Jězba do módreho so wupłaćiła

štwórtk, 08. junija 2017
artikl hódnoćić
(0 )
Šulerjo z Ralbic a Radworja su na jězbje do módreho, kotrež bě redakcija časopisa „Płomjo“ wupisała, tójšto dožiwili.  Foto: Pětr Šołta Šulerjo z Ralbic a Radworja su na jězbje do módreho, kotrež bě redakcija časopisa „Płomjo“ wupisała, tójšto dožiwili. Foto: Pětr Šołta
Budyšin (SN/MiR). Dobyćerskej rjadowni wubědźowanja redakcije „Płomjo“ stej so wčera na jězbu do módreho podałoj. „Sym zwoprědka wjetši bus skazał, tak zo maja wšitcy městno“, rjekny šefredaktor serbskeho dźěćaceho časopisa Pětr Šołta. 34 šulerjow poda so tak ze Šmitec wozydłownistwom do Slepoho. 1. lětnik Ralbičanskeje zakładneje šule sedźeše z wučerku Francisku Rachelinej runje tak w busu kaž šulerjo 4. lětnika Radworskeje zakładneje šule „Dr. Marja Grólmusec“ z wučerku Rejzku Deleńkec. Wobaj lětnikaj stej so ze samospisanym spěwom wo myto prócowałoj. Běštaj jeničkej rjadowniskej cyłkaj z ideju za wosebitu gratulaciju časopisej. Radworčenjo su sej samo do Budyšina dojěli a před woknom redakcije před Serbskim domom widejo nawjerćeli. Při tym je jich nawoda Sakskeho wukubłanskeho a wupruwowanskeho kanala Budyšin Michał Cyž podpěrał. Dalša sekwenca je něšto dnjow pozdźišo w Radworju před starym dwórnišćom nastała. Nětko je spěw „Do Budyšina pojědźemy“ w archiwje Płomjenja zwěčnjeny. Tež Ralbičanscy šulerjo su sami komponowali.
wozjewjene w: Kubłanje
Prošu přizjewće so, chceće-li komentar podać

Serbska debata

nowostki LND