Fachowy dźeń 2plus srjedu w Slepom

Montag, 14. August 2023 geschrieben von:

Lětuši, mjeztym 6. fachowy dźeń 2plus, zaběra so z temu „Naše šule a jich najlěpše ideje“. Schadźowanje wotměje so zajutřišim, srjedu, prěni króć w přihotowanskim tydźenju na nowe šulske lěto. Městnosć zarjadowanja njeje „Jednota“ w Chrósćicach, ale Němsko-Serbski šulski kompleks w Slepom.

Hódna zaběra z přirodu w šuli

Mittwoch, 09. August 2023 geschrieben von:

Pančicy-Kukow/Chrósćicy (SN/MiR). Zaběra w přirodźe je jedna stronka wuk­njenja na zakładnymaj šulomaj w Chrósćicach „Jurij Chěžka“ a w Pančicach­Kukowje na „Šuli Ćišinskeho“. Druhi bok je, zo so jej šulerjo sami ze wšěmi swo­jimi zmysłami bliža.

Lěćny projekt z perspektiwu

Dienstag, 08. August 2023 geschrieben von:

Miłoćicy (SN/MiR). Słódna wóń droždźoweho ćěsta ćehnje z Miłočanskeje skały přez bliski lěs. Pod třěchu zetkanišća je słyšeć čiła bjesada. Maritta Milbradt-Lange dawa krótke pokazki, kak maja tam běłu maćiznu walkowace dźěći dźěry, kotrež při ćahanju ćěsta na blachu nastawaja, wuhładkować. „To pak je wotpohlad. Chcemy dźěći k tomu pohnuwać rěčeć a mjezsobne styki nawjazać“, rozjasnjuje předsyda towarstwa Kamjenjak Hubert Lange, kiž bě ideju za mjezy překročacy projekt lěćneho campa ze zetkanjom čěskich, němskich a serbskich dźěći zrodźił. Z podpěru towarstwa Valtenbergwichtel z Wjazońcy, kotrež je tydźenski poskitk financielnje spěchował, je so wuměna poradźiła.

So z nawodnicu rozžohnowali

Dienstag, 08. August 2023 geschrieben von:
Choćebuz (SN). Spočatk lěća su so sobudźěłaćerjo Dźěłanišća za serbske kubłanske wuwiwanje w Choćebuzu (ABC) zetkali, zo bychu so ze swojej něhdyšej nawodnicu dr. Christianu Piniekowej rozžohnowali. Tak su w Błótach zhromadne čołmikowanje a serbski kulturny program dožiwili. Šulerjej Delnjoserbskeho gymnazija Choćebuz staj serbske powěsće předstajiłoj. Na dalšim zetkanju su aktualne problemy wučby serbšćiny rozjimali, wo móžnych polěpšenjach diskutowali a ideje wo tym, nowe wučbne srědki zestajić, diskutowali. Projektowi sobudźěłaćerjo přeja sej za wuknjacych nowe serbske spěwy a tež wideja, w kotrychž so serbsce rěči. Zdobom ABC zdźěli, zo móža so wuknjacy na dalše digi­talne wučbne srědki wjeselić. Tajki wuwučowanski a wuknjenski material pak so jenož młodostnym njespodoba. Na to pokazuje angažement sobudźěłaćerjow, kotřiž pola ABCja na wotpowědnych ­produktach dźěłaja, kotrež su někotři ­na zetkanju předstajili, kaž nastawacu wučbnicu „Po dróze“. Nawodnica ABCja dr. Emilia Anna Nimcowa je teamej kotryž wučbnicu nadźěła, gratulowała.

„Šule pandemiju njećěrja“

Donnerstag, 03. August 2023 geschrieben von:

Drježdźany (SN/MG). Je tomu hižo něšto wjace hač tři lěta, zo započinachu slědźerjo Drježdźanskeje uniwersitneje kliniki šulerkam a šulerjam kaž tež wučerkam a wučerjam na Serbskim gymnaziju w Budyšinje krej wotewzać. Přičina wzda so wobdźělnikam studije tehdy chětro spodźiwna: Wuslědźić chcyše team ­wokoło prof. dr. Bernera a dr. Armanna mjenujcy, w kotrej měrje wuskutkuja so šule na wuwiće pandemije.

Nětko su prěnje wuslědki wozjewili a tute wopodstatnja měnjenje wšelakorych fachowcow: Šule njeběchu we wosebitej měrje ćěrjak pandemije. Nawopak, wone zarjaduja so do cyle „normalneho“ wuwića ličbow a padow, kaž tež do incidentnych kwotow. Hižo w lěću 2022 ­wozjewi studijny team na internetnej stronje Ärzteblatt.de prěnje wuslědki a hižo tam bě tendenca wuslědźenjow wotwidźomna.

Što pak nam nětko pomha, zo je so na 13 šulach mjez 10 a 50 procentami šulerstwa a wučerstwa w ramiku studije na imunizaciju přepytować dało? Na to namakaja slědźerjo cyle jednoru wotmołwu: „Wuslědźić chcychmy, kotru rólu hraja dźěći a młodostni w šulach za wuwiće pandemije“, pisaja w zakónčacym dossieru.

Dźěćaca knihownja a kniharnja k čitanju wabitej

Donnerstag, 03. August 2023 geschrieben von:
Budyšin (SN/HaJ). „Njedaj wostudźe w lěćnych prózdninach žanu šansu a přizjew so za knižne lěćo!“ – wabi sakski Krajny zwjazk bibliotekow staršich dźěći na swojej internetnej stronje do čitanja. „Sakske knižne lěćo“ je za wšitkich młodostnych mjez jědnaće a šěsnaće lětami darmotne. Wšojedne hač fantasy, lubosćinske powědančka, wěcne knihi abo napjate romany – tu je za kóždeho něšto pódla. Za kóždu čitanu knihu syda kołk do wosobinskeje přizjewjenskeje knihi. Ručež je čitar swoju třeću knihu dočitał, dóstanje kónc knižneho lěća wosebity certifikat. Nimo čitarjow so tež knihi mytuja. Kołk do wosobinskeje přizjewjenskeje knihi móža dźěći tež za serbske knihi dóstać. Za čitarjow w starobje třinaće lět je Ivony Březinoveje kniha „Bjez čriji“ cyle horcy prózdninski tip. Tež Lubina Hajduk-Veljković poskići ze stawiznu „Chaos w konjencu“ dobru literarisku zabawu za prózdninskeho čitarja. Kniha „Dźiwadło njewidźomnych dźěći“ awtora Marcina Szczygielskeho přeprošuje jědnaćelětnych čitarjow na čitanski dyrdomdej.

Budyšin (SN/MiR). Dwanaće wobdźělnikow je so minjeny tydźeń w Budyskej digitalnej manufakturje „Dźěłań dźeń“ na Sukelnskej z temu rozestajiło, kotraž towaršnosć dźeń a bóle zaběra. Tam su přewjedli zakładny kurs robotiki. Poskitk je wobłuki kaž elektroniku a programěrowanje, sensory, motory a dalokoposłužowanje kaž tež informacije wo kumštnej inteligency wopřijał. Dźěłarnička słužeše dale k tomu so w CAD-rysowanju wupruwować kaž tež z 3D-ćišćom a rězanjom dźělow z pomocu lazer zaběrać.

48 idejow za rěč

Freitag, 28. Juli 2023 geschrieben von:

Budyšin (SN/mb). Na druhim wubědźowanju idejow pod hesłom „Rěč zwjazuje. Rěc zwězujo. Sorbisch verbindet“ Załožby za serbski lud je so 48 projektow wobdźěliło. Jury budźe so 13. požnjenca schadźować. Hač čłonojo gremija samsny dźeń dospołnje rozsudźa abo hakle na druhim terminje, je hišće wotewrjene. Jury přisłušeja Syman Blum, Bjarnat Cyž, Jěwa-Marja Čornakec, Robert Engel, Lawrencija Hawšec, Uta Henšelowa, Manfred Hermaš, Stephan Hornak, Šarlota Kušcyc, Ole Schmalfuß, Angela Šurmanowa a Leńka Thomasowa.

Kriterije za pohódnoćenje su na přikład kreatiwita, inowacija, synergije a wudźeržliwosć (Nachhaltigkeit). Cyłkownje mytuja 17 idejow: šěsć króć z 1 000 eurami, štyri króć z 3 500 eurami, štyri króć z 5 000 eurami a trójce z 10 000 eurami. Mjez namjetami, kotrež su ludźo zapodali, namakaš wšelakore projekty, kotrež so z narodnej drastu, serbskimi stawiznami a bajemi zaběraja. Dalše wěnuja so tworjacemu wuměłstwu, dźiwadłu, hudźbje a medijam, tež w digitalnej formje. Wuwiće serbskich hrow a widźomniša serbšćina w zjawnosći stej dalšej temje nimo namjetow za wuwiwanje wšelakich koncepcijow.

Z nowej nawodnicu w Jaworje přebywali

Donnerstag, 13. Juli 2023 geschrieben von:

Miłoćicy (SN/MiR). Hortowe dźěći z Malešanskeho dźěćaceho dnjoweho přebywanišća „K wódnemu mužej“, kotrež je w nošerstwje Serbskeho šulskeho towarstwa, wočakuje kóžde lěto wosebity wulět. Prěni prózdninski tydźeń podadźa so woni z nawodnicu kubłanišća a kubłarku na třidnjowski přebytk do Jawory. Samozrozumliwe je, zo kubłarjo, kotřiž dźěći, kotrež su němskeho pochada, přewodźeja, z nimi serbsce rěča.

Direktorka Serbskeje zakładneje „Šule Ćišinskeho“ w Pančicach-Kukowje, Jadwiga Čižankowa (naprawo), je so dźensa ze swojim zastojnstwom rozžohnowała. Wučerki a wučerjo dźakowachu so jej za jeje směrodajne a spomóžne skutkowanje a rjeknychu jej „božemje“. ­Šulerki a šulerjo kubłanišća su swoju wučerku posledni šulski dźeń wosebje překwapili. Nětko, z wuswědčenjom swojich wukonow w rukach, pak wjesela so woni na rjane lěćne prózdniny. Foto: Feliks Haza

Serbska debata

Neuheiten LND