Němska sekcija zwjazka CIOFF schadźuje so kónc tydźenja w Budyšinje

Budyšin (SN/MG). CIOFF, to je mjezynarodny zwjazk folklornych festiwalow. Mjeno je wotwodźene z francoskeho pomjenowanja organizacije: „Conseil International des Organisations de Festivals de Folklore et d’Arts Traditionnels“, serbski přełožk by był: „Mjezynarodny komitej folklornych festiwalow z tradicionelnym wuměłstwom“. We wjace hač 60 krajach po cyłym swěće ma tuta orga­nizacija wotnožki, tež w Němskej. Do krajneje skupiny słuša tu 25 folklornych festiwalow. Mjez nimi stej tež mjezynarodny folklorny festiwal Łužica a mjezynarodny festiwal dudakow w Slepom. ­Nimo organizatorow festiwalow su tež kul­turne skupiny z čłonom CIOFF. Sydom serbskich jich je. Dohromady ma CIOFF Němskeje wjace hač 60 towarstwow jako sobustawow.