Powšitkowne wobchodne wuměnjenja (AGB) k woteběranju Serbskich Nowin (SN), pjatkowneho wudaća SN, němskorěčneho wudaća SN, Płomja, Serbska šula a SN online w abonemenće
Staw: 1. Januara 2021
1. Wobłuk płaćiwosće
Za wobchodne poćahi mjez Ludowym nakładnistwom Domowina tzwr a skazarjom/abonentom płaća slědowace powšitkowne wobchodne wuměnjenja. Twory dodawaja so znutřka Europskeje unije.
2. Wotzamknjenje zrěčenja
Ze skazanjom Serbskich Nowin (SN), pjatkowneho wudaća SN, měsačneho němskorěčneho wudaća SN, Plomja, Serbska šula abo SN online wotzamknjeće zrěčenje z:
Domowina-Verlag GmbH
Ludowe nakładnistwo Domowina
Jednaćel Syman Pětr Cyž / Geschäftsführer Simon Peter Ziesch
Sukelnska/Tuchmacherstr. 27
02625 Budyšin/Bautzen
telefon: 0 35 91/ 57 72 42
faks: 0 35 91/ 57 72 43
e-mail:
Hamtske sudnistwo Drježdźany
HRB 816
Wo dóńdźenju swojeje skazanki dóstanjeće bjez komdźenja informaciju z e-mail, pomjenowanej jako „Wobkrućenje dóńdźenja skazanki“. Wobkrućenje stawa so awtomatisce a njeje hišće přiwzaće zrěčenja. K zrěčenju wo abonowanju dóńdźe hakle z dalšej e-mail, pomjenowanej jako „Wobkrućenje nadawka“, z kotrejž wašu skazanku přiwozmjemy a zrěčenje wotzamknjemy. Tule powěsć dóstanjeće bjez komdźenja, najpozdźišo pak 3 dźěłowe dny po dóńdźenju wašeje skazanki w našim domje.
Studenća, kiž studuja zwonka Łužicy a abonuja Serbske Nowiny wot póndźele do pjatka, maja za abonentske zrěčenje z potuńšenej abonentskej płaćiznu kóžde lěto hač do 31. oktobra aktualne imatrikulaciske wopismo předpołožić, hewak wobliči so połna płaćizna.
Za abonentske zrěčenje njewobsteji prawo cofnjenja, dokelž leži abonentska płaćizna hač k prěnjej móžnosći wupowědźenja pod 200 eurami. Tekst zrěčenja a wašu skazanku pola nas składujemy a wam na přeće zhromadnje z powšitkownymi wobchodnymi wuměnjenjemi připósćelemy.
Zrěčenje móžeće serbsce kaž tež němsce wotzamknyć.
3. Doba dodawanja resp. spřistupnjenja
Minimalna doba dodawanja resp. spřistupnjenja je 12 měsacow. Spočatk dodawanja resp. spřistupnjenja je 1. kóždeho měsaca, je-li skazanka hač do 20. dnja předměsaca w Ludowym nakładnistwje Domowina dóšła. Abonement tež po dojednanej mininalnej dobje dodawanja resp. spřistupnjenja dale běži, jeli so wón w postajenym časowym wobłuku njewupowědźi. Při wuraznje wobmjezowanych abonementach skónči so zrěčenje z dojednanym kóncom abonementa.
4. Dodawanje/spřistupnjenje
Serbske Nowiny su wječornik a wuchadźeja wot póndźele do pjatka nimo zakonskich swjatych dnjow. Abonenća w teritoriju, w kotrymž roznošowar w nadawku nakładnistwa roznošuje, maja narok na dodawanje nowiny hač do 19 hodź. na dnju wuńdźenja. Abonenća zwonka tutoho teritorija dóstawaja nowinu po cyłej Němskej dźeń po wuńdźenju. Do wukraja sćelemy zezběrane wudaća nowin z kóštowych přičin jenož dwójce wob měsac. Płomjo wuńdźe 11 króć wob lěto a so z póštu dodała. Serbska šula wuńdźe po kwartalach a so z póštu dodała. Aktualne wudaće SN online inkl. e-paper je na dnju wuńdźenja wot 15.30 pod www.serbske-nowiny.de přistupne.
Njedostatki při roznošowanju resp. spřistupnjenju prosymy hnydom přizjewić pola:
Ludowe nakładnistwo Domowina tzwr
wotrjad rozšěrjenje
Sukelnska/Tuchmacherstr. 27
02625 Budyšin/Bautzen
tel.: 0 35 91 / 57 72 66
faks: 0 35 91 / 57 72 07
e-mail:
5. Płaćizna
Płaćiwa je na dnju skazanki wupokazana lisćina płaćiznow. Płaćizny wopřijimuja płaćiwy wobrotowy dawk. Nakładnistwo wuměnja sej prawo, pozdźišo płaćizny změnić. Powyšenje płaćizny so we wotpowědnym mediju znajmjeńša dwaj měsacaj do nabyća płaćiwosće wozjewi. Jednotliwy abonent so separatnje njeinformuje.
Abonement ma so dočasa zapłaćić. Jeli so w běhu zrěčenja kupna płaćizna změni, ma abonent wot dnja zwyšenja płaćiwu kupnu płaćiznu zapłaćić. Hižo dočasa zapłaćena abonentska płaćizna je za čas dočasneho zapłaćenja garantowana a njehodźi so zwyšić.
6. Dodawanske kóšty
Abonentska płaćizna wopřijima w tukraju kóšty dodawanja. Při rozesłanju do wukraja wobličimy k abonentskej płaćiznje přidatnje slědowace lětne rozesłanske kóšty:
Serbske Nowiny – wot póndźele do pjatka: 55,20 EUR
Serbske Nowiny – pjatkowne wudaće: 24,00 EUR
Serbske Nowiny – němske wudaće: 24,00 EUR
Płomjo: 22,00 EUR
Serbska šula: 8,00 EUR
7. Wuměnjenja płaćenja
Abonent zapłaći abonentsku płaćiznu bjez wotćahow přez SEPA-poćeženje konta skazarja abo po stajenju zličbowanki. Zapłaćić hodźi so štwórćlětnje, połlětnje abo lětnje. Při płaćenju po terminje zapłaćenja wobličimy pominanski popłatk a pódlanske kóšty pominanja. Dołhož njeje abonent swoju zličbowanku zapłaćił, je předawar woprawnjeny dodawanje nowiny přetorhnyć.
8. Wupowědźenje abonementa
Za wupowědźenje abonementa płaći doba štyrjoch tydźenjow ke kóncej kwartala. Hižo zapłaćenu abonentsku płaćiznu nakładnistwo kupcej po zakónčenju abonementa podźělnje wróći. Wotskazanka ma so w tekstowej formje zapodać na slědowacu adresu:
Domowina-Verlag GmbH
Ludowe nakładnistwo Domowina tzwr
wotrjad rozšěrjenje
Sukelnska/Tuchmacherstr. 27
02625 Budyšin/Bautzen
faks: 0 35 91 / 57 72 07
e-mail:
9. Změny
Dypkowne wobdźěłanje abonentskich, płaćenskich, bankowych, dodawanskich a bydlenskich změnow hodźi so jenož zaručić, hdyž je zdźělenka wo změnje znajmjeńša pjeć dźěłowych dnjow do termina změny w Ludowym nakładnistwje Domowina pod w dypku 8 mjenowanej adresu dóšła.
10. Wuzamknjenje dodawanja resp. spřistupnjenja
W padźe wyšeje mocy, zawodnych mylenjow, stawkow, wuzamknjenjow abo dalšich mylenjow, tež we wobłuku roznošowanja, njewobsteji narok na dodawanje nowiny. Při njewuchadźenju elektroniskeho wudaća SN online na zakładźe mylenjow w syći internetneho poskićowarja kaž tež w padźe wyšeje mocy njewobsteji narok na wukon, na zarunanje škody abo zniženje woteběranskeje płaćizny.
11. Wabjenske přiłohi
Přiłohi a prospekty su wobstatk nowiny a njehodźa so w jednotliwych wudaćach wuwostajić.
12. Wosebitosće digitalneho poskitka Serbske Nowiny online
12.1. Wotzamknjenje zrěčenja
Abonentske zrěčenje wo wužiwanju Serbske Nowiny online wotzamknje so, hdyž sćele skazar wupjelnjeny online-formular přez internet na Serbske Nowiny, Ludowe nakładnistwo Domowina tzwr, a hdyž jemu Ludowe nakładnistwo Domowina na to online-přistup zmóžni. Winowatosć zapłaćenja nastanje z přichodnym połnym měsacom.
12.2. Prawo na přistup
Prawo na přistup płaći jeničce za abonenta wosobinsce a za z nim trajnje w samsnej domjacnosći žiwych swójbnych. Woni nimaja přistupne daty (wužiwanske mjeno/klučowe hesło) dale dawać a maja je před znjewužiwanjom škitać.
12.3. Wužiwanske prawa
Abonent je woprawnjeny, online přistupny přinošk za priwatne zaměry wužiwać a jón do dźěłoweho składa swojeho ličaka kopěrować. Wón smě přinošk jeničce za priwatne zaměry resp. za swójsku informaciju rozmnožić (na př. jón wućišćeć). Při tym njesmědźa so copyright-podaća kaž awtorske mjena wotstronić. Archiwowanje je jenož dowolene, słuži-li archiw jeničce priwatnym a internym zaměram abonenta. Njesmě k žanomu dalšemu wužiwanju dóńć. Kóždemu dalšemu wužiwanje dyrbi Ludowe nakładnistwo Domowina do toho pisomnje přihłosować.
12.4. Čitarske měnjenja
Poskićena funkcija za komentowanje w Serbske Nowiny online ma so swědomiće wužiwać. Redakcija prosy wo fairnu diskusiju a přemyslene formulacije. Awtor přinoška ma so ze swojim połnym mjenom podpisać. Wón so zawjaza, Ludowe nakładnistwo Domowina wot wšitkich narokow třećich, kiž so na zakładźe přinoška přednjesu, wuswobodźić. Zakonje a prawniske předpisma maja so dodźeržeć. Spřistupnjenje po awtorskim prawje škitanych přinoškow smě so jenož z přihłosowanjom awtora stać. Komentary móža so wot redakcije wotstronić abo scyła hakle nic spřistupnić.
13. Datowy škit
Ludowe nakładnistwo Domowina předźěłuje wosobinske daty jenož při rjadowanju a wotličenju skazankow a abonementow w šěršim zmysle, za připósłanje skazanych informaciskich materialijow kaž tež při internetnych wustupach we wobłuku wozjewjenja k škitej datow, kotrež sej tam wotwołać móžeće. To wopřijimuje wosebje kontaktne, skazanske a zličbowanske daty. Daty zběramy direktnje pola skazarja resp. abonenta. Wuwzaće je podaće cuzeje dodawanskeje adresy na př. we wobłuku darneho abonementa.
Zezběrane daty składujemy elektronisce w našich datowych bankach. Hasnjenje hižo njetrěbnych datow stawa so po w datym padźe zakonsce předpisanym času.
Dalše wužiwanje zezběranych datow, na př. za wabjenje, njestawa so bjez dowolnosće skazarja. Ludowe nakładnistwo Domowina smě adresowe daty (tež e-mailowe adresy, nic pak telefoniske čisła) wužiwać, zo by so za dowolnosću prašało. Podata dowolnosć smě so kóždy čas z jednorej zdźělenku na nakładnistwo (hlej wupowědźenje abonementa) cofnyć.
Waše daty nikomu dalšemu njesposrědkujemy, chibazo mamy w jednotliwym padźe wotpowědnu prawnisku winowatosć. Nimo toho sposrědkujemy waše daty we wobłuku § 11 Zwjazkoweho zakonja wo škiće datow (BDSG) w trěbnym padźe posłužbarjam, je-li to za realizowanje zrěčenskeho poměra kaž tež za poskićenje našich słužbow trěbne.
Připósćelemy wam kóždy čas informaciju wo datach, kiž smy po § 19 BDSG wo wašej wosobje pola nas składowali, jeli nam wotpowědne naprašowanja na h. mj. kontaktne daty stajiće. Nimo toho přisteji wam po § 20 BDSG prawo na poprawjenje, hasnjenje a zawrjenje pola nas wo wašej wosobje składowanych datow. W datym padźe skontaktujće so prošu z nami abo z našim datoškitnym zamołwitym (hlej wozjewjenje wo datowym škiće).
Dalše informacije wo wašnju a wo wobchadźe z datami, kotrež smy na zakładźe wašeho wužiwanja našeho internetneho wustupa zezběrali a składowali, dóstanjeće we wozjewjenju wo datowym škiće.
Maće-li dalše prašenja k datowemu škitej, směće so rady tež na našeho datoškitneho zamołwiteho (Drježdźanski institut za datowy škit, Palaisowe naměsto 3, 01097 Drježdźany) wobroćić. Waša naležnosć wobdźěłuje so dowěrliwje.
14. Zaručenje a wujednanske městno za přetrjebowarjow
Płaći zakonske prawo wo rukowanju při njedostatkach. Njewobdźělamy so na wujednanju zwadow před wujednanskim městnom za přetrjebowarjow.
15. Nałožujomne prawo a sudniske městno
Płaći prawo Zwjazkoweje republiki Němskeje, wuzamknjene je kupne prawo UN. Je-li skazar překupc abo juristiska wosoba zjawneho prawa, je sudniske městno za wšitke ze zrěčenja wuchadźace rozestajenja bjezwuwzaćnje za naše firmowe sydło Budyšin (Bautzen) přisłušne sudnistwo.