Gmejnsku radu pomjeńša

pjatk, 16. februara 2024 spisane wot:

Mjenje wobydlerjow dla jenož hišće wosom radźićelow

Trjebin (CK/SN). Po komunalnych wólbach njezměje Trjebinska gmejnska rada hižo dwanaće gmejnskich radźićelow kaž dotal, ale jenož hišće wosom. Změnu hłownych wustawkow su radźićeljo na zašłym posedźenju wobzamknyli.

Z přesydlenjom Miłoraza zhubi gmejna něhdźe 200 swojich 850 wobydlerjow. Najwjetši dźěl je hižo přećahnył, přetož hač do kónca lěta ma přesydlenje wsy wotzamknjene być. Tuž je trěbne, komunalne zastupnistwo ličbje wobydlerjow přiměrić. Sakski gmejnski porjad poruča komunam z mjenje hač tysac wobydlerjemi radu z dźesać čłonami. Dokelž pak Trjebinska gmejna jasnje pod tejle ličbu wostanje, so gremij na wosom čłonow dojedna.

Drasta kwasneho ćaha zachowana

pjatk, 16. februara 2024 spisane wot:

Před dobrymi dźesać lětami je so Grodkowski Serbski kwasny ćah rozpušćił. To njech je składnosć pohladać do zašłosće a so zdobom prašeć, hdźe su jednotliwe dźěle drasty wostali.

Grodk (JoS/SN). Před wjace hač 120 lětami słušeše Grodkowska serbska narodna drasta hišće k wšědnemu wobrazej w měsće a wokolinje. Po lěće 1900 bu wona přiběrajcy ze wšědneho dnja wutłóčena. Připućowani dźěłaćerjo w tekstilnej a so rozwiwacej brunicowej industriji k serbskosći we wokolinje žadyn poćah njemějachu. Serbska drasta so ze wšědneho wobraza města zhubi.

Wjacore zarjadowanja su w tymle tydźenju we wobłuku zymskeho campusa w Radworju přewjedli. Mjez druhim bě dr. Stefan Ohm wot Astrocentruma Łužica ze serbskej studentku Johannu Šurec w Radworju. Dwanaće dźěći wot 3. lětnika je wšelake wobłuki astrofyziki zeznało a sej z pomocu wosebiteje app swětnišćo wotkryło. Wšitcy běchu jara zajimowani. Dohromady so 45 serbskich a serbsce wuknjacych dźěći na dwutydźenskim poskitku wobdźěla. Nošer je Radworska staršiska iniciatiwa. W swojim projekće chcedźa w Radworju Serbski experiMINT campus natwarić, kotryž dźěćom a młodostnym serbski rěčny rum poskića a powołanske perspektiwy we Łužicy pokazuje. Foto: Katrin Suchec-Dźisławkowa

Krótkopowěsće (16.02.24)

pjatk, 16. februara 2024 spisane wot:

Diferencu móža wurunać

Róžant. Zo móhła gmejna Ralbicy-Róžant diferencu w swojim lětušim hospodarskim planje wurunać, dyrbja 255 000 eurow ze swojich likwidnych srědkow nałožić. Tole zdźělichu na wčerawšim posedźenju gmejnskeje rady. Dohromady chcedźa něhdźe 3,8 milionow eurow wudać. Najwjetše wudawki planuja za nowotwar Ralbičanskeje pěstowarnje. (Wjace wo tym w póndźelnym wudaću.)

Wupisanje serbskeje rady

Drježdźany. Wupisanje za dźěłowe městno wěcywobdźěłarki w jednaćelni Rady za serbske naležnosće Sakskeje běži hač do kónca měsaca. Požadarjo njech zapodadźa podłožki na personal@ smwk.sachsen.de. Dźěłowy čas wučinja 20 hodźin tydźensce. Dźěło doma je móžne a tež wjac dźěłoweho časa – přez nadawk w spěchowanju kultury.

Pjenjezy za dźiwadło

Halle/Budyšin. Kulturna załožba Zwjazka spěchuje pjeć nowych projektow ze cyłkownje 746 100 eurow w swobodnym staće. Tole zdźěli załožba wčera w Halle. Z toho profituje mjez druhim Němsko-serbske ludowe dźiwadło w Budyšinje, kotrež ma za festiwal „Witajće druhdźe“ 77 100 eurow dóstać. Zarjadowanje chcedźa w septembrje wotměć.

Haja dobru zhromadnosć

štwórtk, 15. februara 2024 spisane wot:
W Spalach zetkawaja so kóždy kónc měsaca žony nad 60 lětami w korčmje na zhromadne kofejpiće. Tute zetkanja wotměwaja často pod wěstej temu. Tak su do hód małe dary paslili a hodowničku swjećili. Srjedź januara su ptači kwas wuhotowali a zhromadnje spěwali. Na tute prěnje lětuše zetkanje maja dalše, kaž póstnicy, ­jutrowne paslenje, přednoški a wulěty sćěhować. Foto: Lubina Dučmanowa

Dorost z měška maćerje hlada

štwórtk, 15. februara 2024 spisane wot:
Nowosć rozprawjeja z Wojerowskeho zwěrjenca: Tam je běła kenguru-žonka Sněženka dorost dóstała. Tak kaž mać ma tež młodźato sněhběły kožuch. Prěni dorost Sněženki je mjeztym něhdźe wosom měsacow stary. „Hakle wot spočatka januara bě spóznać, zo ma tež młodźato běły kožuch“, rozprawja hladar Ronny Häusler. Hižo do toho bě dorost druhdy z měška maćerje hladał, njeměješe pak hišće kožuch. „Bórze pak budźe młodźato za měšk maćerje přewulki. Potom móžemy tež pohladać, wo kotry splah so jedna“, praji Ronny Häusler. Sněženka je loni ze zwěrjenca z čěskeho Tábora do Wojerec přišła. Foto: Wojerowski zwěrjenc/Stefanie Jürß

Porěči wo putnikowanju

štwórtk, 15. februara 2024 spisane wot:

Chrósćicy. Wo swojim putnikowanju po Jakubowym puću rozprawja Guido Budar sobotu, 17. februara, w 19.30 hodź. w Chróšćanskej putniskej hospodźe. 39lětny je so loni w juniju na puć podał z Noweje Wjeski hač do 3 200 kilometrow zdaleneho Santiago de Compostella a dale hač do Finisterre a Muxia při Antlantiskim oceanje. Ke Chróšćanskej kermuši w oktobrje je so zaso nawróćił. Na rozprawu ze swětłowobrazami wo swojich dožiwjenjach, dyrdomdejach a zetkanjach smědźa so zajimcy wjeselić. Hižo sobotu wot 16 hodź. su najmłódši přeprošeni na serbske dźěćace kino.

Móst jutře wotewru

Policija (15.02.24)

štwórtk, 15. februara 2024 spisane wot:

W bydlenjach so posłužowali

Kamjenc. Po wšěm zdaću wjacore měsacy dołho su njeznaći w prózdnych wjaceswójbnych domach na Kamjenskej Fichtowej kradnyli. Kaž policija wutoru zhoni, wutwarichu z třoch bydlenskich blokow wšelki inwentar, mjez druhim milinowody, tepjenske roły a armatury. Po prěnim trochowanju nasta škoda we wobjimje šěsćcyfroweje sumy.

Susodam poskićeja pomoc

štwórtk, 15. februara 2024 spisane wot:

W Njeswačidle za druhe gmejny stawniske naležnosće rjaduja

Njeswačidło (JK/SN). Zo sej gmejny Budyskeho wokrjesa husćišo mjez sobu pomhaja, je znate. Aktualnje pomha na přikład Njeswačanska gmejna susodnym komunam Radwor, Wulka Dubrawa a Malešecy. Přičina je, zo njemóže Malešanske stawnistwo, kotrež je za Radwor a Wulku Dubrawu sobu zamołwite, z personalnych přičin hižo stawniske dźěła zaručić. Tohodla su so na Njeswačansku gmejnu wobroćili z próstwu, hač njebychu Njeswačanscy stawnicy móhli w nuznych padach pomhać. Zo by to wšo tež swój zarjadniski porjad měło, wobzamknychu Njeswačanscy gmejnscy radźićeljo wutoru na swojim posedźenju wotpowědne zaměrowe dojednanje z Malešanskej gmejnu. Tak budu Njeswačanscy stawnicy za horjeka mjenowane gmejny trěbne wopisma a wšelake dalše dokumenty w nuznych padach wustajeć a nadawki Malešanskeho stawnistwa hač do kónca lěta spjelnjeć. Jednohłósnje so gmejnska rada za to wupraji, po tym, zo bě radźićel dr.

Saněrowanje fasady wotstorčili

štwórtk, 15. februara 2024 spisane wot:

Rakecy (UM/SN). Rozsud wo saněrowanju fasady młodźinskeho a towarstwoweho domu w Rakecach je tamniša gmejnska rada wotstorčiła. Hižo w měrcu 2022 běchu dźěła prěni raz wupisali a šěsć firmow wo poskitk prosyli. Dóšoł pak je tehdy jenož jenički poskitk, tak zo njejsu žadyn nadawk přepodali.

Kaž Martina Nytsch-Menzel z twarskeho zarjada gmejny praji, je so fasada mjeztym dale pohubjeńšiła. Tuž je so financny wuběrk komuny loni w meji znowa z temu zaběrał. Wuběrk poruči, saněrowanje fasady wospjet wupisać. Financować chcychu to ze srědkow inwestiwnych klučowych připokazanjow. Najlěpši poskitk we wobjimje nimale 31 500 eurow je twarske předewzaće z Łaza zapodało. „Při dokładnym wobhladanju twarjenja pak nas fachowcy na to skedźbnichu, zo móhło so při tak starym twarjenju stać, zo so po saněrowanju wobmjetka samsne škody znowa jewja“, Rakečanski wjesnjanosta Swen Nowotny (CDU) rozłoži. Tónle pokiw bě tež wobstatk poskitka za ponowjenje fasady. Łazowska firma njemóže garantować, zo je dołhodobna kwalita noweho wobmjetka zaručena.

Serbska debata

nowostki LND