Kata Malinkowa
Serbske slědźenja tež Němcam zbližić
Zo by Serbski institut wuslědki swojeho slědźenja tež němskej zjawnosći spřistupnił, přeprosy wón minjeny pjatk na institutny dźeń w němskej rěči. Rjad Němcow z Budyšina je přeprošenje sćěhowało, wjetšina wobdźělnikow pak běchu Serbja. Mjez hosćimi bě tež direktor Sewjerofriziskeho instituta prof. dr. Thomas Steensen.
Budyšin (ML/SN). Wo sorabistiskim slědźenju w času digitalizacije porěča dr. Hauke Bartels, jednaćelski zastupnik direktora Serbskeho instituta. Citujo načolnicu wulkeho slědźenišća „Štóž njeje digitalnje prezentny, toho njewobkedźbuja“ praji Bartels: „Z toho wurosće tež za naš institut, zo ma wón w nowych medijach zastupjeny być, zo by serbske kulturne herbstwo a rezultaty swojeho wědomostneho dźěła posrědkował.“ Dr. Susanne Hozyna předstaji nowy, rozšěrjeny a wudospołnjeny institutny spis.
Jarmila Pátová
Štwórtk lětstotka Serbski institut formował
Po 23 lětach skutkowanja jako direktor Serbskeho instituta su wčera wječor prof. dr. Dietricha Šołtu na małej žurli Budyskeho Dźiwadła na hrodźe swjatočnje rozžohnowali.
Našim čitarjam
W konsekwency lońšeho naprašowanja čitarjow přez institut Dima započnje redakcija SN z wudaćom 2. meje Wam 2. stronu w přeměnjenym šaće poskićeć. Z prěnim krokom zwjazana je nowa rubrika „Mój wid“. Wšědnje tam z pojednanych temow w nowinje jednu skrótka komentujemy. Snano polěkuje to tež čilišej wuměnje myslow w dopisach. Wuběr najaktualnišich powěsćow z kraja a wukraja do kónca redakciskeho časa móžeće potom w rubrice „Aktualne“ čitać. Skerje kuriozneju powěsćow pod „To a tamne“ njetrjebaće so wzdać, rubriku „Łužica“ pak wozjewimy dźensa posledni raz.
W druhim kroku maja hłowne přinoški 2. strony SN bóle politiku z perspektiwy dwurěčneje Łužicy wotbłyšćować kaž tež wo žiwjenju w słowjanskich krajach informować. Redakcija SN
Městna reformacije we Łužicy wopisane
Zhorjelc (AK/SN). „Hornja Łužica ze swojimi němsko-serbsko-pólskimi stawiznami ma tójštow slědow reformacije. Je to kónčina žiwych tradicijow a praktikowaneje tolerancy.“ Tole rjekny stawiznar dr. Lars-Arne Dannenberg zawčerawšim, wutoru, w Zhorjelcu na předstajenju brošurki „Městna reformacije w Hornjej Łužicy“. Zhromadnje z historikarjom dr. Matthiasom Donathom je wón 92 stron wopřijacu knihu w Lipšćanskim ewangelskim nakładnistwje wudał.
Zesylnja profil busa wuměłstwa
Hižo třeći króć přeproša bus wuměłstwa 18. a 19. junija na turu po hornjołužiskej wuměłstwowej scenje. Lětsa pozastanje tón w Miłoćicach, Budyšinje, Lubiju a Korzymje a prěni raz tež w Kamjencu.
Prěni aziatiski spěwar w SLA
Prašeš-li so spěwarja, što jeho do spěwanja wabi, dóstawaš wšelake wotmołwy. Skerje zrědka pak w dźensnišim času słyšiš, štož je mi bariton SLA Jae-Hyung Cho wotmołwił: „Chcu Boha chwalić.“
Stawizničkiza najmłódšich
Nowe puće a twórby stareju znateju w hinašim šaće
Pod hesłom „předźeno“ su minjeny pjatk w Kamjenskim Muzeju zapadneje Łužicy zhromadnu wustajeńcu Iris Brankačkoweje a Sophie Natuškec wotewrěli. Je to mjeztym 12. přehladka muzeja w rjedźe „Wuměłcy z regiona“.
