„Mamoj samsne korjenje a zaměry“

Freitag, 17. November 2017
Artikel bewerten
(0 Stimmen)
Benedikt Dyrlich a Mićo Cvijetić před wukładnym woknom nakładnistwa „Srpska književna zadruga“ srjedź septembra w Běłohrodźe.  Foto: Monika Dyrlichowa Benedikt Dyrlich a Mićo Cvijetić před wukładnym woknom nakładnistwa „Srpska književna zadruga“ srjedź septembra w Běłohrodźe. Foto: Monika Dyrlichowa

Serbsko-serbiske zetkanja z basnikom Mićom Cvijetićom:

Z dr. Mićom Cvijetićom, 1946 rodźenym basnikom a nowinarjom z Běłohroda, sym so w minjenych lětach wospjet zetkał, štož ma najwšelakoriše přičiny. Wosebje naju serbiska a serbska poezija wjaza, a to nic jenož z wuznaćom, zo so kóždy z naju prócuje tworjenje druheho­ zeznawać, so z nim rozestajeć. Smój wo tym přeswědčenaj, zo je trjeba wo serbiskej literaturje w Serbach a Němskej informować a ju rozšěrjeć. Je trjeba, zo Južni Serbja wo literaturje swojich sotrow a bratrow z Łužicy zhonja.

Dale sym sej ze serbiskim kolegu a přećelom wědomy, zo so z pomocu bjezposrědnich literarnych a wuměłskich stykow njehodźi jenož ignoranca mjez ludźimi a ludami přetworić do wćipnosće a zajima za blišich a dalšich susodow. Ně, kulturna wuměna zaruča wotkryće najwšelakorišich duchownych „resursow“, móže budźić kritiske a tworićelske mocy kaž tež wobšěrniše a pohłubšene zhladowanja na tradicije.

Veröffentlicht in Kultura & wuměłstwo
Bitte anmelden, um einen Kommentar zu posten

Serbska debata

Neuheiten LND