SLA z wuspěšnej a wupředatej prapremjeru oratorija „Wójna a ...“
Budyšin (SN/bn). Po wjeršomaj „Smilny Božo, wróć nam zbožo!“, kotrejž zakónčitej prěni dźěl oratorija „Wójna a ...“, knježeše na wupředatej žurli Serbskeho ludoweho ansambla hnuta ćišina. Ze slědowacym wichorojtym přikleskom dźakowaše so publikum minjeny pjatk wšitkim na inscenaciji sobuskutkowacym za prapremjeru, z kotrejž chce SLA „wuteptane puće wopušćić“, kaž bě intendant domu, iniciator a režiser produkcije Tomas Kreibich-Nawka připowědźił. Zhromadnje z choreografku Gundulu Peuthert je wón na zakładźe twórby Bjarnata Krawca a Michała Nawki inscenaciju wuwił a zwoprawdźił, kotraž ma potencial, tójšto wody zamućić.
