Lipjenjo z nowym předsydstwom

Mittwoch, 16. Januar 2019
Artikel bewerten
(0 Stimmen)
Předsydstwo chóra Lipa, naprawo Hanka Wowčerjowa Foto: SN/Hanka Šěnec Předsydstwo chóra Lipa, naprawo Hanka Wowčerjowa Foto: SN/Hanka Šěnec

Chór Lipa je na swojej hłownej a wólbnej zhromadźiznje nowe předsydstwo wuzwolił. Do toho je dotalne nawodnistwo wo swojej dźěławosći rozprawjało, a to z dobrej bilancu.

Pančicy-Kukow (SN/bn). „Dźensa je 38 našich čłonow přitomnych, z čimž smy wobzamknjenjakmani“, zwěsći 2. městopředsyda Beno Wawrich wčera wječor w awli Pančičansko-Kukowskeje Šule Ći­šin­­skeho. Tak bě wjetšina z cyłkownje 71 sobustawow na městnje. Loni su třo nowačcy – spěwarka a spěwarjej – towarstwu přistupili.

Městopředsydka Melanie Bulankowa předčita na to rozprawu dźěławosće. Dohro­­mady je chór minjene lěto pjeć wulkich­ koncertow wuhotował. Wusahowacej wjerškaj běštej za nju zhromadny wustup z chórom Slavica we wupředatej Drježdźanskej cyrkwi Třoch kralow kaž tež najebać špatne wjedro wuspěšny nócny koncert w město před Workle­čanskej kapałku. Nimo toho wuzběhny Bulankowa nahrawanje třoch spěwow za Serbski rozhłós, kotrež chce tele­ dny prěni raz wusyłać.

Veröffentlicht in Towarstwa
Bitte anmelden, um einen Kommentar zu posten

Serbska debata

Neuheiten LND