Chcedźa křesćanske hódnoty a dwurěčnosć posrědkować

Njebjelčicy (SN/MiR). Tam, hdźež buchu po lěće 1990 šule zawrjene, wosebje na wsach, nastawaja častohdy tajke w swobodnym nošerstwje. Nětko prócuja so entuziasća wo swójsku zakładnu šulu na kromje serbskeho sydlenskeho ruma w Njebjelčicach. Zańdźeny pjatk bě wjace hač 20 zajimcow do tamnišeje pěstowarnje „Barbojte kamuški – Jan Skala“ přichwatało, hdźež su so z temu rozestajeli. Wjesnjanosta Tomaš Čornak (CDU) wobžarowaše, zo běchu 1992 tehdyšu šulu we wsy zawrěli. „Smy w Sakskej jedna z tych komunow, kotraž ma na lěto přerěznje najwjace porodow, loni bě jich 19“, wón rozłoži. Dale rysowaše Čornak tuchwilnu problematiku Njebjelčanskich dźěći, kotrež wopytuja hort we Worklecach. Za dźěl z nich njezměja wot noweho šulskeho lěta tam hižo městna. Njebjelčanska gmejna za wotpowědnym přebywanišćom we wsy pyta a jedna z wobsedźerjemi imobilijow. „Worklečanski wjesnjanosta Franc Brusk je nas wo to prosył, přewzać hortowe dźěći přicho­dneho 3. a 4. lětnika. Chcu pak so skerje wo šulerjow přichodneho 1. a 2.