Wokrjesna lutowarnja zhladuje na dobre hospodarske lěto

Budyšin (SN/BŠe). Wokrjesna lutowarnja Budyšin ma wobstajnje nowe wužadanja zmištrować. Nimale dźesać lět hižo traje doba niskich danjow. Za klientow čujomny bě nowy datowy škit. „Zo je so wuslědk danjow pjenježneje politiki Europskeje centralneje banki pomjeńšił, smy wočakowali. Tohodla smy ze zawodnym wuslědkom 4,3 milionow eurow spokojom“, zdźěli nawoda předsydstwa Budyskeje wokrjesneje lutowarnje Dirk Albers. Hladajo na ćežke wiki je so pjenježnemu institutej poradźiło filialnu syć wobchować, štož sej klienća jara wažna. Mjeztym maja wšitke filiale moderne wuhotowanje z internetnym přistupom WLANom.