Aus der aktuellen Ausgabe vom Mittwoch, 24 April 2019

Mittwoch, 24 April 2019 14:00

Koncept Budyšana přeswědči

Chcedźa přidatnje serbsku rěč spěchować

Budyšin (SN/MiR). Budyšan Lucian Kaulfürst je wuwił koncept za hudźbny projekt w dźěćacych dnjowych přebywanišćach, kotrež su w nošerstwje Miłočanskeho Křesćansko-socialneho kubłan­skeho skutka (CSB). Na zakładźe swojich idejow chce wón dźěćom předewšěm serbske dźěćace a ludowe spěwy nawučić a zmóžnja jim na zwukowych instrumentach hrać. „Zaměr mojeho koncepta je, hudźbne spěchowanje dźěći w pě­stowarnjach podpěrać. Z terapeutiskeho wida­ chcu jim pokazać, kak móža swoje zajimy přesadźić a hdźe maja na druhich kedźbu dać“, hudźbny terapeut za wo­­­se­bitu pedagogiku, rehabilitaciju a socialne dźěło Lucian Kaulfürst rozłožuje. Wot spočatk apryla je wón kóždu wutoru rano­­ w Budyskej pěstowarni „Jan Radyserb-Wjela“, hdźež z dźěćimi Zmijoweje, Krabatoweje a Pumpotoweje skupiny spěwa, hudźi a hry hraje. Kompletny poskitk­ wotměwa so serbsce. Na to do­jědźe sej do Pančic-Kukowa, hdźež dźěła z dźěćimi tamnišeje Witaj-skupiny.

Veröffentlicht in Kubłanje
Mittwoch, 24 April 2019 14:00

Krótkopowěsće (24.04.19)

Sakska rozmołwa w Kamjencu

Kamjenc. Sakska rozmołwa z ministerskim prezidentom Michaelom Kretsch­merom (CDU) wróći so 29. apryla do Budyskeho wokrjesa. W Kamjenskim Lessingowym gymnaziju nochcedźa so wón a dalši čłonojo kabineta jenož z woby­dlerjemi rozmołwjeć, ale zdobom wotbłyšćować, što je so po prěnim tajkim zarja­dowanju změniło a hdźe je hišće dalša potrjeba jednać.

Woblubowana hrajka za slepych

Mnichow. LEGO skupina a załožba stej zhromadnje ze wšelakimi zwjazkami za sle­pych Braille-pismo na kamuški za hrajkanje přenjesłoj. Wot lěta 2020 móža potrjechene slepe abo mało widźace dźěći kamuški z podpěru wubranych organizacijow bjezpłatnje dóstać. Předwidźane je, 250 wšelakich kamuškow produkować. Zaměr naprawy je, potrjechene dźěći při čitanju spěchować.

Spočatny podhlad njepředleži

Veröffentlicht in Krótkopowěsće
Mittwoch, 24 April 2019 14:00

Jutře znowa warnowanski stawk

Drježdźany/Budyšin/Wojerecy (SN/at). Tarifowe jednanja w sakskim bliskowobchadźe njepostupuja. Přičina to dźěłar­ni­stwu ver.di, so hišće doraznišo za docpěće swójskich žadanjow nastupajo zwyšenje mzdy zasadźeć. Dźěłarnistwo je dźensa za jutře, štwórtk, dalši warnowanski stawk w regionalnym a bliskowobchadźe Sakskeje připowědźiło. Dźěłowy bój budu rano w dwěmaj zahajić. Wón ma 24 hodźin trać. W Hornjej Łužicy su linijowy wobchad předewzaća Regionalbus Hornja Łužica (RBO), Wojerowskeje wobchadneje towaršnosće (VGH) a Wozy­dłownistwoweje towaršnosće krajowy třiróžk Žitawa-Lubij (KVG) potrjechene.

Veröffentlicht in Hospodarstwo
Mittwoch, 24 April 2019 14:00

Hornja Łužica na puću do Europy

Budyšin (SN/mwe). Město Budyšin chce po swojich indiwidualnych móžnosćach požadanje wulkeho wokrjesneho města Žitawa wo titul „Kulturna stolica Europy 2025“ podpěrać. Měšćanscy radźićeljo tomu­ přihłosuja, zo Budyski wyši mě­šćanosta Alexander Ahrens (SPD) ze Žitawskim wyšim měšćanostu Thomasom Zenkerom (Žitawa wjace móže) wotpowědne zrěčenje podpisa. „To je dobry puć za region, smy jako město Budyšin derje poradźowani, so na tym wobdźělić“, Heiner Schleppers (CDU) na njedawnym posedźenju měšćanskeje rady zwurazni.

Město nad Sprjewju widźi w požadanskim procesu a hladajo na lěto europskeho kulturneho města w Hornjej Łužicy šansy towaršnostneho, kulturneho kaž tež turistiskeho wuwića. Tuž chcedźa w Budyšinje konkretne poskitki města za tutón proces zestajeć a wuwiwać. Bjezdwěla budu tež Serbja ze swojim přidźěłom a idejemi wosebje prašani.

Veröffentlicht in Łužica
Mittwoch, 24 April 2019 14:00

Ptači kwas wulka inspiracija był

Paralelnje k lětušemu ptačokwasnemu programej za dźěći je SLA wosebite wubě­dźowanje wupisał. Jutry běchu wuslědki w Budyšinje wustajane.

Budyšin (SN/bn). We wobłuku lětušeho programa za dźěći „Ptačokwasny són“ je jón wuhotowacy Serbski ludowy ansambl wšitkich přihladowarjow přeprosył, so na wosebitym wubědźowanju wobdźělić. Holcy a hólcy móžachu sej jednu scenu z programa wuzwolić a ju jako­ předłohu za wobraz wužiwać. Naj­časćišo jewjachu so na zapodatych mólbach a rysowankach kwasny porik sroki a hawrona, tola tež wosy a samo wjelki běchu po słowach za zjawnostne dźěło SLA zamołwiteho Stefana Cuški dosć derje­­ zastupjene. Dohromady su jednotliwcy kaž tež cyłe rjadownje ansamblej 250 wobrazow sposrědkowali. Wobdźělnicy pochadźeja z cyłeje Łužicy, a z ni­male kóždeho města resp. kóždeje wsy, hdźež je SLA program předstajił, je namjet dóšoł.

Veröffentlicht in Kultura

Budyšin (SN/BŠe). Tele dny, tak fachowcy wěšća, budźe populacija skórnikow zaso aktiwna, wšako wočakujemy tempera­tury hač do 20 stopnjow a wjace nad nulu. Kaž z wobkedźbowanjow wuchadźa, změjemy lětsa wosebje strašnu situaciju skórnika dla. Hižo loni napjate połoženje we łužiskich lěsach njeje so pomjeńšiło, ale skerje miłeje zymy dla so přiwótřiło. „Miliardy skórnikow so po sakskich lěsach dale rozpřestrěja“, warnuje prezident krajneho lěsnistwa Utz Hempfling. Wobsedźerjo lěsow měli tuž z wotpowědnymi naprawami masiwnym lěsnym škodam zadźěwać spytać. Naprawy hodźa so spěchować a sahaja wot předźěłanja wobškodźeneho drjewa přez zasadźenje insekticidow hač k transportej drjewa z lěsa won. Spěchowanske móžnosće płaća za chójny, lariki a šmrěki. Próstwystajerjo móža priwatne wosoby, komuny abo lěsniske zwjazki być. Na prašenja kołowokoło spěchowanja wotmołwjeja lěsnicy wotpowědnych rewěrow.

Veröffentlicht in Hospodarstwo
Mittwoch, 24 April 2019 14:00

Rozdźěle dale wulke

Düsseldorf (dpa/SN). Niwow derjeměća wšelakich kónčin Němskeje je dale jara rozdźělny. W po wšej Němskej najbohatšim wokrjesu Starnberg pola Mnichowa zasłuža kóždy wobydler nimale 35 000 eurow. To je dwójce telko dochodow kaž w poruhrskim Gelsenkirchenje, hdźež maja ludźo přerěznje 16 000 eurow wob lěto k dispoziciji. Wuchodne kraje wostanu tež 30 lět po přewróće daloko za zapadnymi. W Halle nad Solawu na přikład zasłužeja ludźo mjenje hač 18 000 eurow.

Weber přećiwo płunowodej

Waršawa (dpa/SN). Politikar CSU Manfred Weber chcył so w padźe wuzwolenja za šefa Komisije EU za to zasadźić, twar wjele diskutowaneho płunowoda Nord Stream 2 w Baltiskim morju přetorhnyć. Tole je wón pólskej nowinje Polska Times­ přilubił. Wón je přećiwo projektej, dokelž so tak wotwisnosć Europy wot ruskich­ surowiznow dale zwyša, Weber rjekny. Zwjazkowe knježerstwo porno tomu projekt podpěruje. USA pipelinu tohorunja wotpokazuja, dokelž chcyli Europje swój zemski płun předawać.

Rezolucija wosłabjena

Veröffentlicht in Kraj a swět
Sewjerokorejski mócnar Kim Jong-un je sej dźensa na swój prěni statny wopyt Ruskeje do Wladiwostoka dojěł, zo by so tam z ruskim prezidentom Wladimirom Putinom zetkał. Kim bě we wosebitym pancerowanym ćahu na dwórnišćo města přijěł. Tam jeho­ po ruskim wašnju z chlěbom a selu witachu. Rozmołwa z Putinom je jutře planowana. Je to prěnje zetkanje wobeju statneju nawodow scyła. Při tym chcetaj wo wuwiću mjezsobnych poćahow rěčeć. Foto: dpa/Alexander Safronow

Veröffentlicht in Kraj a swět
Mittwoch, 24 April 2019 14:00

To a tamne (24.04.19)

Wjace hač 130 lět staru blešu sekta předewzaća Rotkäppchen su při twarskich dźěłach w Saksko-Anhaltskej našli. Namakanka dóstanje nětko čestne městno w muzeju předewzaća. Je to najstarša tohole razu we wobšěrnej zběrce zawoda. Bleša bě w kapsli, kotruž běchu lěta 1886 při poswjećenju mosta nad rěku Unstrut w Nebra zatwarili. Hladajo na drohotnu namakanku je firma připowědźiła, zo chcyła městu tysac eurow přewostajić.

Veröffentlicht in To a tamne
Mittwoch, 24 April 2019 14:00

Na wiziće w Minsku pobył

Minsk (SN). Budyski krajny rada Michael Harig (CDU) je minjeny tydźeń w Minsku přebywał. Wot lěta 2017 pěstuje Budyski wokrjes styki do stolicy Běłoruskeje. Krajneho radu přewodźał je předewzaćel z Wojerowskeho ruma, lěkar Budyskeje chorownje kaž tež intendant Němsko-serbskeho ludoweho dźiwadła Lutz Hillmann. Nimo rozmołwow ze zastupjerjemi předewzaćow, mjez druhim zawoda Belarus, rozłožichu přitomni zhromadne dźěło nastupajo kulturne temy. Runje tak zaběrachu so z wukubłanjom młodostnych. W tymle nastupanju diskutowachu wo mjezsobnej wuměnje wučomnikow a studentow, kotřiž móhli z přebytka we wukraju nowe nazhonjenja dóstać.­ Z administraciju měšćanskeho zarjadnistwa Minska chce Michael Harig zwiski dale wutwarić.

Veröffentlicht in Kraj a swět

Serbska debata

Neuheiten LND