Bul je jich najlěpši přećel

pjatk, 21. julija 2017
artikl hódnoćić
(0 )

250 aktiwnych dorostowych koparjow wjeseli so na wulki swjedźeń

Budyšin (SN/mwe). 26 mustwow z 250 koparjemi młodźiny F z kónčin wokoło Niskeje, Lubija, Kamjenca, Budyšina, Biskopic a Drježdźan je so za inoficialne swětowe mišterstwa 13. awgusta w Hnašecach/Dobruši přizjewiło. Je to wulki nadregionalny dźěćacy a swójbny swjedźeń. Na zarjadowanje witani su fanajo tohole sporta a wšitcy, kotřiž rady při prawym hołku a tołku swjeća. „Koparski turněr móže kóždy organizować. Ja steju za wosebite a tróšku kołwrótne eventy. Za to trjebaš tež wotpowědnu zmužitosć“, praji Serbskim Nowinam organizator Ronny Mollinger. Je wo tym rozmyslował, što móhło wosebje wabić, a zrodźi swětowe mišterstwa. Tak su wčera w Budyskim sportowym domje Timm wulosowali, kotre mustwo kotry kraj zastupuje. K tomu wudźělichu chorhoje.

wozjewjene w: Sport
Prošu přizjewće so, chceće-li komentar podać

Serbska debata

nowostki LND