 Hermsdorf – Njebjelčicy
22.04. 15:00 Arnsdorfske KT
– Marijina hwězda
23.04. 11:00 Rakečanske ST – Wjelećin
23.04. 14:00 Rakečanske ST II
– Sokoł Ralbicy/Hórki II
23.04. 15:00 SJ Chrósćicy – Nowe Město
Disertaciju wuspěšnje zakitował
Lipsk. Historikar a sobudźěłaćer Serbskeho instituta Friedrich Pollack je wčera na Lipšćanskej uniwersiće swoju disertaciju wuspěšnje zakitował. Něhdźe 25 hosći sćěhowaše čiłej diskusiji k serbskim prědarjam ewangelskeho duchownstwa w zažnej nowowěkowskej Hornjej Łužicy. Fakulta za stawizny, wuměłstwowe a orientowe wědomosće spožči jemu najlěpši posudk „summa cum laude“.
Nowe jednanje za Wochozy?
Zhorjelc. Po cofnjenju dotalneho plana dalšeho wudobywanja brunicy we Wochožanskej wuhlowej jamje přez energijowy koncern LEAG njeje hišće znate, hač dyrbi so planowanska procedura znowa přewjesć abo hač je wobstejacy plan dale płaćiwy. Tole je předsyda hornjołužisko-delnjošleskeho regionalneho planowanskeho zwjazka, Zhorjelski krajny rada Bernd Lange (CDU), nowinarjam zdźělił.
Inwestuja w Leppersdorfje
Na nalětnje ćopliše wjedro drje so kóždy wjeseli. Skónčnje zaso won a w trochu lochšej drasće po přirodźe kolesować, kaž ja to rady činju. Na to žno dawno čakam. Hižo nětko pak wěm, zo so při tym zaso žałostnje mjerzam, hdyž na kromach pućow preč ćisnjene bleše, cigaretowe tyzy, plastikowe nopaški a wšón móžny dalši čapor wuhladam. Hišće hórje je, hdyž něšto metrow dale do lěsa stupiš a zwěsćiš, zo je něchtó znate módre wotpadkowe měchi ze starym njerjadom w přirodźe wotbył. Ja so nad telko njerozumom dodźiwać njemóžu a tež nic nad tym, kak wšojedne je někotrym naša přiroda.