Serbski kandidat kritizuje „skandaloznu“ diskriminaciju małych stronow

Berlin/Budyšin (SN/mb). Na kromje wčerawšeje debaty zwjazkoweho sejma wo knježerstwowym wozjewjenju kanclera Olafa Scholza (SPD) je nam parlamentariski jednaćel frakcije FDP Torsten Herbst telefonisce zdźělił, zo budźe w dočasnych wólbach zaso kandidować. Drježdźanjan Herbst so wjeseli, zo je so do rozpada amploweje koalicije radźiło, reformu zakonja wo mjenach přesadźić. Wón bě so lěta dołho za to zasadźował, zo móža sej Serbowki swoje swójbne mjeno w serbskej warianće do wupokaza zapisać dać. Rady by so Herbst tež dale za serbski lud w zwjazkowym sejmje angažował. Sakska FDP chcyše kandidatow klětu w januarje postajić, to nětko na termin do hód doprědka sćehnje.