Nowy přednošk wo měsće

Montag, 15. November 2021 geschrieben von:

Biskopicy. Hižo před dźesać lětami bě Biskopičan Gerald Svarovsky wulku ličbu ludźi ze swětłowobrazowym přednoškom wo wuwiću města zahorił. Při tym je wobrazam z časa přewróta 1990 aktualne wobrazy napřećo stajił. Nětko je wón nowy přednošk z dalšimi 150 dotal njewozjewjenymi napohladami města zhotowił, a pokaza jón jutře, wutoru, w 19.30 hodź. w „Hotelu Evabrunn“ na Biskopičanskim torhošću. Zastup je darmotny, prosy pak so wo dar za nowe štomiki šule w Goldbachu. Za wopyt zarjadowanja płaći prawidło 2G. Jutře budźe tohorunja móžno chroniku města, kotraž w druhim nakładźe nastanje, kaž tež wobrazowy zwjazk z fotami prezentacije a wjele informacijemi skazać.

Kónc tydźenja za single

Na jubilejny koncert

Freitag, 12. November 2021 geschrieben von:

Šunow. Serbski muski chór Delany přeproša njedźelu, 14. nowembra, w 16 hodź. na koncert składnostnje 50. róčnicy wob­staća cyłka do Šunowskeje Fabrikskeje hospody. Wot 15 hodź. poskića korč­mar Tomaš Wowčerk kofej a tykanc. Zastupne lisćiki dóstanu zajimcy w předpředani za šěsć eurow pola Daniela Wjesele w Ral­bicach. Při koncertnej kasy płaća wone dźewjeć eurow, za dźěći jedyn euro. Za koncert płaći aktualne koronowe postajenje 2G. Tak maja jeničce šćěpjeni a wustrowjeni přistup. Organizatorojo nadźijeja so bohateho wobdźělenja.

Dźěćacy casting

Židowska hudźba zaklinči

Donnerstag, 11. November 2021 geschrieben von:

Poršicy. Jónkrótny koncert židowskeje hudźby dožiwja zajimcy jutře w 19 hodź. w Poršiskej cyrkwi. Jón wuhotuja čłonojo Berlinskeho klezmeroweho ansambla Lebedik hromadźe z dalšimi hudźbnikami. Zaklinča tysac lět stare hebrejske spěwy, jiddiske twórby ze 16. lětstotka kaž tež pěsnje a reje z prěnich lět zašłeho lětstotka. Zastup je darmotny, zarjadowarjo pak proša wo pjenježne dary.

Wotewru wustajeńcu

Delni Wujězd. „Serbske žiwjenje w Delnim Wujězdźe a wokolinje“ je hesło wustajeńcy, kotruž wotewru jutře, pjatk, w 16 hodź. w Delnjowujězdźanskej radnicy. Přehladku přihotowali su čłonojo wobydlerskeje iniciatiwy hromadźe z 19. februara 2021 załoženym serbskim towarstwom Zahrodka. Pomhał je kulturny wědomostnik Julian Nyča. Wustajeńca je dalši krok, sej dwurěčne korjenje ­regiona wuwědomić. Za zarjadowanje płaći prawidło 3G.

Forum wo přichodźe ratarstwa

Dienstag, 09. November 2021 geschrieben von:
Smochćicy. Ratarstwo mjez wulkimi wočako­wanjemi a subwencijemi steji w srjedźišću foruma, kotryž wotměje so póndźelu, 15. nowembra, w 19.30 hodź. w Smochčanskim kubłanišću swj. Bena. Referent budźe ratar a statny sekretar w sakskim ratarskim ministerstwje Hermann Kroll-Schlüter. Wón porěči mjez druhim wo tym, zo maja ratarjo z agrarnej reformu Europskeje unije wulke změny wočakować. Woni budu dyrbjeć wužadanja biodiwersity runje tak zmištrować kaž stupace produkciske kóšty. Forum ma k tomu přinošować, tele wuža­danja jako šansu zrozumić. Pře­prošeni su ratarjo, wikowarjo, přetrjebarjo a dalši zajimcy. Zastup je darmotny. ­Dalše na­drobnosće zhonja zajimcy internetnje pod . Za wopyt zarjadowanja płaći prawidło 3G (šćěpjeni, wuhojeni abo aktualnje testowani).

Měrowa pedagogowka čita

Montag, 08. November 2021 geschrieben von:

Budyšin. Mjeztym hižo 65. literarna kofejownja wotměje so srjedu, 10. nowembra, w 19.30 hodź. w Budyskim Dźiwadle na hrodźe. Z hosćom budźe palestinska awtorka a měrowa pedagogowka dr. Sumaya Farhat-Naser. Dźakowano wosobinskemu zwiskej Spenglerec mandźelskeju z Budyšina k awtorce je so poradźiło, ju do sprjewineho města přeprosyć.

Wupisaja spěchowanje

Budyšin. Za w regionje zasydlene towar­stwa wupisa Budyski Lionsowy klub wosebite Kaeublerowe spěchowanje w cyłkownym wobjimje 12 000 eurow. Spěchować chcedźa tři towarstwa po 4 000 eurach. Na te wašnje chcedźa projekty sobu podpěrać, za kotrež je wjetša suma pjenjez trěbna. Za to móže so kóžde towarstwo pola Lionsoweho kluba poža­dać. Powabjenja přijimuja hač do 30. nowembra e-mailnje pod adresu . Nadrobnosće wo wuměnjenjach zhonja zajimcy na internetnej stronje kluba pod . Loni podpěrachu mjez druhim dźěćacy dom we Wuježku.

Poswjeća rejwansku lipu

Freitag, 05. November 2021 geschrieben von:

Njebjelčicy. Swjedźeń k sadźenju rejwanskeje lipy wotměje so jutře, sobotu, w 15 hodź. na swjedźenskej łuce w Njebjelčicach. Na wopytowarjow čaka kulturny program. Wo ćělne derjeměće budźe postarane. Zarjadowarjo su młodźinske kluby gmejny, domizniske a kulturne towarstwo kaž tež towarstwje Kamjenjak a Serbska reja.

Koncert z kwartetom OPUS 4

Budyšin. Renoměrowany pozawnowy kwartet OPUS 4 orchestra Lipšćanskeje sukelnicy wuhotuje póndźelu, 8. nowembra, w 19.30 hodź., koncert w Budyskej tachantskej cyrkwi. Nawod změje Jörg Richter, wjelelětny 1. pozawnist mjenowaneho hudźbneho ćělesa. Wobšěrny repertoire wopřija dujersku hudźbu pjeć lětstotkow. Mjez druhim zaklinča twórby Claudija Monteverdija a Antona Brucknera. Koncert wotměje so w rjedźe „UNPLUGGED w Budyšinje“. Zarjadowar je Budyski Ekumeniski tachantski wobchod, Rotary klub Bautzen/Budyšin jón prezentuje. Zastup je darmotny. Při durjach budźe zběrka.

Adwentnička wotprajena

Donnerstag, 04. November 2021 geschrieben von:

Šunow. Adwentnička za wuměnkarjow gmejny Ralbicy-Róžant, kotraž so hižo wjele lět w Šunowskej Fabrikskej hospodźe wotměwa, tež lětsa płaćiwych koronapostajenjow za zarjadowanja dla njepřewjedu. Tole zdźěli wjesnjanosta Hubertus Ryćer (CDU) w najnowšim wudaću gmejnskeje nowiny. Wón prosy po­trjechenych wo zrozumjenje. „Nadźijamy so, zo móžemy klětu zaso na zwučene wašnje hromadźe swjećić“, rěka we wozjewjenju dale.

Renft hraje w dźiwadle

Kamjenc. Legendarna kapała Renft koncertuje sobotu, 6. nowembra, w Kamjenskim měšćanskim dźiwadle na Połčničanskej dróze. Koncert započnje so w 19.30 hodź., zastup je wot 19 hodź. Po tym zo je šěsć něhdyšich čłonow kapały zemrěło a dalšej strowotnych přičin dla hižo hrać njemóžetaj, je Thomas „Monster“ Schoppe posledni z bywšeje originalneje wobsadki. Renft bě za čas NDR jedna z prěnich beatowych skupinow, kotraž je němsce spěwała. Swojich kritiskich spěwow dla bu skupina 1975 zakazana.

Smyčkarjo w kubłanišću

Přewjedu dźěłarničku

Dienstag, 02. November 2021 geschrieben von:

Budyšin. „Kajke je twoje stejišćo?“ rěka hesło dźěłarnički, kotruž přewjedu pjatk, 5. nowembra, wot 17 hodź. w Budyskim Kamjentnym domje. Při tym póńdźe hłownje wo to, kak z druhimi ludźimi prawje diskutuješ, jich měnjenje analyzuješ a swójske měnjenje zakituješ a prawje formuluješ. Nawod změje Benjamin Winkler ze Załožby Amadeu Antonio. Zajim­cy móža so hač do jutřišeho při­zjewić, a to pod telefonowym čisłom 0 35 91 / 5 31 99 72 abo e-mailnje pod . Wobdźělenje je darmotne.

Zběraja znowa pakćiki

Smjerdźaca. Humanitarne towarstwo Swj. Filomeny chce tež lětsa zaso dźěći a swójby w maćerno-dźěćacym domje w Dolní Podluži kaž tež w bołharskim měsće Razgrad a wokolnych wsach z hodownymi pakćikami zawjeselić. Wobsah pakćikow njeje předpisany, móžne su kakaw,­ słódčizny, hrajki, pisanske materialije a podobne. Pakćiki kaž tež po­ćeh­njenja a najwšelakoriše hygieniske twory hromadźa wot 22. do 25. nowembra wšědnje wot 17 do 18 hodź. w Smjerdźečanskim kulturnym domje. Trjebanu drastu a črije lětsa njehromadźa. Dalše informacije poda Gerat Róbl pod telefonowym čisłom 01 72 / 7 94 75 22.

Jutře žana woda

Montag, 01. November 2021 geschrieben von:

Radwor. Dokelž jutře, wutoru, w Bora­necach hłowny wodowód ponowja, we wjacorych wsach Radworskeje gmejny domjacnosće w času wot 8 do 17 hodź. žanu wodu njezměja. Mjez druhim po­trjechi to Radwor samy, ale tež Kamjenej, Haj, Bronjo, Łupoj, Lutobč, Chasow, Měr­kow­, Miłkecy a dalše wsy. To samsne płaći­ w Njeswačanskej gmejnje za Łahow, Zarěč, Łupjansku Dubrawku a Łuh. Wobydlerjo měli sej za jutře trěbnu wodu do bowow pjelnić. Hdyž budźe nowy wodowód přizamknjeny, móže krótkodobnje k zamućenju wody dóńć.

Z techniku wobchadźeć wuknyć

Předstaja statistiku Serbow

Freitag, 29. Oktober 2021 geschrieben von:

Stróža. Na knižne předstajenje němskorěčneje publikacije „Statistik der Lausitzer Sorben“ Arnošta Muki přeprošujetej Ludowe nakładnistwo Domowina a zarjadnistwo biosferoweho rezerwata Hornjołužiska hola a haty srjedu, 3. nowembra, w 19 hodź. do Stróžanskeho Domu tysac hatow. Wudawaćel a přełožer Robert Lorenz předstaji tute fascinowace dźěło łužiskeje a serbskeje ludowědy. Zastup­ za dorosćenych płaći dwaj euraj, potuńšene jedyn euro. Wopytowarjo njech­ wobkedźbuja płaćiwe prawidło 3G a měli wotpowědny dopokaz a wupokaz w originalu sobu měć.

Pytaja hladarku

Chrósćicy. Dom swjateje Ludmile w Chró­sćicach poskića dźěłowe městno za chorobnu sotru abo hladarku starych ludźi. Mužojo smědźa so runje tak po­ža­dać, kotrež hodźi so hnydom wob­sadźić. Mzda płaći so po tarifowych rjadowanjach Carity. Požadanja přijimuja z póštu, Zejlerjowa 4 w 01920 Chrósćicach, abo z majlku na . Nadrobniše informacije poda nawodnica Mónika Wenclowa pod telefonowym čisłom­ 03 57 96 / 94 73 30.

Hromadźa staru papjeru

Serbska debata

Neuheiten LND