Drježdźany (dpa/SN). Poměrnje mały ale agresiwny: Aziski šeršeń so w Němskej dale rozšěrja a wohrožuje tež pčołki. Dźěłarnička, kotruž krajna załoža za přirodu a wobswět z krajnym zarjadom za geologiju a ratarstwo dźensa w Drježdźanach zarjaduje, měri so tuž předewšěm na sakskich pčołarjow. Kaž rěčnik krajneje załožby Tomas Bruckmann zdźěli, maja hač dotal w Sakskej jenički podhladny pad tuteje inwaziwneje družiny.

W dźěłarničce wobjednawaja wosebje ekologiju a wašnje žiwjenja aziskeho šeršenja. Nimo toho chcedźa prawniske zakłady a dotalne postupowanje w Sakskej diskutować. Rozprawa z Hamburga, w kotrejž móžachu hižo nazhonjenja z aziskim šeršenjom zběrać, dźěłarničku skulojća. Po informacijach krajneje załožby so z juhowuchodneje Aziskeje pochadźacy šeršeń w Němskej sylnje rozmnoža. Tež w Sakskej dyrbja z nim ličić. „Wažne je, inwaziwnu družinu spěšnje spóznać a społnomócnjenym fachowcam nadawk dać, přećiwo nim postupować. Jenož­ tak móže so dalše rozmnoženje haćić, to zamołwići zdźěleja.