Dirk Rettig nowy Kulowski trenar

póndźela, 17. julija 2017
artikl hódnoćić
(0 )
 Dirk Rettig  Foto:  Werner Müller  Dirk Rettig Foto: Werner Müller

Po tym zo bě Waldemar Adamowicz po dźewjeć lětach jako hrajer a trenar prěnjeho koparskeho mustwa Módro-běłych Kulow přestał, je Detlef Scholze mustwo spočatk lěta přechodnje přewzał a z nim we wokrjesnej wyšej lize wostał.

W přihotach na nowu hrajnu dobu su z Dirkom Rettigom nětko noweho nazwučowarja angažowali. Kulowskim koparjam je Spalowčan derje znaty. Wón narodźi so 13. nowembra 1969 w Choćebuzu, je ženjeny a ma dwě dźěsći. Z pjeć lětami započa wón z kopańcu pola FC Energije Choćebuz. Tam hraješe we wšitkich dorostowych mustwach. Z 19 lětami dźěše na dwě lěće k Chemiji Gubin a hraješe w lize NDR, kotraž bě tehdy druha najwyša. Z 21 lětami wróći so k Energiji a 1996 změni k FC Rudne horiny Aue. Wot lěta 1998 do 2002 šnórowaše wón kopački za FSV Wojerecy a wot 2002 pjeć lět za FSV Budissu Budyšin. W hrajnym lěće 2007/2008 hraješe za Wojerecy 1919. Kónc lěta 2008 započa Rettig jako trenar FSV Budissy Budyšin II a wukonješe funkciju pjeć lět. Rezerwa Budissy postupi z nim z wokrjesneje wyšeje ligi do krajneje ligi. Dalšej staciji jako trenar běštej SJ Chrósćicy (dwě lěće) a ST Hnašecy/Dobruša.

wozjewjene w: Sport
Prošu přizjewće so, chceće-li komentar podać

Serbska debata

nowostki LND