Spěwanje ma so zwučować

srjeda, 07. junija 2017
artikl hódnoćić
(0 )
Beate Tarrach (prědku) a Reinhard Simmgen (nalěwo z gitaru) ze Sowrjec zbudźištaj na njedawnej dźěłarničce w Zhorjelcu we wobdźělnikach  lóšt, sej spěwy  same wumyslić. Foto: Andreas Kirschke Beate Tarrach (prědku) a Reinhard Simmgen (nalěwo z gitaru) ze Sowrjec zbudźištaj na njedawnej dźěłarničce w Zhorjelcu we wobdźělnikach lóšt, sej spěwy same wumyslić. Foto: Andreas Kirschke

Zhorjelc (AK/SN). Nalětnje spěwy klinča po domje w Zhorjelcu-Klingewaldźe. Tam wotměwa so 6. fachowy dźeń kulturne kubłanje. Na jednej z dźěłarničkow po­kazuje kubłarkam a wučerkam spěwarka a spěwna pedagogowka Tanja Donatec z Budyšina, kak ma so spěwanje prawje zwučować. Wona formuje swoju hubu kaž ryba. To njeje muskulatura šije hižo tak kruta. „Podaš-li so do swěta spěwa a začuwaš-li, što spěwaš, móže ći to pomhać wobmyslenja přewinyć“, měni nawodnica dźěłarnički. Krok po kroku zbliža wona kubłarkam a wučerkam swět spěwa. Wone zwučuja zywać, zdychować, juskać a wokale wurjekować. Krótko na to imitěruja zwěrjata. „Wažne je hubu porjadnje wočinić. Při tym njesmě delnje čelesno­ napjate być“, Tanja Donatec rozjasnja. Hłuboko z brjucha bjerje wona energiju za spěwanje. „Bjerće so wróćo, njech spěwaja dźěći. Jako pedagoga nje­trjebaće stajnje sobu spěwać“, dawa wona pokiw za wšědny dźeń w pěstowarni a zakładnej šuli. Pokazuje dobre dźerženje ćěła a dychanje, štož so na dźěći přenjese. „Holcy a hólcy sej tójšto wothladaja. Spěwać je njeposrědnje z ćěłom zwjazane. Ćěło­ je naš instrument.

wozjewjene w: Kubłanje

Galerija

dalši wobraz (1) Spěwarka a spěwna pedagogowka Tanja Donatec (naprawo) skedźbnja na to, zo přińdźe energija za spěwanje hłuboko z brjucha.
Prošu přizjewće so, chceće-li komentar podać

Serbska debata

nowostki LND