Najmłódši koparjo SGB dobyli

póndźela, 22. meje 2017
artikl hódnoćić
(1 )
Najmłódši koparjo SGB dobychu wuchodosakske regionalne finale na Budyskej Młynkec łuce a pojědu spočatk junija na kónčne krajne wurisanje do Lipska. Stejo wotlěwa su to Corbinian Šefer, Caspar Dźisławk, Krystof Wjesela, Arne Wuschick, Mato Dźisławk, Dawid Žur, wučer Měrko Korjeńk; klečo wotlěwa Niklas Šnajder, Leon Šołta, Daniel Weclich a Tadej Donat. Foto: Marian Žur Najmłódši koparjo SGB dobychu wuchodosakske regionalne finale na Budyskej Młynkec łuce a pojědu spočatk junija na kónčne krajne wurisanje do Lipska. Stejo wotlěwa su to Corbinian Šefer, Caspar Dźisławk, Krystof Wjesela, Arne Wuschick, Mato Dźisławk, Dawid Žur, wučer Měrko Korjeńk; klečo wotlěwa Niklas Šnajder, Leon Šołta, Daniel Weclich a Tadej Donat. Foto: Marian Žur

Prěni raz docpěchu najmłódši koparjo Serbskeho gymnazija Budyšin (SGB) kónčne wurisanje Sakskeje pod hesłom „Młodźina trenuje za olympiju“. Woni přesadźichu so w regionalnym finalu na Budyskej Młynkec łuce přećiwo dalšim třom gymnazijam wuchodneje Sakskeje a su třeće hólče mustwo SGB, kotrež pojědźe spočatk junija do Lipska.

SGB – Augustum Haniny gymnazij Zhorjelc 2:0

Hnydom wot spočatka přewzachu hólcy SGB iniciatiwu a sej někotre šansy wuwojowachu. Traješe pak dźewjeć mjeńšin, prjedy hač zaklinka. Flanku Dawida Žura podlěši Caspar Dźisławk do šěsnatki, hdźež steješe Niklas Šnajder na prawym městnje a do praweho delnjeho kuta k 1:0 přetwori. Psychologisce wažne nawjedowanje padny krótko do połčasa. Nětko tłóčachu Zhorjelscy gymnaziasća na wrota Daniela Weclicha. Škit wokoło Corbiniana Šefera pak měješe nadběhi pod kontrolu. W 15. min. juskachu serbscy šulerjo druhi raz, jako so Leon Šołta na lěwym boku do šěsnatki předrě a so z mócnej třělwu wo kónčne 2:0 postara.

SGB – Gymnazij bratra a sotry Scholl Lubij 1:1

wozjewjene w: Sport
Prošu přizjewće so, chceće-li komentar podać

Serbska debata

nowostki LND