Wo struchłym času přeněmčenja w Rownom so rozmołwjeli
Rowno. Domowinska skupina w Rownom bě sej minjenu sobotu prawje luby wopyt na Njepilic statok přeprosyła – dr. Ruth Mroskowu, Trjebinjanku, kotraž nětko w Budyšinje bydli. Chcyše nam jara wjele wo swojim dźěćatstwje a wo situaciji burow w swojej holanskej wsy po wójnje a wo załoženju prodrustwa powědać. Wona je wo tym hižo w Rozhledźe publikowała, ale bu tola hinak. Cyłkownje 18 wosobow słuchaše wuwjedźenjam, při kofeju, tykancu a z wjele lubosću pokładźenymi Njepilic pomazkami. Sprěnja, dokelž je jich jara mało, kotřiž w Slepjanskej kónčinje Rozhlad čitaja – móžeš jich na rukomaj wotličić. A zdruha je lěpje, to słyšeć, wot wosoby, kotraž je to sama dožiwiła.
Pomocny paket rozdźělić
Washington (dpa/SN). Hladajo na pjenježnu pomoc USA za Ukrainu so po měsacy trajacej blokadźe w parlamenće kraja wočiwidnje něšto hiba. Předsyda Domu reprezentantow Mike Johnson zdźěli, zo přihotuje wothłosowanje wo wupłaćenju pomocnych srědkow. Při tym pak njepóńdźe wo 60 miliardow dolarow za Ukrainu a 14 miliardow za Israel. Johnson město toho planuje, pomocny paket do wjacorych wotrězkow dźělić.
Nadpad terorowy akt był
Sydney (dpa/SN). Nadpad na duchownych křesćanskeje wosady w Sydneyju za čas Božeje słužby su zamołwići jako terorowy akt zastopnjowali. Motiw pozdatneho něhdźe 16lětneho skućićela leži wočiwidnje we wobłuku „nabožnje motiwowaneho ekstremizma“, rjekny Karen Webb, nawodnica policije awstralskeho zwjazkoweho stata New South Wales. K zranjenym słušataj biskop asyriskeje wosady a dalši duchowny. Wobaj staj dźakowano hnydomnej operaciji přežiwiłoj.
Pieper zastojnstwo njenastupi
Spominali su dźensa 25lětnu róčnicu noweho serbskeho zakonja, ...
Faeser azyla dla w Rumunskej
Zelenskyj za samsny škit kaž Israel
Kijew (dpa/SN). Ukrainski prezident Wolodymyr Zelenskyj žada sej po zasahnjenju zapada na dobro Israela samsny škit za swój kraj. Israel, USA, Wulka Britaniska, Francoska a Jordaniska su přećiwo iranskim nadpadam z raketami a trutami w nocy na njedźelu zhromadnje jednali, a to z „maksimalnym wuspěchom“, rjekny Zelenskyj wčera wječor w swojim wšědnym widejowym poselstwje. „Wšón swět móžeše widźeć, kak skutkowny tajki škit přećiwo terorej je, hdyž je dosahowaca politiska wola zakład zhromadnosće.“
Iran bě Israel z 300 raketami a trutami nadpadnył. Israel móžeše nimale wšitke objekty w powětře wottřělić.
Teheran bě při swojim nadpadźe tež bojowe truty typa Shahed zasadźił, kotrež tež ruske wójsko w Ukrainje nałožuje. „Shahedy na njebju nad Ukrainu klinča runje tak kaž w Bliskim wuchodźe. Wone tam runje tak rozbuchnu, hdyž je do toho njewottřělimy.“ Ze zakitowanjom Israela je swobodny swět pokazał, zo njeje jednota krajow jenož móžna, „ale zo tež stoprocentowsce skutkuje“.
China za dobre styki k Němskej
Zwjazkowy kancler Olaf Scholz pola chinskeho statneho šefa w Pekingu
Peking (dpa/SN). Chinski statny prezident Xi Jinping je zwjazkoweho kanclera Olafa Scholza (SPD) na rozmołwu přijał. W domje, w kotrymž statnych hosći witaja, potwjerdźi chinski statny a knježerstwowy šef trěbnosć wuskeho zhromadneho dźěła wobeju krajow. „Zhromadnje móžemy swětej wjace stability a wěstoty spožčić“, rjekny Xi po oficialnym přełožku. „Dołhož dodźeržimy zasady mjezsobneho respekta, pytanja za zhromadnosćemi najebać diferency a mjezsobneho wuknjenja, móža so bilateralne poćahi stabilnje wuwiwać.“ Xi měnješe, zo je so „nowa doba turbulencow a změnow“ zahajiła, w kotrejž strachi za čłowjestwo přiběraja. „Zo bychmy tute prašnje rozrisali, je trjeba, zo so mjez wulkomocami swěta kooperacija přesadźi. W tutym zmysle je zhromadne dźěło wulkeho ludoweho hospodarstwow Chiny a Němskeje wažne. Tole „njezměje jenož na euraziskim kontinenće, ale po wšěm swěće swoje wuskutki“.
Porjedźenka
To a tamne (16.04.24)
Njewšědneho hrajerja – z kožuchom a štyrjomi nohami – pytaja w dźiwadle w badensko-württembergskim Ulmje. Za operu „Lessons in Love and Violence“ ma pos na jewišću stać, dwójce 15 mjeńšin w kóždym předstajenju. Činić ničo njetrjeba. Jeho nadawk je, měrnje pódla spěwarki stać. Dźesać předstajenjow w juniju a juliju tuchwilu planuja. Při prěnim castingu su třo wobsedźerjo swojeho psa předstajili, intendantej, sopranistce a zastupjerjej weterinarneho zarjada, kiž ma wustupej psa přizwolić. Kriterije zarjada su krute: Psyk ma dorosćeny, strowy a sebjewědomy być. Dźiwadłowy stres za jewišćom njeměł jeho mylić.
„Swědomje a zamołwitosć“
Bywši zwjazkowy prezident Joachim Gauck minjeny pjatk w Budyšinje
Budyšin (SN/bn). „Strach njeměli ignorować. Přiwšěm njeměł nam ze směrnicu być. Stworićel je nam mjenujcy dalšej daraj darił: swědomje a zamołwitosć.“ Z tymle słowami zakónči bywši zwjazkowy prezident Joachim Gauck minjeny pjatk 15. Budysku narěč w po dwěmaj třećinomaj wobsadźenej cyrkwi swj. Pětra, wotmołwiwši na prašenje z publikuma, „hač buchu woprawdźe wšitke móžnosće wučerpane, dalšej wojerskej eskalaciji w Ukrainje zadźěwać“.
Studenća w ekumenje
Jerusalem (B/SN) Hižo 50 lět su katolscy a ewangelscy studenća teologije hromadźe w Swjatym kraju žiwi. Z ekumeniskej Božej słužbu su 50lětnu tradiciju wukubłanja w Jerusalemje na horje Cion woswjećili. K zahajenju swjatočnosćow zetka so 1 200 nětčišich a něhdyšich studentow w cyrkwi abtownje Dormitio.
Přisłušnicy koptow
Düsseldorf (B/SN). Koptisko-ortodoksna cyrkej Aleksandrije je staroorientaliska cyrkej Egyptowskeje. Hač do jědnaće milionow ludźi so k njej wuznawa. Wot lěta 2012 je hłowa cyrkwje bamž Tawadros II. Załožena na podaća japoštoła Marka w lětach 50 do 60 po Chrystusu słuša wona k najstaršim křesćanskim cyrkwjam. Po koncilu w Chalzedonje w lěće 451 běštej so koptiska a křesćanska cyrkej dźěliłoj. W Němskej stej dwaj koptiskej klóštraj, a koptiskej cyrkwi přisłuša 20 000 wěriwych.
Za bratrowstwo a dojednanje
