Pjatk 14. do 16.12. Adwentne Teschenske wiki we Wojerecach
Sobotu 15. a 16.12. 10:00 Wustajeńca rasoweje pjerizny w Delnjej Hórce
Sobotu 15.12. 9:00 Předań štomikow (jenož Nordmannske jědle) z Budyskeho měšćanskeho lěsa na kromje Wuježka (Wuischke) při pólnym pućiku na Čornobóh
10:00 Zjawne posedźenje Serbskeho sejma na Njebjelčanskim gmejnskim zarjedźe
10:00 Dohodowne paslenje w Čornochołmčanskim Krabatowym młynje
15:00 Klankodźiwadło „Tři worješki za popjelawku“ na Złokomorowskim Nowym jewišću
15:30 Adwentny koncert Złokomorowskeho koncertneho chóra w tamnišej cyrkwi swj. Pětra a Pawoła
16:00 Pišćelowa hudźba k adwentej w Budyskej tachantskej cyrkwi
17:00 Nakupowanje w swětle swěčkow w Złym Komorowje (hač do 21 hodź.)
19:30 Předstajenje hodowneje stawizny po Lukašu w Smochčanskim Domje biskopa Bena
Njedźelu 16.12. 10:00 Pućowanje z rangerom Peterom Ulbrichom kołowokoło hodownych nałožkow; w Stróžanskim Domje tysac hatow
12:00 Nakupowanska njedźela w Budyšinje (do 18 hodź.)
15:00 Adwentne wiki w Nowej Wjesce
16:00 Adwentne wiki w Hórkach
16:00 Adwentny koncert SLA „Zymski čas“ w Slepjanskim Serbskim kulturnym centrumje
njedźelu hornjoserbsce
11:00 Łužica tutón tydźeń
11:10 „Wšitko spěwa do ranja“ – wot póndźele adwentna akcija Serbskeho rozhłosa
11:20 Adwentna pycha w Delanach
11:30 Kapałka w Ralbicach
11:40 Adwentne woknješko
12:00 Katolske nabožne wusyłanje
(farar Gabriš Nawka)
po tym zbožopřeća
delnjoserbsce
12:30 Aktualny magacin, mjez druhim wo Witaj-wučbje
13:00 Warianty serbskich melodijow
13:40 Nabožne wusyłanje
(Bernd Pittkunings)
po tym adwentna stawizna
Adwentny koncert w cyrkwi
Budyšin. Jutře, 15. decembra, wuhotuje chór 1. serbskeje kulturneje brigady w Budyskej Michałskej cyrkwi swój tradicionalny adwentny koncert. Započatk je w 17 hodź. Nawod změje Friedemann Böhme, chórowy přewod Gina Hentsch. Zastup je darmotny, při durjach budźe kolekta.
Přednošuje wo Jakubowym puću
Chrósćicy. Thomas Barth z Dahlena w Lipšćanskim regionje je po Španiskej, Francoskej, ale tež po Němskej putnikował. „Putnikować za pokročenych – na Jakubowym puću 700 km po zapadnej Němskej – 700 km ryzy žiwjenskeje radosće“, rěka jeho přednošk jutře, sobotu, w 19.45 hodź. w Chróšćanskej putniskej hospodźe.
Rědke kokoše wobdźiwać
Delnja Hórka. Jutře su zajimcy wot 9 do 17 hodź. a njedźelu wot 9 do 16 hodź. do Delnjokinjanskeje sportoweje hale na sportnišću při B 156 na wustajeńcu rasoweje pjerizny witani. Wobdźiwać móža tam při wódne ptaki, rědke kokoše a wšelake družiny hołbjow.
Spectaculum njeskomdźić
Sokoł skedźbnja na termin
Zamołwići Serbskeho Sokoła, třěšneho zwjazka serbskich sportowčow a sportowcow, skedźbnjeja na termin přizjewjenja za 37. sokołski wolejbulowy turněr wo pokal Domowiny. Tón budźe klětu 2. měrca w sportowni na Budyskim Třělnišću. Zajimowane cyłki njech hač do 31. decembra startowy pjenjez 20 eurow na konto Serbskeho Sokoła přepokazaja: Wokrjesna lutowarnja Budyšin, IBAN: DE31 8555 0000 1000 0983 77 / pod wužiwanskim zaměrom prošu napisać: mjeno mustwa a zamołwiteho a jeho e-mailowu adresu. Šulerske cyłki žadyn startowy pjenjez płaćić njetrjebaja. Přepokazanje je zdobom přizjewjenje.
Wolejbulowe partije
Wolejbulistki a wolejbulisća z Pančic a Worklec maja jutře štyri partije na hrajnym programje.
15.12. 13:00 JTVG Koblicy –
HZ Pančicy-Worklecy (ž)
15.12. 13:00 1. VV Freiberg –
Motor Mickten (we Worklecach, pokal, hra 1)
15.12. 14:30 Viktoria Worklecy –
přěhračk hry 1 (we Worklecach, pokal, hra 2)
15.12. 16:00 Viktoria Worklecy –
dobyćer hry 1 (we Worklecach, pokal, hra 3)
Kónctydźenska kopańca
Wodorunje: 3 rozmlěte zorno, 5 wulka europska rěka, 6 muske předmjeno (Zátopek), 7 dlěše powědančko, 10 serbske sportowe towarstwo, 13 dźěl narodneje drasty, 14 Sägewerk serbsce, 15 zakład, wuchadźišćo
Padorunje: 1 postrow Sportej ..., 2 hórski lutk w cuzej rěči, 3 podaće k wosobje we wupokazu, 4 stolica Egyptowskeje, 8 prjedawši prezident USA, 9 satelit, 11 domjace skoćo, 12 zelenišćo
„Dobry źeń, witajśo k nam! How se pśizjawi dypkownje dwanaśich Bramborske serbske radijo wot RBB.“ Takle zahaja redakcija delnjoserbskeho rozhłosa swoje wusyłanja. Zaměstnjena je na třećim poschodźe wysokeho domu wosrjedź Choćebuza. Zetkam so z jeje zamołwitej redaktorku, 58lětnej Marion Stenselowej. Wona wjedźe mje přez modernje wuhotowane stwy redakcije a do studija, z kotrehož redakcija swój program w delnjoserbskej rěči wusyła. „Tule stejimy, přistajeni a swobodni redaktorojo, před mikrofonom a live wusyłamy. Za čas dowola to wotydźenja jara husto sama wukonjam, hewak so hłownje na nawod našeho teama koncentruju, na planowanje dźěła redakcije a zestajenje rozhłosoweho programa. Sym za to zamołwita, zo w našej redakciji delnjoserbskeho rozhłosa RBB wšitko bjezporočnje běži.“ A tak so tež wo to stara, zo su programy w dobrej delnjoserbšćinje wo žiwjenju w Delnjej Łužicy informatiwne a aktualne, zabawne a předewšěm rěčnje kubłace.
Rezimej 45. Choćebuskeje hudźbneje nazymy
Lětuša 45. Choćebuska hudźbna nazyma wot 1. oktobra hač do 18. nowembra posrědkowaše ze swojimi zarjadowanjemi w Choćebuzu, Módłej, Žargonju, błótowskich Bórkowach, Ranju, Kalawje a Złym Komorowje profundny přehlad wo tworjenju němskich a serbskich komponistow z regiona. Solisća a ansamble, předewšěm z Łužicy, su nimo twórbow z hudźbnych stawiznow cyłkownje jědnaće kompozicijow jako prapremjeru abo prěni raz (Erstaufführung) předstajili.
Wot 1. januara 2016 Serbski muzej na Młynskej w Choćebuzu přetwarjeja a dospołnje saněruja. Wot toho časa je dom zawrjeny. Alfons Wićaz je so z kuratorku muzeja Martinu Nowakowej rozmołwjał.
Kajki je mjezystaw přetwara a saněrowanja wašeho muzejoweho domu?
M. Nowakowa: Přetwar našeho domu je mjeztym zakónčeny, a wšitke rumnosće su jara porjadnje saněrowane. To bě jara wobšěrne dźěło, tež z našim dworom a z wonkownej fasadu. Po twarskim saněrowanju buchu wšitke rumnosće barbnje nowowuhotowane. Při přetwarje su na to dźiwali, zo so zbrašenym wopyt našeho domu wolóži, zo móža naše wustajeńcy derje wopytać. Tež elektrika je ponowjena. Njezmějemy jenož lěpšu swěcu. Tež mnohe kable su tak składźene, zo zmóžnjeja multimedialnu wustajeńcu.
Rumnosće muzeja błyšća so w čerstwych swětłych barbach, ale su hišće prózdne. Hdy muzej z nowej trajnej wustajeńcu a nowej wosebitej přehladku wotewrějeće?
Jutta Mirtschin swoje twórby w Budyskim Dźiwadle na hrodźe wustajała
Štóž wo rjane serbske knihi rodźi, ma za to wšelake přičiny, a móhło być, zo so jemu lubja ilustracije Jutty Mirtschin. Wosebje rjadej serbskich bajkow, kaž w serbšćinje abo němčinje nakładowanych, je Mirtschin ilustracije přidała. Nochcu wšitke wudaća naličić, jenož někotre, kotrež wo tym swědča, zo sej serbscy nakładnicy rukopis ilustratorki wažić wědźa: Pawoła Nedowy „Mócny knecht“, Handrija Zejlerjowu „Babku pčołku“ abo Gerata Hendrichoweho „Kita husličkarja“. Runje wony Kito husličkar je Němsko-Serbskemu ludowemu dźiwadłu wustajeńcy ilustracijow a mólbow w foyeru Budyskeho Dźiwadła na hrodźe hódny. Na dnju premjery w klankodźiwadle, hdyž so, mjeztym hižo klasikar, „Kito“ znowa na jewišću zjewi, bu přehladka někotrych twórbow Jutty Mirtschin wotewrjena.
K 1979 w Ludowym nakładnistwje Domowina wušłej dźěćacej knize „Kito husličkar“ je Jutta Mirtschin ilustracije zhotowiła, na kotrež nětko jewišćowy wobraz a klanki inscenacije samsneho mjena nawjazuja.