Tysacy w Čěskej za njewotwisnu justicu na dróze

Dienstag, 30. April 2019
Artikel bewerten
(0 Stimmen)

Praha (dpa/SN). Tysacy ludźi su w Čěskej přećiwo ministerskemu prezidentej Andrejej Babišej a za njewotwisnu justicu demonstrowali. Woni ćehnjechu wčera wječor po nutřkownym měsće Prahi a žadachu sej njewotwisne přepytowanja přećiwo politikarjej populistiskeje strony ANO. Při tym wołachu hesła kaž „Njejsmy slepi“ abo „Je dosć“. Zarjadowanja tutoho razu běchu tež w sto dalšich městach a gmejnach připowědźene.

Nastork protestow bě za dźensa planowane powołanje noweje justicneje ministerki. Socialdemokratka Marie Benešová je znata jako wuska dowěrnica prezidenta Miloša Zemana. Pikantne na tutej naležnosći je, zo ma statne rěčnistwo tuchwilu pruwować, hač knježerstwoweho šefa Babiša pozdatneho subwenciskeho jebanja dla wobskorži. W tym padźe jedna so wo 1,6 milionow eurow z fondsa Europskeje unije za wellnessowy objekt Babiša njedaloko Prahi.

Veröffentlicht in Słowjanski wukraj
Bitte anmelden, um einen Kommentar zu posten

Serbska debata

Neuheiten LND