Rownjanska gmejnska rada plan wo wuwiću wsy naćisnyła

Rowno (AK/SN). Po wozjewjenju najnowšich planow energijoweho zastara­ćela LEAG nastupajo wudobywanje brunicy žadaja sej Rownjenjo prawnisku wěstotu­ za zachowanje swojeje wsy, škitne naprawy přećiwo Wochožanskej wuhlowej jamje a podpěru Swobodneho stata Sakskeje za infrastrukturu. Tole je wjesny přestejićel Matthias Jainsch na posedźenju gmejnskeje rady w Slepom zawčerawšim, wutoru, w swojej rozprawje hišće raz po­twjerdźił. „Stanjemy so z direktnym susodom Wochožanskeje brunicoweje jamy, a to wjele lět. Poće­žowa­nja budu hoberske“, wón pod­šmórny.