Pokiwy (28.03.17)

wutora, 28. měrca 2017
artikl hódnoćić
(0 )

Wo šerjenju na kofeju

Budyšin. Tež lětsa organizuje Budyski Serbski muzej za swojich wopytowarjow kwartalnje „Kofej w třoch“. Prěnje tajke lětuše zetkanje wotměje so jutře, srjedu, w 15 hodź. w Serbskim muzeju. Sobudźěłaćer za muzejowu pedagogiku a zjawnostne dźěło Měrćin Brycka přednošuje wo Budyskim šerjenju z lěta 1684 a kak so wo nim we wšelakich chronikach rozprawja. Wobdźělenje płaći dwaj euraj přidatnje k zastupej. Zajimcy njech so při kasy přizjewja.

Akademija wo ludowej reji

Budyšin. Přichodne zarjadowanje Maćičneje akademije budźe štwórtk, 30. měrca, w 19.30 hodź. w Budyskim „Wjelbiku“. Tam přednošuje wědomostna sobudźěłaćerka Serbskeho instituta dr. Theresa Jacobsowa na temu „Serbska ludowa reja – imaterielne kulturne herbstwo“. Přednošk budźe w serbskej rěči, zastup je darmotny.

Warić z pyšnym kobołkom

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND