Přewodźeja olympionikow

Montag, 02. August 2021 geschrieben von:

Tokio (B/SN). Přiběracych padow korony dla poskićeja němskim sportowcam na olympiskich hrach w Tokiju ekumeniske dušepastyrske słužby, zdźěli zamołwity teologa Thomas Weber ewangelskej powěsćerni epd. Nutrnosće wuhotuje wón zhromadnje z olympiskej zamołwitej za dušepastyrstwo Němskeje biskopskeje konferency Elisabeth Keilmann a ze zamołwitym za wobdźělnikow paralym­piskich hrow Christianom Bode. Nimo toho dušepastyrjo olympionikam zmóžnjeja, jich kóždy čas zazwonić abo so přez widejo z nimi skontaktować.

Bjez biskopskeje swjećizny

Kardinal Marx so zamołwił

Montag, 26. Juli 2021 geschrieben von:

Garching an der Alz (B/SN). Wulki njeměr je nastał, dokelž bě jedyn z duchownych Peter H., předchłostany seksualneho znjewužiwanja dźěći a młodostnych dla, we wosadźe Mnichowskeho biskopstwa dale we wobłuku dušepastyrstwa zasadźeny. Kardinal Marx je potrjechenu wosadu wopytał, mjenujo podawk „přeradu na poselstwje Jězusa a zaprajenje institucije, za kotruž wo wodaće prošu.“ Hižo 1986 bu potrjecheny měšnik Peter H. seksualneho znjewužiwanja dla ke chłostanju z pruwowanskim časom zasudźeny. Přiwšěm bě wón dale we wšelakich wosadach zasadźeny. Hakle wot lěta 2010 je suspendowany. Zastupjerjo po­trjecheneje wosady nadźijeja so nětko najručišeho wujasnjenja naležnosće.

Pastoralka w času dowola

Strowota bamža so polěpša

Montag, 19. Juli 2021 geschrieben von:

Rom (B/SN). Tydźeń po operaciji bamž Franciskus wěriwym pokazuje, kak hodźi so ćělne a dušine ćerpjenje znjesć. Tak je so 11. julija samo z 10. poschoda Gemelli-kliniki paćer Jandźelknjeza z wěriwymi modlił. Na kóncu prědowanja dźakowaše so zjawnje za wuběrne dźěło lěkarjow a dalšeho medicinskeho personala. Z cyłeho swěta dochadźeja postrowy a přeća bórzomneho wustrowjenja k swjatemu wótcej do kliniki. Na kóncu wurjadneho posedźenja Stajneje rady biskopskeje konferency minjeny tydźeń w Romje dorozumichu so zastupjerjo z Franciskusom wo dalšim postupowanju a wupřachu jemu bórzomny nawrót do Vatikana.

Njerozprawja jeno wo katolikach

Přihotuja klimowu konferencu

Montag, 12. Juli 2021 geschrieben von:

Vatikan (B/SN). W přihotach na klimowy wjeršk w šotiskim Glasgowje w nowem­brje (COP26) zdźěłuje 40 nabožnych nawodow-specialistow a dźesać wědomostnikow stejišćo za swětowu politiku. Za to ma so 4. oktobra we Vatikanje konferenca pod hesłom „Faith and Science: To­wards­ COP26“ wotměć. Je chětro wěste, zo so bamž na njej wobdźěli, rjekny arcybiskop Paul Gallagher. Nuznosć, rozrisać socialne a wobswětopolitiske prašenja, kotrež je bamž w swojej encyklice „Laudato si“ naćisnył, dźeń a bóle přiběra.

Nowa domizna za wěriwych

Kardinal nětko sudnik

Montag, 05. Juli 2021 geschrieben von:

Vatikan (B/SN). Něhdyšeho prefekta ­kongregacije wěry, kardinala Gerharda Ludwiga Müllera, je bamž Franciskus 21. junija na pjeć lět za sudnika na Najwyšim cyrkwinskim sudnistwje Japo­štołskeje signatury powołał. Potrjecheny ma rozsud bamža za znamjo dowěry. Kardinal Müller bě dotal profesor ­za dogmatiku na Mnichowskej uniwersiće a njeje w cyrkwinskim prawje wukubłany. K nadawkam japoštołskeje signatury słuša rozsudy druheho najwyšeho cyrkwinskeho sudnistwa w Romje přepruwować. Mjez bamžom Franciskusom a kardinalom Müllerom je w zašłosći k rozestajenjam wo moralnoteologiskich prašenjach dóšło. Tež nadawki ku­rije­ nastupajo staj wonaj rozdźělneho měnjenja.

Rozmysluje wo wotstupje

Maja sobu rozsudźeć směć

Montag, 28. Juni 2021 geschrieben von:

Mainz (B/SN). Biskop diecezy Mainz Peter­ Kohlgraf chce so přichodnje sobu za to zasadźeć, zo smědźa žónske při zakładnych rozsudach na wšěch runinach biskopstwa sobu rěčeć a mužam runo­stajeni być. Na digitalnej konferency je wón z 260 žónskich dwanaće do wose­biteje skupiny wuzwolił. Komisija je na dwě lěće wuzwolena. Biskop Kohlgraf na zhro­madźiznje wu­zběhny: „Njeru­no­stajenje žonow je cyłotowaršnostny problem. Myslu sej, zo mamy šansu, we wosebitych wobłukach stać so z doprěd­karjemi w Němskej a na cyłym swěće.“ Dušepastyrski decernent z Mainza Hans Jürgen Dörr zwurazni, zo „trjeba cyrkej na kóždy pad zhladowanje žonow na wšelke zjawy a jich zamołwity angažement na wšěch runinach.“

Namrěwcy Bycanca

Próstwu Marxa wotpokazał

Montag, 21. Juni 2021 geschrieben von:

Bamberg (B/SN). Bamž Franciskus je próstwu­ němskeho kardinala Reinharda Marxa wo wuwjazanje ze zastojnstwa wotpokazał. Swój rozsud wopodstatni tak, zo „ma kóždy swoje nadawki tak derje­ kaž móžno na swojim městnje spjelnić“. Bamž žada­ sej wosebje wobdźěłanje a wujasnjenje padow seksualneho znjewužiwanja. „Wo­pory maja w srjedźišću stać, nic institucija“, praji Bambergski arcybiskop Ludwig Schick. „Wotpoka­zanje próstwy sym wočakował.“ Biskop Schick znapřećiwja formu­laciji arcy­biskopa Marxa w lisće bamžej Franciskusej, zo je cyrkej „na wěstym mortwym dypku“. Zakitujo so Marx měni, zo „njebě to žana kritika, ale skerje namołwa, trěbny­ wukřik. W posłušnosći akceptuju rozsud, kaž sym to bamžej slubił.“

Vatikan a pjenjezy

Bamž poraženy njeskutkow dla

Montag, 14. Juni 2021 geschrieben von:

Vatikan/Ottawa (B/SN). Bamža Franciskusa namakanje powostankow 215 ćěłow­ indigenych dźěći w kanadiskim lěhwje překubłanja jara boli. To praji wón 6. junija we wobłuku připołdnišeho modlenja Jandźelknjeza na Pětrowym naměsće w Romje. Statne a cyrkwinske zarjadnistwa wusko hromadźe dźěłaja, zo bychu pozadki njeskutkow wujasnili. „Tónle pad je chutne warnowanje wšěm, so kóž­dehožkuli kolonialneho zadźer­ženja wzdać“, swjaty wótc wuzběhny. Wón je namołwjeny, za njeskutki w domach a internatach katolskeje cyrkwje so oficialnje zamołwić.

Diplomatiska kriza

Wo trajny měr so modlili

Montag, 07. Juni 2021 geschrieben von:

Drježdźany (B/SN). Židźa, křesćenjo a muslimojo su so minjeny měsac w Drježdźanach k zhromadnej modlitwje wo měr w Jerusalemje zetkali. Bě to znamjo dorozumjenja a měrliweho zhromadneho žiwjenja. „Stejimy za demokratiske zakładne hódnoty a za lubosć k blišemu“, podšmórny rabiner Akiva­ Weingarten. Na mjezynabožinskej modlitwje wobdźělichu so dale ewan­gelskaj superintendentaj Alfred Nollau a Christian Behr kaž tež katolski farar Norbert Büchner, wšitcy z Drježdźan. Přitom­ny bě tohorunja kantor židow­skeje wosady Zhorjelc, Alex Jacobowitz. Muslimsku stronu zastupowaše Saad Elga­zar, Drježdźanski imam.

Na rozbuchnjenje dopominali

Hólči seminar wućehnje

Montag, 31. Mai 2021 geschrieben von:

Vatikan (B/SN). Na lěta 1956 załoženym „Preseminario Pio X.“, jeničkemu kubłanišću z internatom we Vatikanje ze statnje připóznatym šulskim wotzamknjenjom, přihotuja so hólcy tež jako ministranća na bohosłužby w Pětrowej cyrkwi, hdźež k wołtarjej słuža. Dotal bydli něhdźe 30 hólcow we Vatikanje. W sudniskim procesu pak přepruwuja nětko seksualne znjewužiwanje, šikany a zanjechanja dohladowarskeje słužby w lětach 2006 do 2012 přez wyšich ministran­tow a pozdźišich měšnikow. Něhdyšemu 71lětnemu rektorej zarjadnišća wumjetuja, zo je skućićelow krył. Bamž Franciskus so kategorisce za přećah internata zwonka Vatikanskich murjow do města Roma zasadźa, zo bychu přichodni chowancy we wjetšej transparency žiwi byli. Najpozdźišo w septembrje ma seminar přeměstnjeny być.

Židow lěpje škitać

Serbska debata

Neuheiten LND