Sernjany kaž wulka swójba

Montag, 05. August 2019
Artikel bewerten
(0 Stimmen)
Na dźesać stacijach předstajichu Sernjančenjo we wobłuku swojeho jubilejneho swjedźenja wčera popołdnju něhdyše rjemjesła a dźensa tam dźěłace firmy. Wjele ludźi zajimowaše so pola Korjenkec, kak běchu něhdy žito mlěli.  Foto: SN/Maćij Bulank Na dźesać stacijach předstajichu Sernjančenjo we wobłuku swojeho jubilejneho swjedźenja wčera popołdnju něhdyše rjemjesła a dźensa tam dźěłace firmy. Wjele ludźi zajimowaše so pola Korjenkec, kak běchu něhdy žito mlěli. Foto: SN/Maćij Bulank

Wjes nad Klóšterskej wodu kónc tydźenja 600lětne wobstaće swjećiła

Sernjany (SN/mwe). Kóžde druhe lěto přewjeduja Sernjany wotměnjejo so ze susodnym Róžantom wulki wjesny swjedźeń. Tónkróć pak bě to kónc tydźenja wosebity swjatk, dokelž spominachu Sernjan­čenjo hromadźe ze stami hosći zbliska a zdaloka na 600 lět prěnjeho naspom­njenja wsy.

Z teje přičiny bě wjesny klub hromadźe z wohnjowej woboru, młodostnymi a dalšimi – poprawom bě wot pjatka do wčerawšeho wječora cyła wjes na nohach – wosebity program spřihotował. Na dźesać stacijach móžachu sej wopy­towarjo wčera popołdnju wobhladać, kotre rjemjesła běchu něhdy w Sernjanach zasydlene, kak su w Korjenkec młynje muku dźěłali, kotry korčmar w dźens­nišim Cyžec hosćencu hdy piwo točeše a što běchu w něhdyšim wobchodźe za kolonialne twory w 50tych lětach předawali. Prezentowali pak su so syłam ludźi tež dźensniše firmy, kaž na přikład předewzaće MPT a twarc poolow.

Veröffentlicht in Towarstwa

Galerie

dalši wobraz (1) Wo wjesołu naladu bě so sobotu wječor w Sernjanach kapała nAund ze Škodowa postarała. Hač do zažneho ranja je so na rjenje wuhotowanym swjedźenišću při Klóšterskej wodźe wjace hač 800 młódšich a staršich hosći zabawjało. Foto: Feliks Haza
Bitte anmelden, um einen Kommentar zu posten

Serbska debata

Neuheiten LND