Mnohe nadawki za SŠT poručenje

póndźela, 13. februara 2017
artikl hódnoćić
(0 )

Trjebaja wjace městnow w žłobikach, pěstowarnjach a hortach

Budyšin (SN/MiR). Wotewrjenje noweje Chróšćanskeje pěstowarnje „Chróšćan kołć“ běše loni najbóle do zjawnosće skutkowacy projekt Serbskeho šulskeho towarstwa w 25. lěće jeho wobstaća. Wšitke dźěła zwonka zarjadnišća drje njejsu tam hišće cyle zakónčene, ale dźěći a kubłarki so w swojim nowym domicilu derje­ čuja. SŠT zwěsća w swojich kubłanišćach přiběrace ličby dźěći. „Wo­sebje w žłobiku a horće je to wočiwidne. Porodna statistika dale stupa a dale a wjace staršich je cyły dźeń na dźěle. Połojca žłobikowych­ a pěstowarskich dźěći přebywa na dźěłowych dnjach pola nas hač do dźewjeć hodźin, a mamy čakanske lisćiny, tež w Delnjej Łužicy“, rozłožuje předsydka SŠT Ludmila Budarjowa. Perspektiwisce to rěka, zo chce towarstwo dalše swoje kubłanišća powjetšić. Jako přichodne planuja to w Ralbicach.

wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND