Za lětušu jubilejnu 10. mjezynarodnu wuměłsku dźěłarničku „Při Krabatowym kamjenju“ w Miłočanskej skale je so telko wuměłcow kaž hišće ženje přizjewiło. Zarjadowanje wotměje so wot 22. awgusta do 4. septembra.

Na slědach skutkowanja serbskich basnikow-wuměłcow

Wukrajnym wobdźělnikam Swjedźenjow serbskeje poezije je stajnje wulke dožiwjenje, njezeznajomić so jeno z twórbami serbskich poetow, ale zdobom z jich městnosćemi žiwjenja a skutkowanja. Na 38. mjezynarodnym swjatku serbskeje lyriki wobdźělichu so z Ukrainy tež mandźelskaj-basnikaj Tatja­na a Sergej Dzjuba a ze Serbiskeje Mićo Cvijetić. Dokelž su so hakle dwaj dnjej pozdźišo domoj wróćili, podachu so na slědy serbskich wosobinow-­wu­měłcow. „Před 30 lětami wopytach Měrćina Nowaka-Njechorńskeho (1900– 1990)“, powěda Mićo Cvijetić po puću do Njechornja.

Chcetaj wo Serbach rozprawjeć

Pod hesłom „Vielfalt. Das Beste gegen Einfalt“ wotměje so wot 25. septembra w Němskej lětuši interkulturny tydźeń. W Budyskim wokrjesu zaběži rjad zarjadowanjow na dobro dorozumjenja mjez kulturami hižo tydźeń do toho, 16. septembra, a traje cyły měsac.

Budyšin (SN/CoR). Telewizijny sćelak MDR bě dźensa pódla, jako je skupina młodostnych mějićela Budyskeho sportoweho wobchoda, z Pólskeje pochadźowaceho Jerzyja Timma, z kameru interviewowała. Akcija je dźěl filmoweho a fotoweho projekta „Z cyłeho swěta do Budyšina­“, kiž bě społnomócnjena za wukrajnikow wokrjesa Budyšin Anna Piętak-Malinowska nastorčiła a kotryž so w kooperaciji ze Sakskim wukubłanskim a wupruwanskim kanalom zwoprawdźi. Tema projekta su „migranća tule – dźensa a w zašłosći“. „Chcemy pokazać, kak připućowarjo žiwjenje a kulturu na městnje wobohaćeja“, praji tohorunja z Pólskeje pochadźaca, kotraž je ze swójbu w Budyšinje domiznu namakała.

Budyšin (SN/CoR). Ramik za nowu sezonu je hižo rysowany – znajmjeńša, štož prašenje personala nastupa. Tak su so nimo bubnarja skupiny Floppy dolls Diega Carlosa Seyfahrta dźiwadźelnikaj Anna Marie Lehmann a Anthony Mrosek kaž tež elewaj činohrajneho studija Juliana Gruhnec a Richard Nowak z NSLDź rozžohnowali. Zo změja nowu delnjoserbsku elewku z Choćebuza, je mjeztym runje tak jasne kaž to, zo spušći Torsten Schlosser po wjace hač 20 lětach nawod dorostoweho studija. Intendant Lutz Hillmann so jemu dźakowaše a připowědźi, zo budźe so přichodnje Ralph Hensel wo serbski dźiwadłowy dorost starać. Dale budźetaj bywšej elewaj Julija Klingnerec a Jurij Šiman wot awgusta čłonaj ansambla NSLDź. A po wotchadźe Michaela Funki před lětomaj změje NSLDź skónčnje zaso wyšeho hrajneho nawodu. Stefan Wolfram, dotal režiser Plauensko-Zwickauskeho dźiwadła, předstaji so w nowej funkciji z inscenaciju „Teror“ Ferdinanda von Schiracha. Dalša dobra powěsć je, zo přewjedu zaso jewišćowy bal, a to zhromadnje ze Serbskim ludowym ansamblom 29. a 30. oktobra.