pjatk, 26 meje 2017 14:00

Washington (dpa/SN). Po dalšej sudniskej poražce ma so nětko najwyše sudnistwo USA z dwělomnym wukazom prezidenta Donalda Trumpa zaběrać, po kotrymž njesmědźa ludźo ze šěsć muslimskich krajow do USA zapućować. Tole zdźěla justicne ministerstwo we Washingtonje. Do toho bě sudnistwo w zwjazkowym staće Virginia dotalny wusud z prěnjeje instancy wobkrućiło, po kotrymž je dekret Trumpa njepłaćiwy. Wón bě zakaz tydźeń po spřisahanju wozjewił,­ z čimž zbudźi chaos a protesty.

Listowa bomba rozbuchnyła

Athen (dpa/SN). Strowotny staw něhdyšeho grjekskeho ministerskeho prezidenta Lucasa Papademosa, kiž bě so wčera při rozbuchnjenju listoweje bomby zranił, je stabilny. Jutře abo zajutřišim móhł wón chorownju zaso wopušćić, grjekska telewizija rozprawja. Tež šofera a dalšeho přewodnika chcedźa bórze z chorownje pušćić. Mała bomba bě wčera w rukomaj něhdyšeho premiera rozbuchnyła, jako wón list w swojim awće wočini. Policija na to tuka, zo tči lěwicarska tajna organizacija za nadpadom.

Wojowanja mjez milicami

Bywši prezident USA Barack Obama přija wčera w kongresowym ...

Schulz z hosćom cyrkwinskeho dnja

Přiwuzny prezidenta nětko podhladny

Wjeršk njepřezjednosće

wutora, 23 meje 2017 14:00

Lipsk (B/SN). Křesćan być a politisce jednać stej nahladaj, kotrejž so po słowach zwjazkoweho nutřkowneho ministra Thomasa de Maizièra (CDU) hdys a hdys spřećiwjatej. „Pokazuja so wěste konflikty“, rozłoži de Maizière nowinje Bild, „stat funguje po zakładnym principje sprawnosće, nic po principje miłosće. Wotsunjenja njejsu na přikład miłosćiwe, su pak sćěh prawostatneho jednanja.“ 63lětny politikar so tež w cyrkwi angažuje a je čłon prezidija Němskeho ewangelskeho cyrkwinskeho dnja.

Wjac nabožinskeje swobody

Washington (B/SN). Prezident USA Donald Trump je podpisał dekret wo spěchowanju swobody rěčenja a nabožinskeje swobody. To ma cyrkwjam „hłós wróćić“, wón rjekny. Dekret měri so přećiwo płaćiwemu zakonjej z lěta 1954, po kotrymž njesmědźachu cyrkwje, nabožinske zwjazki a wot dawkow wuswobodźene organizacije stronskopolitisce aktiwne być. Na 80 procentow ewangelskich wěriwych je Trumpa woliło.

Cyrkej posrědkuje přiměr

Nowy naměstnik maltezow

Diskriminacija přiběra

Šansa za cyrkej

Duchowny nawod njedosaha

pjatk, 26 meje 2017 14:00

... najbóle demokratija.“ Tole je wěcowny facit wjele tydźenjow trajaceje knježerstwoweje krizy w Čěskej, sćehnjeny wot słowakskeje nowiny Denník N. W Bratislavje wuchadźace łopjeno zwěsća, zo staj prezident Miloš Zeman a šef hibanja ANO Andrej Babiš z krizy zesłabjenaj wušłoj, mataj pak wjetšu šansu so zhrabać hač jeju tohorunja poskubany riwala, ministerski prezident Bohuslav Sobotka.

„Nichtó njeje dobył, wšitcy su we wěstej měrje přěhrali, najbóle drje premier Sobotka. Dokelž ma mało móžnosćow straty nachwatać. Najwjetšu poražku wšak je čěska demokratija poćerpjeła, zo njedźiwajcy kopicy sylnych wozjewjenjow a móžnych předstajenjow zasadnje wšo při starym wostanje. Politikarjo su zapasli pokazać, zo dadźa so tež w demokratiji problemy efektiwnje a principielnje rozrisać.“

W kóždej gmejnje pomnik

Saksko-čěska wzajomnosć přibywa

Mjeńšinu Romow zanjechali

Póstej tysacy krónow wulišćił

pjatk, 29 apryla 2016 14:00

CDU žada sej plan za Łužicu

Podstupim (dpa/SN). Opoziciska CDU w braniborskim sejmje je krajne knje­žerstwo namołwiła, strukturnu změnu we Łužicy pjenježnje podpěrać. „Štož pobrachuje, je plan za Łužicu“, wobžarowaše hospodarskopolitiski rěčnik CDU, Dierk Homeyer wčera w aktualnej hodźinje parlamenta­. „Trjebamy spěšnu a njebě­rokratisku pomoc za předewzaća, kotrež so na nowe wobłuki zwaža.“ Přiwšěm je jasne, zo je brunica hišće dołho za spušćomne a zapłaćomne zastaranje ludźi z milinu trěbna, Homeyer rozłoži. Braniborske knježerstwo pak měło wotwidźomneho kónca zmilinjenja dla strukturnu změnu zahajić. „Dźe wo industrijny zakład wšeho kraja“, wón napominaše.

Ochranowske hesła zestajane

Łužica (28.04.16)

Łužica (27.04.16)

Łužica (26.04.16)

Łužica (25.04.16)

pjatk, 26 meje 2017 14:00

Šěsć pilatkow dla je policija při rěce Mosel awtodróhu zawrěła. Młode kački běchu sej wčera w Trieru runje wjele wužiwanu awtodróhu A 602 za swój wulět wupytali, a šoferojo běchu zdźěla k strašnym borzdźenskim manewram nuzo­wani. Awtodróhowa policija po­trjecheny wotrězk tuž zawrě a spłóšiwe pilatka popadny.­ Při bliskim pobrjohu Mosele je zaso­ pušći, hdźež wótře kwakotacej staršej na nje hižo čakaštej.

Třěchu swojeho domu mylnje zapalił je muž w Sewjerorynsko-Westfalskej, jako w zahrodce z płunopalakom njerodź zaničowaše. Při tym so kerk zapali, na čož so płomjenja spěšnje na třěchu doma rozpřestrěchu, kotraž so zapali. Wohnjowej woborje so poradźi, wjetšej škodźe zadźěwać. Dom w měsće Schloß Holte-Stukenbrocku pola Gütersloha je na zbožo dale wužiwajomny.

To a tamne (24.05.17)

To a tamne (23.05.17)

To a tamne (22.05.17)

To a tamne (19.05.17)

pjatk, 26 meje 2017 14:00
Bianka Šeferowa

Federalistiska unija europskich narodnych mjeńšin (FUEN) zjednoća mjeńšiny po cyłej Europje, a Serbja takrjec na prědnjej fronće aktiwnje sobu wojuja. Tónle zaćišć mějach, jako wobdźělich so tydźenja na kongresu FUEN w rumunskim měsće Cluj-Napoca. Tak njewojuja serbscy zastupjerjo jeno za sebje, ale runohódnje tež za tamne – a to cyle po hesle: Mjeńšiny pomhaja mjeńšinam!

Bywši jednaćel Domowiny Bjarnat Cyž, zdobom wiceprezident FUEN, je w prezidiju financnu rozprawu přednjesł. Wón je tež rěčnik dźěłoweje skupiny słowjanskich mjeńšin FUEN, z kotrejž přihotuje mjez druhim lětne seminary. Lětuši budźe we wobłuku Mjezynarodneho folklorneho festiwala „Łužica“ w Lejnje.

Mjeńšinowy sekretariat w Berlinje nawjeduje Serbowka Judith Wałdźic, generalna sekretarka FUEN je Susann Šenkec. Wona bě sekretariat w Flensburgu minjene lěta natwariła. Mjeztym maja tam wěsty hospodarski etat, tež ličba přistajenych je jasnje rozrostła.

Schulzowy ćah prózdny

My do swěta – a swět k nam!

Zwjazkowa wobora skažena?

Za rozrisanjom zaměrnje pytać

nawěšk