Sakske našočasne wuměłstwo w čěskej stolicy

Mittwoch, 19. Dezember 2018
Artikel bewerten
(0 Stimmen)
Josef Somr (srjedźa) a Měrko Brankačk (naprawo) staj wčera na wotewrjenju wustajeńcy „Wukładnišćo: Našočasna ćišćana grafika ze spěchowanskich nakupjow Swobodneho stata Sakskeje“ teksty Jurja Brězana čitałoj.  Foto: SLA/Stefan Cuška Josef Somr (srjedźa) a Měrko Brankačk (naprawo) staj wčera na wotewrjenju wustajeńcy „Wukładnišćo: Našočasna ćišćana grafika ze spěchowanskich nakupjow Swobodneho stata Sakskeje“ teksty Jurja Brězana čitałoj. Foto: SLA/Stefan Cuška

Praha (SN). Swobodny stat Sakska spěchuje wot lěta 1992 wuměłcow, kotřiž su wusko z krajom zwjazani. Dotal je wjace hač tysac twórbow kupił a přepoda je fondsej Statnych wuměłskich zběrkow Drježdźany, kotrež słušeja k najwuznamnišim zjawnym zběrkam sakskeho wuměłstwa wot kónca Druheje swětoweje wójny. Nowe akwizicije kóždeho lěta su we wobłuku wosebitych wustajeńcow prawidłownje w zastupnistwje swobodneho stata w Berlinje předstajili. Lětsa pak chcychu přehladku w Čěskej pokazać. Ćežišćo wčera w Praskim Serbskim seminarje wotewrjeneje ekspozicije je našočasna ćišćana grafika. Mjez druhim wustajeja tam dźěła Kathariny Immekus, Benjamina Badocka, Franziski Güttler a Neja Raucha.

Přehladka je dźěl kulturneje wuměny mjez Drježdźanami a čěskej stolicu a je paralelne zarjadowanje wustajeńcy „Možnosti dialogu“ w Praskim Palaisu Salm, wuhotowaneje wot Narodneje galerije złoteho města, sakskich statnych zběrkow a Berlinskeje zběrki Hoffmann.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND