„Pytanje za identitu mjez tradiciju a modernu“
Neuhardenberg (SN/bn). Wot lěta 2003 spožčitej nakładnistwo Märkisches Medienhaus a Załožba Neuhardenberg „Braniborske wuměłstwowe myto“. We wobłuku swjatočneje ceremonije minjenu njedźelu na Neuhardenbergskim hrodźe bu Helge Leiberg z „Čestnym mytom ministerskeho prezidenta za žiwjenski skutk“ w hódnoće 10 000 eurow wuznamjenjeny. Lawdator Dietmar Woidtke (SPD), ministerski prezident Braniborskeje, wuzběhny, zo „špiheluje mnohotne tworjenje Helge Leiberga z najwšelakorišimi formami, materialijemi a technikami žiwjenje a čłowjeka. Jeho twórby charakterizujetej žiwosć a pohib a wuprudźeja kreatiwitu wulkeho wuměłca – wuměłca, kiž je sej wuznamjenjenje wjace hač zasłužił“.
Wotbłyšć domizny w domiznach
„vorOrt – budyšinbautzen“ rěka aktualna wosebita wustajeńca, z kotrejž so wuhotowarjej Wyše zarjadniske sudnistwo Budyšin a Budyske wuměłstwowe towarstwo „prěni raz“ temje „domizna“ wěnujetej. Přehladka wopřijima najwšelakoriše twórby dohromady 20 łužiskich wuměłčow a wuměłcow.
Wosebita atmosfera na štyrjoch statokach w Hochozy
Hochozy (SN/MkWj). Štóž je hdy prěni dźěl mjezynarodneho folklorneho festiwala w Hochozy dožiwił, móže potwjerdźić: To je zarjadowanje z cyle wosebitej atmosferu: přećelne, wotewrjene, sympatiske.
Tak je to pjatk tež skupina 45 zajimcow z Radworja a Chrósćic dožiwiła, kotraž bě sej z wot Domowiny skazanym busom Radworskeho Šmitec wozydłownistwa do Hochozy dojěła. Festiwalne wjerški běchu na štyri statoki, podobnje kaž w Chrósćicach, rozdźělene. Tam wustupowachu folklorne skupiny ze swojimi programami. Mjez statokami jězdźeštej konjacej zapřahaj za hosći, kotřiž nochcychu abo njemóžachu puć mjez dworami pěši zmištrować. Wo zastaranje postarachu so młodźinski klub, wohnjowa wobora a z Budyšina přichwatani pomocnicy Nukec napojownistwa.
Hnydom na spočatku wsy na puću z Choćebuza přeprošowaše Ungerec statok. Na skerje małym, ale jara rjanym dworje prezentowachu so słowakski ansambl Gymnik, Legnica z Pólskeje a serbski folklorny ansambl Serbska reja.
Tradicije wožiwić a wobchować
Chrósćicy (SN/bn). Zjawny kulturny forum słuša mjeztym ke krutym programowym dypkam Mjezynarodneho folklorneho festiwala „Łužica“. Lětsa předstajichu so w tym wobłuku zastupjerjo sydom na swjedźenju wustupowacych skupinow zawčerawšim w Chróšćanskej wjacezaměrowej hali „Jednota“ z krótkimi prezentacijemi.
Dźak pomocnikam
Z nowymi perspektiwami na folkloru zahorjeli
Chrósćicy (SN/MG). Na tak mjenowanym „Festiwalnym specialu“ su cyłki folkloru na cyle hinaše wašnje interpretowali. Prěnja tajka skupina bě serbska band Nowa Doba, kotraž je znata za swoje produkcije hiphopa. Na Zahrodnikec/Grutkec statoku prezentowachu woni spěwy swojeho prěnjeho albuma „Stara šula“. Na jewišću móžeše publikum, kotryž bě we wulkich masach na dwór přichwatał, nimo hudźbnikow tež někotrehožkuli hosća wuhladać. Tak zaspěwa Greta Čórlichec z trójku. Samy wjeršk koncerta pak bě bjezdwěla zhromadna produkcija z Přezpólnymi. Jako stupichu mužojo a žonje w swojich tradicionelnych drastach na jewišćo a zahudźichu zhromadnje z band k modernym zynkam, bě nalada přewšo euforiska.
Přichodny wjeršk wječora bě band Celtica, kotraž wobkuzła publikum ze swojimi twjerdymi zynkami, kotrež produkuja na přikład z tradicionelnymi šotiskimi dudami. Show na jewišću bě přewšo spektakularna, wšako wědźa hudźbnicy cyle dokładnje, kak maja swětłowe, ale tež specialne efekty wužić.
Zahajenje folklorneho festiwala: Pisany hołk a tołk z tójšto ...
Z předstajenjomaj za dźěći, ćahom po měsće a galu bu XIV. mjezynarodny folklorny festiwal Łužica wčera w Budyšinje zahajeny. Dźensa předstaja so wobdźělnicy w Hochozy, jutře a zajutřišim su z hosćemi w Chrósćicach .
Budyšin (MG/bn/MiR/SN). Festiwalna atmosfera knježeše wčera najpozdźišo wot toho wokomika, jako cyłkownje „16 z dohromady 18 skupinow“, kaž ze stron swjatk organizowaceje Domowiny rěkaše, před Serbskim domom k swjedźenskemu ćahej po měsće nastupi. „Nětko je festiwal“, Katharina Jurkowa z přihotowanskeho wuběrka wjesele zwěsći, wuhladawši pisany hołk a tołk a wusłyšawši tójšto hudźby a spěwa na Póštowym naměsće. Po zwučenej čarje podachu so přez Lawske hrjebje, Hłowne torhošćo a Bohatu hasu na Žitne wiki. Tam prezentowachu skupiny małki dohlad do swojich programow. Sta přihladowarjow běchu widźomnje zahorjeni.
Sylny přiklesk wšitkim cyłkam
Zašćěpi so do pomjatka
Barokny hród w Njeswačidle a přisłušacy park stej jutře a ...
Special z mnohimi nowosćemi
Ke krutym wobstatkam festiwala we Łužicy słuša „festiwalny special“
Skerje njeznate a njezwučene zynki – za to je „festiwalny special“ sobotu na Zahrodnikec/Grutkec statoku w Chrósćicach znaty. Rejzka Krügerowa, projektna managerka Domowiny a zamołwita za mjenowany program, je přewšo zajimawe skupiny nadešła.
Hłowna atrakcija drje budźe hudźbny cyłk „Celtica – pipes and rock“, kotrehož hudźbny směr je folk- a celtic rock. We wonym miljeju je kulturne ćěleso jedne z najaktiwnišich a najinowatiwnišich po cyłym swěće. Tak absolwowachu wot lěta załoženja 2010 hač do dźensnišeho hižo wjace hač 600 wustupow po wšěch kontinentach, mnohe z nich na wuznamnych festiwalach kaž Wacken-openair, ale tež w Alasce, na Hawaiiju, w Indiskej a New Yorku. Pjeć studijowych albumow je skupina mjeztym nahrawała a bu w lěće 2019 składnostnje „Australian Celtic Music Awards“ z titulom „International artist of the year“ počesćena.
