Mjeńšiny w Awstriskej žadaja sej wot přichodneho knježerstwa wjac kedźbnosće. To zdźěla tamniša nowinska agentura APA. W minjenych lětach njeje so nastupajo ponowjenje mjeńšinoweho zakonja ničo hibało, kritizuja zastupnicy mjeńšin. Tohodla sej woni nětko žadaja, spěchowanje narodnych skupin w kraju, kotrež je hižo dwaceći lět na samsnym niwowje zamjerznjene, znajmjeńša podwojić.