Aus der aktuellen Ausgabe vom Freitag, 12 Oktober 2018

Freitag, 12 Oktober 2018 14:00

Krótkopowěsće (12.10.18)

„Kak to jenož praju“ nětko online

Budyšin. Přiručka awtorki Lubiny Hajduk-Veljkovićoweje za šulerjow a do­rostłych „Kak to jenož praju“, kotraž we wudaću Rěčneho centruma WITAJ a Ludoweho nakładnistwa Do­mowina w ćišćanej formje předleži, hodźi so wot­nětka tež w digitalnej formje wužiwać. Informatikar Bernhard Baier je zmóžnił, zo su hesła přiručki we wo­błuku pytanskeje funkcije Soblex přistupne.

Nowa stacija wotewrjena

Kinspork. Sakski sekretar za wobswět dr. Frank Pfeil (CDU) je wčera nowu dźiwiznowu staciju w Kinsporskej holi wotewrěł. Swobodny stat je so wědomje za staciju rozsudźił, a to pod motom: „Přiroda ma přiroda wostać.“ Přirodne procesy hole maja tu w srjedźišću stać a poskitki so dźiwiznje wěnować. Zawod Sakske­ lěsnistwo je za Kinsporsku holu zamołwity. Přirodoškitna kónčina je 6 932 hektarow wulka a tak jedna z najwjetšich po cyłej Němskej.

Bydlenje mnohim Čecham luksus

Veröffentlicht in Krótkopowěsće
Freitag, 12 Oktober 2018 14:00

Łužica trjeba dźěłowe městna

Tysacy demonstrantow sej jasne signale wuhloweje komisije žadali

Běła Woda (AK/SN) Do zawjazowaceho kónca zmilinjenja brunicy trjeba Łužica nowu a mnohostronsku industriju. Wona trjeba jasnu hospodarsku perspektiwu. „Chcemy nowe industrijne dźěłowe městna wutworić, dźěłarnisce organizowane a na tarify wjazane, zo bychu ludźo, kiž tu bydla, přichod měli“, podšmórny sakski ministerski prezident Michael Kretsch­mer (CDU) wčera w Běłej Wodźe. Zhromadnje ze swojim braniborskim kolegu Dietmarom Woidku (SPD) witaše wón tam čłonow zwjazkoweje Komisije za rozrost, strukturnu změnu a dźěło.

Veröffentlicht in Hospodarstwo
Freitag, 12 Oktober 2018 14:00

Čuwy woči- widnje napjate

Marko Wjeńka

Njemóžu so hižo dopomnić, hdy běchu minjene lěta Serbja w jednym a tym samym prašenju tak rozdźělneho nastajenja: Měnju diskusiju wo Serbskim sejmje.

Wězo maja čłonojo iniciatiwneje skupiny dospołnje prawje, hdyž skorža, zo pobrachuja Serbam wučerjo, duchowni a politikarjo. Zo serbska rěčna substanca woteběra, kóždy widźi, kiž z wotewrjenymaj wočomaj po swěće chodźi. Rozsudne prašenje pak za mnje je: Kak chce sejm wšo to změnić? Stajnje zaso słyšana stereotypna wotmołwa „Budźe-li sejm najprjedy raz wuzwoleny, wšitko zrjadujemy“ mje njespokoja. Ničo druheho pak dotal słyšał njejsym. Argumenty sejmikarjow maja mjeztym samo wěsty ideologiski raz: Njetrjebaš to scyła zrozumić, dyrbiš to prosće wěrić.

Veröffentlicht in Rozmyslowane
Freitag, 12 Oktober 2018 14:00

Domowinje anonymnje wotmołwić

Hišće hač do njedźele su čłonojo wšitkich serbskich towarstwow a zwjazkow namołwjeni wupjelnić naprašnik Domowiny. Hač do 9. oktobra bě jón 450 ludźi wupjelniło, kaž z internetneje strony narodneje organizacije Serbow wuchadźa.

Budyšin (SN/MiR). Předsydka lobbyjoweho wuběrka Domowiny Marka Cyžowa je na internetnej stronje www.Domowina.de wozjewiła, zo je „z dotal něhdźe 250 digitalnje dospołnje wupjelnjenych naprašnikow 36 procentow w němskej rěči, 57 hornjoserbsce a sydom delnjoserbsce wotmołwjenych“. Starobne skupiny su po něhdźe połojcy pod a nad 40 lětami, tež podźěl muži a žonow je wu­runany. Wo anonymne wuhódnoćenje stara so Lipšćanska agentura za wične slědźenje dr. Judith Jahn.

Veröffentlicht in Towarstwa

Nuknica (SN/BŠe). Zo ma Łužica wulke ćeže z wjelkami, to wědźa tež za mjezami Němskeje. Tele dny přebywaja tu zastupjerjo ze Zwjazka wowčerjow a ratarskeje komory Delnjeje Awstriskeje, zo bychu so wo połoženju we Łužicy wobhonili. „Chcemy z potrjechenymi na jednej runinje rěčeć“, rjekny Daniel Heindl z delnjoawstriskeje ratarskeje komory. Wčera běchu woni na pastwje w Nuknicy, hdźež je jim wowčer Gerat Šmit zhromadnje z Koslowčanku Gabrielu Lebzynej ćeže z rubježnym zwěrjećom rozłožił. Mjez druhim předstajištaj peticiju, kotruž běchu lětsa w januaru sakskemu knježerstwu přepodali. „Njeńdźe nam jenož wo škit wowcow, kotrež k našej kulturnej krajinje słušeja, ale tež wo wěstotu wobydlerjow. Woni dźě chcedźa so dale bjez wobmyslenjow a stracha po krajinje pohibować móc“, Gabriela Lebzyna wu­zběhny.

Veröffentlicht in Hospodarstwo
Freitag, 12 Oktober 2018 14:00

Kral Mallorcu wopytał

Palma (dpa/SN). Tři dny po zahubnych zliwkach na dowolowej kupje Mallorca je španiski kralowski por katastrofowu kónčinu wopytał. Po tym zo bě sej kral Felipe dźensa rano wojersku paradu składnostnje narodneho swjatka wobhladał, poda so wón w běhu dnja z kralownu Letiziju na kupu Balearow. Při ćežkim njewjedrje ze zapławjenjemi bě wutoru znajmjeńša dwanaće ludźi žiwjenje přisadźiło, mjez nimi třo Němcy.

Barley: Paragraf změnić

Berlin (dpa/SN). Zwjazkowa justicna ministerka Katarina Barley (SPD) na tym wobstawa změnić paragraf 219a, kotryž zakazuje wabjenje za wotehnaća. „Lěkarki a lěkarjo trjebaja nuznje prawnisku wěstotu“, rjekny Barley nowinarjam. Dźe wo wěcowne informacije. Pozadk je dźensa wotměwace so rewizijne jednanje krajneho sudnistwa w Gießenje. Lěkarka Kristine Hänel bě přećiwo pokuće 6 000 eurow skoržiła, kotrež bě jej hamtske sudnistwo „wabjenja za přetorhnjenje samodruhosće“ dla napołožiło.

Třo wobskorženi wuwinowani

Veröffentlicht in Kraj a swět
Wohnjowi wobornicy hašeja wagon spěšnika ICE, kiž je so dźensa rano njedaloko porynsko­-pfalcskeho Montabaura zapalił. Čehodla bě woheń w poslednim dźělu ćaha­ wudyrił, dotal njewědźa. Na zbožo so nichtó z 500 pasažěrow njezrani. Foto: dpa/Sascha Ditscher

Veröffentlicht in Kraj a swět
Freitag, 12 Oktober 2018 14:00

Swobodni wolerjo zhromadnje z CSU?

Mnichow (dpa/SN). Z wulkozarjadowanjemi CSU a SPD so wólbnobojowy čas w Bayerskej nachila. Wobě stronje stej w ćežkim połoženju, dokelž dyrbitej z wulkimi stratami při njedźelnych wólbach­ krajneho sejma ličić. Wječor chcyštaj ministerski prezident Markus Söder a předsyda CSU Horst Seehofer zhromadnje w Mnichowje wustupować. Samsny čas planuje tež SPD z předsydku Andreju Nahles w bayerskej stolicy zarjadowanje. Mjeztym je šef Swobodnych wolerjow Hubert Aiwanger připowědźił, zo móhł sej koaliciju z CSU předstajić, „w nuzy“ zhromadnje z FDP. CSU móže z runje hišće 35 procentami hłosow ličić, Swobodni wolerjo z něhdźe dźesać.

Veröffentlicht in Kraj a swět
Freitag, 12 Oktober 2018 14:00

To a tamne (12.10.18)

Pozdatneho hada dla su w Čěskej kupnicu nachwilnje zawrěli. Na wideju dohladowanskeho systema běchu něhdźe 40 centimetrow dołheho njeznateho reptila wuhladali, na čož kupnicu zawrěchu. Zwěrjo pak njejsu přiwšěm namakali. „Wěstota přistajenych a kupcow je nam najwažniša“, zdźěli rěčnica kupnicy we wuchodočěskim měsće Orlovje. Fachowcy tukaja, zo bě so had w kartonje bananow sobu do kupnicy dóstał.

Plantažu konopje w swojej chěži našoł je muž w saksko-anhaltskim Genthinje, po tym zo njebě tam hižo dlěši čas był. Překwapjeny wobsedźer domu wuhlada 500 rostlin we wjacorych rumnosćach domskeho. Skućićeljo běchu tam wja­core tanki wody a profesionalne wobswětlenje nastajili. Fachowcy krajneho kriminalneho zarjada pad nětko pře­pytuja.

Veröffentlicht in To a tamne
Freitag, 12 Oktober 2018 14:00

Němske awtowe koncerny kritizowane

Berlin (dpa/SN). Po sudniskim wusudźe nastupajo zakazy dieselowych awtow w Berlinje je hospodarska senatorka města Ramona Pop (Zeleni) němske awtomobilowe koncerny raznje kritizowała. „Koncerny su wěc skepsali, dokelž su ludźom awta z manipulowanej techniku předawali“, rjekny wona wčera wječor w sćelaku RBB. Tak měli wone tež konsekwency znjesć. Zarjadniske sudnistwo němskeje stolicy bě wutoru wukazało, dieselowym awtam na znajmjeńša jědnaće sylnje wužiwanych nadróžnych wotrězkach Berlina wot lěta 2019 jězdźenje zakazać. Hłowna přičina je zanjerodźeny powětr. Dieselowe awta pječa najbóle k tomu přinošuja.

Veröffentlicht in Kraj a swět

Serbska debata

Neuheiten LND