Aus der aktuellen Ausgabe vom Donnerstag, 21 September 2017

Donnerstag, 21 September 2017 14:00

Krótkopowěsće (21.09.17)

Spožča Myto Domowiny

Budyšin. Dr. Karlej Kowalewskemu, Margot Hašcynej, Manfredej Hermašej a Dieterej Wendischej spožča lětsa Myto Domowiny. To zdźěli wčera mytowanski wuběrk. Swjedźenske zarjadowanje budźe 13. oktobra w Budyskim Serbskim domje.

Młodostni za projekt počesćeni

Lubij/Berlin. Angažowanych młodostnych z Lubija počesćichu w Berlinje z mytom „CHILDREN Jugend hilft!“. Woni běchu­ so z projektom „3eck Soccer“ přećiwo mnohim dalšim požadarjam pře­sadźili. Mandźelska zwjazkoweho prezidenta Franka-Waltera Steinmeiera Elke Büdenbender je jich njedźelu na hrodźe Bellevue přijała. Tamne dny swojeho přebytka wobdźělichu so młodostni na wšelkich dźěłarničkach.

Serbske plakaty zničene

Budyšin. Kandidatka strony SPD za zwjazkowy sejm dr. Uta Strewe wobžaruje zaměrne ničenje serbskich wólbnych plakatow. Wona pak tež wobkedźbuje, zo so nimo serbskich wosebje plakaty socialdemokratow potorhaja, tak zo dyr­bjachu je we Wjazońcy, Póckowach, Zemicach-Tumicach, Kulowje, Budyšinje a Wojerecach wuměnić.

Lětsa na Młynkec łuce

Veröffentlicht in Krótkopowěsće
Sobudźěłaćerjo Hempelec hatarstwa w Minakale su lětuše wułójenje zahajili. Wołowy hat pola Psowjow bě dźensa rano prěni, hdźež su z wulkim sakom karpy wudźili. Z wunoškom běchu spokojom. Karpy přińdu nětko do basenkow, zo by so jich słód polěpšił. Wot 30. septembra budu předate. Pušćena woda Sprjewje w zwisku ze saněrowanskimi dźěłami na muri Budyskeho spjateho jězora njeje kwaliće wody w hatach tyła. Foto: SN/Maćij Bulank

Veröffentlicht in Hospodarstwo
Donnerstag, 21 September 2017 14:00

Rěčne rumy wutworić

Radwor (SN/MiR). 114 šulerjow 4. lětnika je so wčera dopołdnja w Radworju ze serbskej rěču zaběrało. Mjez nimi běchu 53 šulerjow z tamnišeje zakładneje šule „Dr. Marja Grólmusec“. Dalši běchu z Barta, Bošec, Bukec, Wojerec, Slepoho a Wulkeje Dubrawy, hdźež wuknu serbšćinu jako cuzu rěč. Na Swjedźeń serbskeje rěče přeprosył bě znowa Rěčny centrum WITAJ. Budyska župa „Jan Arnošt Smoler“ projekt, kotryž so mjeztym wospjet w Radworju wotmě­, podpěruje. „Nam je wažne, zo nazhonja runje šulerjo, kotřiž maćernorěčneho pochada njejsu, nowe serbskorěčne rumy“, wuswětli zamołwita za management rěčnych projektow pola RCW Weronika Butendeichowa.

Veröffentlicht in Kubłanje
Donnerstag, 21 September 2017 14:00

Zarjadowanje ze staršimi

Fachowa konferenca 2plus změje nowe wosebite poskitki

Budyšin (SN/MiR). Lětuša druha fachowa konferenca 2plus zahaji so 20. oktobra ze staršiskim wječorkom. Tónle wječork je konkluzija z lońšeho prěnjeho fachoweho­ dnja Sakskeho statneho ministerstwa za kultus, kotrehož partner je Rěčny centrum WITAJ Budyšin. „Z tymle zarjadowanjom zwoprawdźimy nětko dopóznaća z lońšeho prěnjeho fachoweho dnja“, rozłožuje Bosćij Handrik, koordinator za serbske­ naležnosće, z Budyskeho regionalneho zarjada Sakskeje kubłanskeje agentury. Wón bě loni we wobłuku dźěłarničkow nawjedował kruh za staršich. Woni běchu mnohe starosće zwuraznili, mjez druhim tu, kak móža swoje dźěći při wuknjenju serbšćiny lěpje podpěrać. „Při wuhódnoćenju zwěsćichmy, kak wažne je, staršim dać swójski rum k da­lekubłanju a diskusiji. Tak smy lětsa wosebity programowy dypk za nich do koncepta fachoweho dnja 2plus zapřijeli“, Bosćij Handrik wuzběhnje. Na předwječoru fachoweje konferency wěnuje so prof. Oliver Meyer z Mainza temje „Wuznam­­ staršich při dwu- a wjacerěčnym kubłanju“.

Veröffentlicht in Kubłanje
Donnerstag, 21 September 2017 14:00

Za serbsku rěč

Budyšin (SN/at). Z wužiwanjom serbskeje rěče w dźěławosći wokrjesneho zarjadnistwa je so dźěłowy kruh za serbske naležnosće Budyskeho wokrjesa zawče­rawšim znowa zaběrał. Kaž wokrjesna społnomócnjena Regina Krawcowa zdźěli, mějachu čłonojo gremija na zakładźe lońšeho zetkanja jasne prašenja. Nawodnica běrowa krajneho rady Uta Döring rysowaše, kak na přikład na serbskosć w nadpismach na lětakach a hamtskim łopjenu dźiwaja, a zo su ryzy serbskorěčny flajer za wukubłanje kubłarkow/kubłarjow wudali. Za medijowy wobłuk – nowiny, internet – chcedźa ramikowe wobstejnosće w nowinarskim běrowje polěpšić. Wjetšina dwurěčnych popisanjow na zjawnych twarjenjach ma kónc lěta zwoprawdźena być, rozłoži nawoda wobchodniskeho wobłuka 1 krajnoradneho zarjada Udo Wićaz. Wón chce tež dalšich posłužbarjow w zjawnosći k dwurěčnemu popisanju pohnuć.

Regina Krawcowa serbskich wobydlerjow znowa namołwi, „wužiwać prawo serbskorěčneje komunikacije, hač ertneje abo pisomneje, na zjawnych zarjadach serbskeho sydlenskeho ruma“.

Veröffentlicht in Łužica
Donnerstag, 21 September 2017 14:00

Energijowy přewrót bjez zmysła

Wo přichod Němskeje so wón starosći, rjeknje Andreas Lutz Richter. Jako wěcywustojny za wozydła a pruwowanski inženjer znaje wón strachi małych ludźi. Někotremužkuli, kiž pruwowanje za jězbnu dowolnosć njewobsteji abo kotrehož awto hłowne přepytowanje njepřetraje, pobrachuja pjenjezy za druhi pospyt. Tež wo tych dyrbimy so starać, wón praji. 56lětny požada so we wólbnym wokrjesu 156 Budyšin I jako njewotwisny wobydlerski kandidat za mandat w zwjazkowym sejmje. Při tym podpěruja Smělnjana ludźo z domizniskeje wsy, hdźež hižo 23 lět bydli, kaž tež z powołanskeho wobłuka. Za kandidaturu trjebaše 200 podpismow, 203 je dóstał.

Veröffentlicht in Kraj a swět
Donnerstag, 21 September 2017 14:00

Wólby Wićaza płaćiwe byli?

Budyšin (SN/at). Po zwrěšćenym wotwołanju 1. přirjadnika Budyskeho krajneho rady Uda Wićaza (CDU) je předsyda frakcije SPD/Zwjazka 90/Zelenych, Radebergski wyši měšćanosta Gerhard Lemm, hišće na wurjadnym posedźenju wokrjesneho sejmika minjenu póndźelu do prašenja stajił, hač běchu wólby Udo Wićaza do zastojnstwa scyła płaćiwe. Tole chcedźa ći, kotřiž Wićazowu komunikaciju z bywšim mužom NPD wótrje kritizuja, wot krajneje direkcije přepruwować dać. Kaž Lemm rozłoži, bě wokrjesny sejmik Uda Wićaza na posedźenju 14. decembra 2015 za 1. přirjadnika tajnje wu­zwolił. Skóržby wobydlerja dla, zo njebě pře­prošenje na wone posedźenje sejmika w dźělu wokrjesneho teritorija sčasom zjawnje wozjewjene, dyrbjachu wólby wospjetować. Na posedźenju 16. decembra 2016 sta so to w formje prosteho wotewrjeneho wobzamknjenja. Kaž Gerhard Lemm praji, měli tež tu zaso tajnje rozsudźić. Je-li tomu tak, bychu wólby Uda Wićaza njepłaćiwe byli. Tu je nětko posudk krajneje direkcije trěbny.

Veröffentlicht in Łužica
Donnerstag, 21 September 2017 14:00

Wjac přeńdźenjow zličili

Mnichow (dpa/SN). Tak mjenowana financna kontrola ilegalneho dźěła cła je lětsa w prěnim połlěće 2 433 přeń­dźenjow přećiwo minimalnej mzdy registrowała. Tole rozprawja dźensa nowina Süddeutsche Zeitung. Zastupjerjo Zwjazka 90/Zelenych su so pola financneho ministerstwa wobhonili. Loni běchu cłownicy w prěnich šěsć měsacach 1 711 padow registrowali, při čimž bu 19 564 dźěłodawarjow přepruwowanych. Lětsa su cłownicy cyłkownje 27 323 dźěłodawarjow w běhu poł lěta kontrolowali.

Rozsudźa wo Air Berlinje

Berlin (dpa/SN). Hižo dźensa móhł rozsud wo předaću insolwentneho lětanskeho předewzaća Air Berlin na inwestorow padnyć. Tři wěrićelske wuběrki třěšneho koncerna, němskeje towaršnosće zwr a technikoweje sparty chcedźa so po informacijach z kruhow branšy k wuradźowanjam zetkać. Zašły pjatk je so poskićerska faza zakónčiła. Doskónčny rozsud pak budźe přichodnu póndźelu wozjewjeny.

Wot dźensnišeho nałožuja Ceta

Veröffentlicht in Kraj a swět
Do njedźelnych wólbow zwjazkoweho sejma wotmě so w Choćebuzu demonstracija, ke kotrejž bě iniciatiwa „Cottbuser Aufbruch“ namołwjała. Na Berlinskim torhošću a před měšćanskej halu su podpěrarjo wutoru pod hesłom „Nimamy nacijow a prawicarskich populistow zańč“ signal přećiwo rasizmej pokazali. Foto: Michael Helbig

Veröffentlicht in Kraj a swět
Donnerstag, 21 September 2017 14:00

Dramatiske sceny w Mexiku

Mexiko-město (dpa/SN). Po sylnym zemjerženju w Mexiku z wjac hač 220 mortwymi pytaja ludźo zadwělowani za zasypanymi. Wosebje dramatiske su sceny wokoło zakładneje šule w Mexiku-měsće, hdźež su mjez woporami 21 dźěći a štyri dorosćenych. Mjeztym su tam 12lětnu holčku našli, kotraž je zemjerženje přežiwiła. „Zemjerženje je wulke pruwowanje za nas a jara bolostne. Smy nawuknyli, z duchom solidarity wotmołwić“, zwurazni statny prezident Enrique Peña Nieto. Nimo stolicy su tež w zwjazkowymaj krajomaj Morelos a Puebla po­trjechene. W Puebla je so cyrkwinska wěža w běhu křćizny sypnyła. Jědnaće wosobow je tam zahinyło. Cyłkownje něhdźe 700 ludźi je so při zemjerženju zraniło.

Veröffentlicht in Kraj a swět

Serbska debata

Neuheiten LND