Krótkopowěsće (21.07.17)

pjatk, 21. julija 2017 spisane wot:

William a Kate w ICE po puću

Berlin. Princ William a jeho mandźelska Kate (wobaj 35) staj dźensa dopoł­dnja ze spěšnikom ICE z Berlina do Hamburga wotjěłoj. K zadźiwanju druhich pasa­žěrow zalězeštaj wonaj z dźěsćomaj na hłownym dwórnišću do ćaha, do prěnjeho wagona prěnjeje klasy. Bě to poslednja etapa jich třidnjowskeho wopyta w Němskej. Wječor princowska swójba z Hamburga zaso domoj wotleći.

Rekordne žně hromaka

Podstupim. Braniborscy plahowarjo hromaka móža lětsa na rekordne žně zhladować. Po dotalnych wuslědkach su 22 200 tonow nažnjeli, Berlinsko-braniborski statistiski zarjad zdźěla. W minjenych sezonach njejsu hranicu 20 000 tonow nihdy překročili. Porno lětu 2016 je wunošk hromakowych žnjow tónkróć wo 13 procentow rozrostł.

Wot lěta 2018 kormorany třěleć

Krótkopowěsće (20.07.17)

štwórtk, 20. julija 2017 spisane wot:

Nowostka Štefana Paški wušła

Budyšin. „Nowe dyrdomdeje na wsy“ rěka druha kniha Štefana Paški, kotraž je runje w Ludowym nakładnistwje Domowina wušła. Powědki awtora-rozhłosownika su wšěm tym zajimawe, kotřiž hižo wšitke pismiki znaja. Kaž hižo w Paškowej prěničce „Dyrdomdeje na wsy“ steji zaso hólčec Tim w srjedźišću.

Tilich zastupuje Steinmeiera

Berlin. Sakski ministerski prezident Stanisław Tilich (CDU) budźe zwjazkoweho prezidenta Franka-Waltera Steinmeiera za čas jeho dowola sobu zastupować. Jako wiceprezident Zwjazkoweje rady změje wón wot 26. julija do 5. awgusta słužbu. Dalšej zastupnikaj Steinmeiera budźetaj Berlinski wyši měšćanosta Michael Müller a porynsko-pfalcska premierka Malu Dreyer (SPD).

Přińdu šakale?

Krótkopowěsće (19.07.17)

srjeda, 19. julija 2017 spisane wot:

Basnje Chěžki běłorusce wušli

Minsk. Šěsć basnjow Jurja Chěžki je Mikola Mjetlickij znowa do běłorušćiny přenjesł. Mjez druhim su to Dundakowa pěseń“, „Zelene zet“ a „Kak lochko so to spi“. Basnje su přełožki z originala. Pomoc a interlinearne přełožki poda Kajrat Bakbergenow. Wozjewjene su basnje w časopisu za literaturu a publicistiku „So­zwučije“ (Harmonija) w Minsku.

Wólbne namjety zapodali

Budyšin. Za wólby 19. němskeho zwjazkoweho sejma 24. septembra 2017 předleža we wólbnym wokrjesu 156 – Budyšin I – namjety wosom stron a jednoho jednotliwca. Wo přizwolenju tychle namjetow rozsudźi wokrjesny wólbny wuběrk na zjawnym posedźenju pjatk, 28. julija, w 11 hodź. w Budyskim krajnoradnym zarjedźe, Dwórnišćowa 9, stwa 210.

Wjace pjenjez muzejam

Krótkopowěsće (18.07.17)

wutora, 18. julija 2017 spisane wot:

Na wjelčicu třělane było

Rěčicy/Berlin. Wjelčica, kotraž bu spočatk julija na B 156 mjez Blunjom a Zabrodom přejědźena, je na sćěhi njezboža zahinyła. To je Leibnizowy institut za coologiske a dźiwinowe slědźenje w Berlinje zwěsćił. Zdobom namakachu w ćěle zwěrjeća šrótowe kulki, štož rěči za to, zo bu na nje třělane. Wot spočatka lěta su w swobodnym staće hižo šěsć mortwych wjelkow namakali.

Sta woporow namocy

Regensburg. Znajmjeńša 547 spěwarjow chóra Regensburger Domspatzen je so swój čas z woporom ćělneje a splažneje namocy stało. Tole wuchadźa z dźensa předpołoženeje kónčneje rozprawy wo skandalu znjewužiwanja w swětosławnym chórje dla. Prawiznik Ulrich Weber bě pady, kotrež stachu so wot 1945 do spočatka 90tych lět, dokumentował.

William a Kate w Pólskej

Krótkopowěsće (17.07.17)

póndźela, 17. julija 2017 spisane wot:

Wjace ekoratarstwa

Drježdźany. Ekologiske ratarstwo w Sakskej so dale rozšěrja. Lětsa je dotal 620 zawodow próstwu wo wotpowědne spěchowanje zapodało, 15 procentow wjace hač loni w samsnym času, kaž sakske ratarske ministerstwo zdźěla. Płonina, na kotrejž ekologiske ratarstwo praktikuja, je wo 28,5 procentow na cyłkownje 52 400 hektarow rozrostła.

Sakska wažne stejnišćo VW

Drježdźany. Sakska je awtotwarcej Volkswagen dale „zasadnje wažne stajnišćo“. Tole je šef koncerna Matthias Müller nowinarjam wobkrućił. Při tym wón kompetencu sobudźěłaćerjow a jich wukubłanje wosebje wuzběhny. Eksistenca cyłkownje štyrjoch twornjow w swo­bodnym staće je po słowach Müllera zaru­čena.

Hladanje přiwuznych zapłaćić

Praha. Čěski parlament je přiwzał nowelu zakonja wo chorobnym zawěsćenju, zmóžnjacu domjace hladanje chorych přiwuznych. Po njej změja ludźo prawo na hač do tři měsacy płaćeneho zastaranskeho dowola. W tym času dóstanu woni 60 procentow mzdy. Z wu­wzaćom pada chutneho wohroženja dalewobstaća firmy dyrbi dźěłodawar po­trjechenym dowol zmóžnić.

Krótkopowěsće (14.07.17)

pjatk, 14. julija 2017 spisane wot:

Kedźbu swinjaceje mrětwy dla

Zhorjelc. Krajnoradny zarjad w Zhorjelcu namołwja wšitkich pućowacych, žane zwěrjeće wudźěłki z Čěskeje a Pólskeje do Němskeje njepřiwjezć. Přičina je mrětwa, kotraž je tam mjez dźiwimi swinjemi wudyriła. Fachowcy maja mjeztym wulki strach, zo so chorosć přez čłowjeka do Němskeje předobudźe a domjace swinje nadpadnje.

Uniwersity hroža ze stawkom

Praha. Čěske statne wysoke šule bědźa so hižo dlěši čas ze špatnym financowanjom. Po dorěčenju rektorow kaž tež šulskich dźěłarnistwow žadaja sej uniwersity za budget lěta 2018 přidatne 170 milionow eurow. Jeli knježerstwo namołwu njewusłyši, přewjedu nazymu protestne akcije. W najhóršim padźe zymski semester scyła njezahaja.

Ptački njenańdu picy dosć

Bad Elster. Ptački maja lětsa wočiwidnje přiběrajcy problemy, dorost porjadnje zastarać. Do stacije za hladanje ptakow a jěžow w Bad Elsteru woža dźeń a wjace wuhłódnjenych młodźatow, kaž wottam zdźěleja. Samo młodźata robustnych družin kaž rapakow a srokow su zdrjene. Prawdźepodobnje ptački dosć insektow njenańdu.

Krótkopowěsće (13.07.17)

štwórtk, 13. julija 2017 spisane wot:

Přednošk ministra přepołožić

Drježdźany. TU w Drježdźanach chce wustup zwjazkoweho justicneho ministra Heika Maasa (SPD) přichodnu póndźelu přepołožić. Poprawom chcyše Maas w słyšenskim šulskim centrumje wo šćuwańcy w interneće přednošować. Před Drježdźanskej uniwersitu pak chcetej AfD a Pegida přećiwo Maasej demonstrować. Runočasnje wotměja so na TU pruwowanja.

Za wyšu mzdu stawkowali

Lipsk. Sobudźěłaćerjo drobneho wikowanja Sakskeje a Durinskeje su dźensa znowa stawkowali. W Drježdźanach złožichu přistajeni předewzaćow Obi, H&M, Esprit, Kaufland a Ikea dźěło, zo bychu swoje žadanje za šěsćprocentowskim zwyšenjom mzdow potwjerdźili. Dźěłodawarjo poskićeja dotal 2,5 procentow.

Kóždy štwórty jaty wuknje

Drježdźany. Kóždy štwórty zasudźeny skućićel wužiwa čas w jastwje za kubłanje a kwalifikowanje. Po informacijach sakskeho justicneho ministerstwa bě w juniju 782 z cyłkownje 2 919 jatych w šulskim abo powołanskim wukubłanju. Tendenca pak woteběra. Kaž minister Sebastian Gemko (CDU) zdźěli, je kubłanski niwow jatych dźeń a snadniši.

Krótkopowěsće (12.07.17)

srjeda, 12. julija 2017 spisane wot:

Poslednje lěto darmotne

Podstupim. Braniborska SPD chce dźěćom poslednjeho předšulskeho lěta wot nazymy 2018 darmotny wopyt pěstowarnje zmóžnić. Naprawa ma prěni krok po puću k dospołnje darmotnej pěstowarni być, rjekny frakciski šef SPD Mike Bischoff dźensa w Podstupimje. Opoziciska CDU žada sej porno tomu wjace personala w pěstowarnjach.

Wot jutřišeho wothłosować

Sernjany. Techniskich problemow dla njebě minjene dny móžno hłosować za hrajkanišćowu iniciatiwu Fanta, na kotrejž so mjez druhim skupina Sernjanskich staršich wobdźěla. Kaž zamołwići zdźěleja, so wothłosowanje tuž jutře, 13. julija, w 0.01 hodź. wotprědka započnje. Wothłosowanje skónči so regularnje 10. awgusta w 23.59 hodź.

„Njerjana“ zelenina popularna

Krótkopowěsće (11.07.17)

wutora, 11. julija 2017 spisane wot:

Maja spěšny internet

Njeswačidło. Z wutwarom spěšneho mobilneho interneta dóstanu wobydlerjo w Njeswačidle nětko přizamk k syći Telekom LTE. Syć přenošuje rěč we wysokej kwaliće a w najkrótšim času wulke mnóstwo datow, rěka w nowinskej zdźělence Telekom. Podźěl wužiwarjow mobilneho interneta je minjene šěsć lět wot 20 na 68 procentow rozrostł.

Indiscy studenća w Čěskej

Liberec. Na techniskej uniwersiće w sewjeročěskim Liberecu je nětko nimo zwučeneje čěšćiny časćišo tež jendźelšćina słyšeć. Dźesać indiskich studentow je tam njedawno swój inženjerski studij mašinotwarstwa, podawany w jendźelskej rěči, zakónčiło. Někotři z nich chcedźa w Čěskej z doktorskim studijom pokročować.

Pola Amazon zaso stawkuja

Krótkopowěsće (10.07.17)

póndźela, 10. julija 2017 spisane wot:

Dom po Havelu pomjenowali

Strasbourg/Praha. Nowe, swjatočnje wotewrjene twarjenje Europskeho parlamenta w francoskim Strasbourgu su po bywšim, lěta 2011 zemrětym čěskim prezidenće Václavje Havelu pomjenowali. Nimo zapósłancow budźe tež kenclija europskeho ombudnika dom wužiwać. Twarjenje, woznamjenjene ze skrótšenku HAV, je z Havela wopominacymi twórbami čěskich wuměłcow wupyšene.

Słowjenskeho kolegu wopytał

Ljubljana. Na dompuću z dowola w Chorwatskej je sakski ratarski minister Thomas Schmidt (CDU) w słowjenskej stolicy Ljubljanje pozastał a so z tamnišim ministrom za ratarstwo, lěsnistwo a zežiwjenje Dejanom Židanom zetkał. W priwatnej rozmołwje wobjednaštaj wonaj zhromadne aktiwity a zaměry w Europje.

Warnuja před njewjedrami

nawěšk

SERBSKE NOWINY podpěruja:

fueorg misain karten sorbisch

  • XXII. mjezynarodny folklorny festiwal “Łužica 2017” je nimo. Dopomnjenki a rjane wokomiki pak wostanu. Najlěpje zapopadnješ je w fotografiji. Tole su mjez druhim Bianka Šeferowa, Feliks Haza, Maćij Bulank a Janek Wowčer  za redakciju SERBSKICH NOWIN

nowostki LND