Z wudaća: pjatk, 14 julija 2017

Wojerowska dźěćaca a młodźinska farma, kotraž je w nošerstwje Křesćansko-socialneho kubłanskeho skutka (CSB), je zajimcam tež za čas prózdnin dobra adresa wosebitych poskitkow dla. Minjenu srjedu wuhotowachu tam wjednica farmy Liane Semjank ze swojim teamom wokoło Michaela Schenkera ze zežiwjenskeho a zeloweho centruma CSB kulinariski dožiwjenski dźeń – tež z twarohom a lanym wolijom –, kotryž žněješe wulki wothłós. Foto: Ulrike Herzger

Skónčnje je lěćo a tuž čas dowola. Mnozy podawaja so na lětni dowol w bliskosći abo trochu dale – hač z awtom, busom, ćahom abo lětadłom.

Za čas jězby najhusćišo wostudu pasemy. Ale nětko je kónc z tym! Čehodla njeměli sej raz knihu do ruki wzać? Je wam ćežko so rozsudźić, kotru měli najlěpje sobu wzać? Cyła biblioteka je wšak přewulka za kófer, ale mam perfektnje rozrisanje: ebook. Wšojedne hač je to jenož jedyn abo sto. Na swójskim kompjuterowym tableće abo ličaku ma njesměrnje wjele tajkich městno. Němske nakładnistwa dźě tele elektroniske knihi wulkoličbnje produkuja.

Něhdźe 75 procentow Němcow rady čita, 29 procentow z nich ebooki. A trend dźe do směra, zo ličba hišće dale přiběra. Na najwšelakorišich stronach w interneće móže sej čitar přistup kupić.

njedźelu hornjoserbsce

11:00 Łužica tutón tydźeń

11:20 Serbja a reformacija:

Lutherowe pomniki

11:45 Wuslědki stipendiatow Załožby za serbski lud

12:00 Nabožne wusyłanje

 (Jan Malink)

po tym zbožopřeća

delnjoserbsce

12:30 Aktualny magacin, mjez druhim z portretom serbskeje abiturientki

13:00 Choćebuski serbski komorny chór

13:30 Nabožne wusyłanje

 (Christiana Piniekowa)

po tym zbožopřeća

Swětła nóc z čornej swěcu

Smječkecy. We wobłuku Smječkečanskeho wjesneho swjedźenja, kiž přewjedu wot dźensnišeho hač do njedźele, přeprošeja předewšěm młodźinu jutře, sobotu­, na wulku party pod hesłom „Whitenight“. Wot 20 hodź. móža wopytowarjo k rytmusam DJja Romana rejwać a lětnju nóc při čornej swěcy přežiwić. Holcy Smječkečanskeho młodźinskeho kluba maja překwapjenku přihotowanu, kotruž njesměł nichtó skomdźić. Wot 20 do 22 hodź. změja tak mjenowanu „happy hour“. W tym času dóstanu hosćo za skazany napoj dalši samsneje družiny darmotnje k tomu. Nimo toho změje kóždy pjaty darmotny zastup. Tohodla je radźomne sej z dosć přećelemi do Smječkec dojěć. A čorna swěca wězo najbóle skutkuje, hdyž maš swětłu abo pisanu drastu.

Wiki w starym měsće

Pjatk 14. a 15.7.  Kulow-cup w Kulowje

 14. do 16.7.  Wjesny swjedźeń w Smječkecach

   Neptunowy swjedźeń w Brězowce

   Rakečanski sportowy swjedźeń

  19:00 Serbska reja – dźěłarnička w Lipsku

  21:30 Błótowske filmowe dny w Slopišćach (Schlepzig)

Sobotu 15.7. 9:00 Dyrdomdej „Bodo zetka wohnjowu woboru“ w Małowjelkowskim prazwěrjencu

  10:00 Nicole Peto předstaji kolekciju swojich klankow w Nowym Měsće

  10:00 Mirakulum – Lětnja detektiwiska hra w elementariju Kamjenskeho Muzeja zapadneje Łužicy

  17:00 Koncert „Pišćele w pjećich“ w Kamjenskej hłownej cyrkwi

  19:30 Koncert z Michaelom Patrickom Kellyjom na Grod­kowskim jewišću pod hołym njebjom

Njedźelu 16.7. 9:00 Dyrdomdej „Bodo zetka wohnjowu woboru“ w Małowjelkowskim prazwěrjencu

  10:00 Mirakulum – Lětnja detektiwiska hra w elementariju Kamjenskeho Muzeja zapadneje Łužicy

Póndźelu 17. do 20.7.  Prózdninske dny dekanatneho dušepastyrstwa za 6. do 8. lětnik w Rosenthalu-Bielatalu

  19:00 Koncert młodźinskeho dujerskeho orchestera z juhomadźarskeho Bonyháda na Radworskim sportnišću

Wutoru 18.7. 13:00 Dźěćaca dožiwjenska tura – ekskursija po Biskopičanskim zwěrjencu

Sport na wjesnym swjedźenju

Dźensa a jutře, 15. julija, zarjaduje ST Wóslink-Skaskow na Skaskowskim sportnišću wjesny swjedźeń. Dźensa wot 18.30 hodź. wubědźuje so šěsć wohnjowych woborow a sobotu wot 14 hodź. budźe dźěćacy swjedźeń.

Młodźina za bulom honi

Jutře, sobotu, wot 13 do 18 hodź. wuhotujetej přećelskej cyłkaj Company of Kulow a Die Söffner 28. koparski turněr wólnočasnych mustwow Kulow-cup. Na nim wobdźěla so mustwa młodźinskich klubow z Kulowa.

Dalši beachvolleyballowy stop

Póndźelu zastanje beachvolleyballowa tura w Kulowcu. Tam zetkaja so mustwa zaso we 18 hodź., hry započnu so poł hodźiny pozdźišo. Dalše terminy su:

24.7. 18:30  w Pančicach

31.7. 18:30 w Radworju

7.8. 18:30  w Budyšinje

28.8. 18:30  w Miłoćicach

Prěni serbski supercup

Kedźbu swinjaceje mrětwy dla

Zhorjelc. Krajnoradny zarjad w Zhorjelcu namołwja wšitkich pućowacych, žane zwěrjeće wudźěłki z Čěskeje a Pólskeje do Němskeje njepřiwjezć. Přičina je mrětwa, kotraž je tam mjez dźiwimi swinjemi wudyriła. Fachowcy maja mjeztym wulki strach, zo so chorosć přez čłowjeka do Němskeje předobudźe a domjace swinje nadpadnje.

Uniwersity hroža ze stawkom

Praha. Čěske statne wysoke šule bědźa so hižo dlěši čas ze špatnym financowanjom. Po dorěčenju rektorow kaž tež šulskich dźěłarnistwow žadaja sej uniwersity za budget lěta 2018 přidatne 170 milionow eurow. Jeli knježerstwo namołwu njewusłyši, přewjedu nazymu protestne akcije. W najhóršim padźe zymski semester scyła njezahaja.

Ptački njenańdu picy dosć

Bad Elster. Ptački maja lětsa wočiwidnje přiběrajcy problemy, dorost porjadnje zastarać. Do stacije za hladanje ptakow a jěžow w Bad Elsteru woža dźeń a wjace wuhłódnjenych młodźatow, kaž wottam zdźěleja. Samo młodźata robustnych družin kaž rapakow a srokow su zdrjene. Prawdźepodobnje ptački dosć insektow njenańdu.

Ćopłe a włóžne wjedro minjenych dnjow je po wšěm zdaću tomu polěkowało, zo hriby derje rostu. Znajmjeńša je Wolfgang ­Neumann w Běłej Wodźe tónle tydźeń hižo trójce połny korbik kurjatkow a dalšich hribow w lěsu nazběrał. Snano je to tomu abo tamnemu nastork, kónc tydźenja tež raz swoje zbožo pospytać. Foto: Joachim Rjela

Stanisław Nawka

Po dnjach a nocach ryzy anarchije zašły tydźeń w Hamburgu so prašam, hač dyrbimy sej tajke něšto lubić dać. Kóždy, kotrehož minjene dny zetkach, bě šokowany a němy. Za měrliwy protest ma kóždy zrozumjenje, nic pak za namóc.

Hač ma wjeršk G 20 dźensa hišće zmysł, abo hač dyrbi so wón we wulkoměsće wotměć, stej cyle hinašej prašeni. Mi dźe wo surowe wokomiki wosrjedź demokratiskeho žiwjenja we wulkoměsće. Kóždy Hamburgčan wě, zo je swět w hrodźišćowej štwórći (Schanzenviertel) jako multikulti-dźělu hinaši. W tamnišej Čerwjenej florje su předewšěm awtonomni lěwicarjo žiwi. Wot 1989 knježi tam namóc, kóžde lěto znowa, nic hakle wotnětka. Jako Wotrowčan wšak wěm, za čo móžeš hrodźišćo wužiwać – ale tež znjewužiwać.

Njech je kóždy žiwy, kaž chce, a mysli, štož chce. Přiwšěm so prašam, kak žałostnje su lěwicarjo za čas socializma na přikład w NDR hinak myslacych přesćěhowali a chłostali. Nětko aktiwny awtonomny prud swobodu znjewužiwa za helske skutki a nječłowjeske zadźerženje – podobnje prawicarjam a druhim hooliganam z Němskeje a Europy. Njewidźu rozdźěla.

Biskopičanska syć za dźěło z dźěćimi a młodźinu (KiJu) přewjeduje na swojim wólnočasnym zepěranišću při Němskopazličanskim haće lětsa wo­spjet wšelake prózdninske campy.

Biskopicy/Němske Pazlicy (SN/MiR). Mjez dźěćimi, kotrež so w lětnich prózdninach při Němskopazličanskim haće zabawjeja a wočerstwjeja, su tež stajnje někotre ze serbskich swójbow. „Přewjele jich njeje, wšako jim tež serbske zarjadnišća wotpowědne poskitki poručeja. Přińdu-li pak dźěći ke mni a mje serbsce narěča, da so z nimi tež serbsce rozmołwjam“, praji Bernadette Zellerowa. Wona je w Biskopičanskej KiJu-syći nimo dalšich kolegow zamołwita za projektowe dźěło. „Konflikty serbšćiny dla z němskorěčnymi dźěćimi při haće dotal njemějachmy. Wone su skerje zajimowane na jim cuzej rěči a so za njej prašeja.“ Prózdninarjo, wo kotrychž so sobudźěłaćerjo KiJu staraja, su z cyłeho Budyskeho wokrjesa. W Serbskich Pazlicach staraja so w kóždym tydźenju wo 40 do 50 wobdźělnikow.