Dźěćom dźiwadło hrali

wutora, 20. decembera 2016
artikl hódnoćić
(0 )
Šulerki a šulerjo Serbskeje fachoweje šule za socialnu pedagogiku su minjeny tydźeń  dźěćom dźiwadłowu hru wo wikingach pokazali.  Foto: Rocci Klein Šulerki a šulerjo Serbskeje fachoweje šule za socialnu pedagogiku su minjeny tydźeń dźěćom dźiwadłowu hru wo wikingach pokazali. Foto: Rocci Klein

Ylvi, małka holca z Flake, bu rubjena. Wikingojo hnydom wědźachu, štó za tym tči: „hrozny Sven“. Wón je najwjetši njepřećel wikingow. Jemu hodźi so wšitko přicpěwać. Halvar da přikaz, płachty čołma nastajeć a so z połnej paru do spěcha dać, prjedy hač so holčce Ylvi něšto stanje.­ Wiki, najmłódši wobydler z Flake a syn nawjedowarja wikingow, kradnje so na wulki čołm najebać zakaz nana, zo by sobu pomhał swoju najlěpšu přećelku wuswobodźić.

Hač su wikingojo swojich přećiwnikow hišće w prawym času přemóhli, móžeše minjeny tydźeń nimale 300 pěstowarskich a hortowych dźěći z Budyskeho wokrjesa dožiwić. Tole zmóžni jim 21 šulerjow a šulerkow rjadownje S15v Budyskeje Serbskeje fachoweje šule za socialnu pedagogiku, kotřiž/kotrež so na statnje připóznateho kubłarja/připóznatu kubłarku wukubłuja. Woni su tuchwilu w druhim wukubłanskim lěće.

wozjewjene w: Serbski powěstnik
Prošu přizjewće so, chceće-li komentar podać

Serbska debata

nowostki LND