Prosće žane zbožo njeměli

póndźela, 22. meje 2017
artikl hódnoćić
(0 )
Marcel Wowčerk ze Šunowa je srjedźopólny kopar Sokoła Ralbicy/Hórki.  Foto: Jörg Stephan Marcel Wowčerk ze Šunowa je srjedźopólny kopar Sokoła Ralbicy/Hórki. Foto: Jörg Stephan

Póst Germania Budyšin

– Sokoł Ralbicy/Hórki 3:0 (1:0)

Zestawa hosći: Ch. Gloxyn – K. Matka (58. Lulak), Zynda, B. Bjeńš, M. Matka, D. Gloxyn, Šewc, Wowčerk (58. Šěn), Kurjat (48. Domaška), S. Bjeńš, Korjeńk

Hra přećiwo ćělnje robustnemu teamej bě so za koparjow Sokoła derje započała. Z Fabianom Korjeńkom a Stefanom Bjeńšom nadběhowaštaj prědku agilnaj hrajerjej a sej ze sylnym pressingom stajnje bule wuwojowaštaj. Nažel pak běchu wotzamknjenja přesłabe. Hač do 20. min. so domjacy pomału zhrabachu, škit Sokoła pak steješe wěsće a tohodla so před wrotami Chrystofa Gloxyna tež wulce njepaleše. Wot 25. do 45. min. mějachu Ralbičenjo hosćićela dospołnje pod kontrolu a pokazachu wulkotnu kopańcu. Nažel pak njewuskoči žana móžnosć, dokelž bul w poslednim wokomiku husto wotskoči abo kónčna přihrawka precizna dosć njebě. Z prěnjej strašnej akciju pak nawjedowachu krótko do połčasa nadobo Budyšenjo. Jedyn z nich wuwojowa sej w srjedźnym polu bul a třěli jón z 25 metrow nisko na wrota. Gloxyn zamó kulowatu kožu hišće na žerdź wotwobarać. Wottam pak skoči wona Marcej Müllerej před nohu, a tón njeměješe žadyn problem k 1:0 přetworić.

wozjewjene w: Sport
Prošu přizjewće so, chceće-li komentar podać

Serbska debata

nowostki LND