Něhdźe 25 ludźi sćěhowaše sobotu přeprošenje na mjeztym štwórtu zhromadnu konferencu Braniborskeje techniskeje uniwersity (BTU) Choćebuz-Zły Komorow a Serbskeho instituta (SI), kotraž wěnowaše so „spomóžnemu (serbskemu) žiwjenju“. Załožba Rosy Luxemburg bě ju financnje spěchowała.

Choćebuz (FaJ/SN). Su aspekty spomóžneho serbskeho žiwjenja, kotrež móhli fungować jako směrnicy regionalneho wuwića Łužicy? Kotre potenciale ma serbska kultura, wuwiće tudyšych identitow podpěrować? A kotre konflikty to haća? Tele prašenja stejachu w srjedźišću zarjadowanja.