Wuměłske dźěła dźěći a młodostnych maja so wustajeć

Budyšin/Wojerecy/Chrósćicy (SN/MiR). Wubědźowanje pod hesłom „Krabat 2.0“ resp. „Krabat dźensa“ aktiwizuje cyłe šulerske cyłki runje tak kaž jednotliwcow. „Ze swojim projektom wusměrjamy so na šulerjow zakładnych šulow, ale tež na młodostnych“, praji kubłanska referentka Domowiny Rejzka Wałdźic. Zakład akcije je Jurja Brězanowe lěto, w kotrehož wobłuku třěšny zwjazk składnostnje 100. posmjertnych narodnin serbskeho spisowaćela wjacore zarjadowanja wuhotuje.